Монгол Оюутнууд Австралийн их сургуулиудын талаар

Related: Оюутны Визний Мэдээлэл
Mongol oyutnuudad handsan Urialga – Attention-mn-students!

Mongolian students in Australia note About Australian Universities
(Монгол Оюутнууд Австралийн их сургуулиудын талаар)

Australian National University http://www.anu.edu.au (ACT, Canberra): Huyagtsogt
University of Notre Dame– (WA, Perth): Australia by Vinzoo June 2003
University of Melbournehttp://www.unimelb.edu.au (VIC, Melbourne): Mandakhbat
Swinburne University of Technologyhttp://www.swin.edu.au (VIC, Melb): BatjargalTamir
Griffith Universityhttp://www.gu.edu.au (Brisbane, Gold Coast): Australia by P.Batjargal
Queensland University of Technologyhttp://www.qut.edu.au (QLD, Brisbane): Australia by Jim
Why studying in AU on Bizya blog: -> http://bizya.blog.banjig.net/
English course and housing: -> Someone-about-au
English and Postgraduate studies: -> 3. Англи хэл | 8. Суралцахад

Australian Education | Australia by Amarbayar
——————————————
Монгол Улсын Засгийн газраас зөвшөөрсөн дэлхийн 500 шилдэг сургуулиудын тоонд Австралийн 13 их сургууль багтсан байна: Австралийн Их Сургуулиуд Дэлхийн Шилдэг 500-д

Daraah surguuliin oyutnuudiin temdeglelees tuuverlen avlaa.

***************************************************
Australian National Universityhttp://www.anu.edu.au (ACT, Canberra)
More: Huyagtsogt in Canberra – ANU
Миний нэрийг Хуягцогт гэдэг. Австралийн Үндэсний Их Сургуульд Бизнесийн удирдлага, санхүүгийн чиглэлээр мастер зэрэг горилон суралцаж байна. Австали улсын нийслэл хот Канберра. Уг хот нь 330 мянган хүн амтай, эргэн тойрон хуурай газраар хүрээлэгдсэн хот(Австралын бусад ихэнхи хот нь далайн эрэгээр тархсан). Тус улсын хамгийн том хотууд болох Сидней, Мельбурны аль нь Австралийн нийслэл хот болох вэ? гэсэн урт, удаан маргааны эцэст эдгээр хотуудын дунд байрлалтай шинэ нийслэл хот барих тохироонд хүрч 1908 онд одоогийн Канберра хотын байрлах газрыг сонгожээ. Канберра нь Сиднейгээс 280 км, Мельбурнээс 650 км алслагдан оршдог бөгөөд бусад хотоос ялгарах бас нэг онцлог нь гэвэл уг хотыг анхнаас нь бүрэн төлөвлөж барьсан хот юм.

Канберрад Австралийн нийгэм, улс төрийн бодлогыг тодорхойлж байдаг гэдгийг ихэнхи нь мэдэх. Энд тус улсын холбооны засгийн газар, парламент, дээд шүүх гэх мэт ихэнхи төрийн байгууллагууд нь төвлөрсөн байдаг. Мөн Австралийн Үндэсний Их Сургууль(АҮИС)-ийн кампус нь хотын төв дүүрэгт байрладаг. Багцаалбал, хотын төв хэсгийн ¼ орчимыг эзэлсэн гэж хэлж болох байх. Канберра дахь хамгийн том ажил олгогч нь холбооны засгийн газар бөгөөд энэ мужийн иргэдийн нийт орлогын зонхилох хувийг холбооны засгийн газарт ажиллагсадын цалин, түүнтэй адилтгах орлого бүрдүүлдэг. Долоо хоногийн 4 дэхь өдөр болгон төрийн байгууллагын ажилтнуудын цалин буудаг тул тэр өдөрт хотын төвийн бар, цэнгээний газрууд хөл хөдөлгөөн ихтэй өнждөг. Дашрамд дурдахад Канберрад Холбооны засгийн газрын ажилтнууд, АҮИС-ийн оюутнууд л амьдардаг гэсэн “хошигнол”-ыг нэг найзаасаа сонсч байсан.

Канберра дахь Монголчууд

Одоогийн байдлаар Канберрад 30 орчим Монголчууд байна. Эднээс 11 нь эдийн засаг, олон улсын харилцаа, бизнес, санхүүгийн чиглэлээр мастер болон бакалаврын зэрэг горилон АҮИС-д суралцаж байна. Хувиараа төлбөрөө төлөөд суралцаж буй 2, тэтгэлгээр суралцаж буй 9 хүн байна. Тэтгэлгийн хувьд 6 хүн – AusAID, 2 хүн-IMF(International Monetary Fund), 1 хүн – ADB(Asian Development Fund). Оюутнуудаас бусад нь эдгээр оюутны гэр бүл, үр хүүхдүүд. Оюутнуудын хувьд долоо хоногт 20 цаг ажиллах эрхтэй, харин гэр бүлийн хүн нь ажиллахад цагийн хязгаар байхгүй.

***************************************************
University of Notre Dame– (WA, Perth): Australia by Vinzoo June 2003

Cая батлагдсан тєсвєєр засгийн газар нь их, дээд сургуулиудын тєлбєрийг хамгийн ихдээ 30% нэмэгдїїлэх шийдвэр гаргасан явдал юм. 1 жилийн оюутны сургалтын тєлбєр дунджаар 12000-16000 AU$ байдаг гэж бодвол мань мэтэд нь багагїй ачаалал ирэх нь тодорхой. Энэ шийдвэрийг эсэргїїцэн 2 долоо хоногийн ємнє Баруун Австралийн 5 их сургууль болох University of Western Australia, Edith Cowan University, Curtin Univerity of Technology, The University of Notre Dame, Murdoch University-ийн оюутанууд болон сєрєг хїчний намын лидерїїд Перт хотод нилээд том жагсаал зохион байгуулсан билээ. Ер нь бол Австрали улсад 38 их сургуультай бєгєєд їїн дээр коллеж, хэлний сургуулиудыг оруулбал замбараагїй их тоо гарах байх. 2002 оны мэдээгээр 157 296 гадаад оюутан Австрали улсад сурч байгаа байгаа энэ нь нийт Австралид сурч буй оюутнуудын 21% нь болж байна. Одоогоор Австрали нь дээрх тооны гадаад оюутнаас 5 тэрбум долларын орлого олж байгаа 2025 он гэхэд 1 сая оюутан хїлээн авч 38 тэрбум долларын орлого олно гэж засгийн газар нь тооцоолж байгаагаас харахад экспортын гол бїтээгдэхїїний нэг нь яах аргагїй боловсрол болж бйана. Тїїнчлэн нийт гадаад оюутнуудын 55%-ийг Азийн оюутанууд эзлэх бєгєєд гол импортлогч орнуудыг хувийн жингээр нь жагсаавал Сингапур, Хонг-Конг, Малайз, Хятад, Индонези, Энэтхэг, АНУ, Тайланд, Норвеги, Япон, Их Британи, Швед, Герман, Франц, Итали, Испани, Чех зэрэг улсууд орно. Харин Баруун Австралийн хувьд дээр дурдсан 5 их сургуульд одоогийн байдлаар 70 000 оюутан сурч байгаагийн дотор 80 орны 22 000 гадаадын оюутан багтаж байна. Одоогийн байдлаар гадаадын энэ олон орны оюутнуудын дунд Монгол хэмээн дуудуулж яваа 3 оюутан сурч байна. Хїмїїсийн яриаг сонсож байхад Баруун Австралид сурах гэж ирж байгаа бараг бїх Монголчууд Curtin University of Technology-д ирдэг юм байна. Тэндэхийн зарим багш нар ч Монголд хэд хэдэн удаа очиж ажиллаж байсан нєхдїїд байдаг аж. Харин миний хувьд The University Of Notre Dame-д анхны Монгол оюутан нь болон суралцаж байна. Миний ажигласнаар шалгалт шїїлэг дээр голдуу гадаадын оюутнууд австрали оюутнуудаас илїї їнэлгээ авдаг нь харагдсан. Америк маягийн боловсролын системтэй бєгєєд танхимд сууж хичээллэх цаг бага ч бие даан хийх юм маш их єгдєг.

Харин энд ажиллаж сурч буй нэгэн монгол хїний хэлснээр жил бїр 10 гаран Монгол хїн хууль бусаар Австралид їлддэг бєгєєд одоогийн байдлаар зєвхєн Сидней хотод буй Монголчуудын тоо 600-д хїрч байгаа сурагтай. Монгол улсын єргємжилт консул Сидней хотод байрладаг бєгєєд анх намайг Австралид ирэхэд эндэхийн Монголчуудтай холбоо барих хаягийг єгч багагїй тус болсныг дурдах нь зїйтэй болов уу. Баруун Австралийн нийслэл Перт хотын хувьд одоогийн байдлаар миний мэдэж байгаагаар The University of Notre Dame болон Curtin Technology University-д суралцаж буй 3 оюутан гэр бїлийн хамт, австралийн иргэдтэй гэр бїл болсон 2 бїсгїй нийт 8 монгол амьдарч байна. Дээр дурдсанчлан Перт хот нь Баруун Австралийн нийслэл нь бєгєєд Баруун Австралийн нийт хїн амын гуравын хоёр нь Перт хотод амьдардаг. Єндєр єндєр байшин сїндэрлэсэн (гэхдээ Сингапур энэ тэртэй харьцуулбал тэнгэр баганадсан єндєр байшингийн тоо цєєхєн) хотын тєвдєє албан газрууд, дэлгїїр, ресторан, зочид буудлууд зэрэг нь тєвлєрєх бєгєєд 17 цаг гэхэд бїгд хаалгаа барих ба хотын тєвдєє нийтийн орон сууц бараг байхгїй. Ер Австраличууд Монгол шиг ес, таван давхар байранд (apartment) олуулаа амьдардаггїй юм байна. Тийм ч учраас хотын тєвєєр орой 20 цагаас хойш явбал хїний бараа бараг харахгїй. Энэ нь анх надад сєнєсєн хот шиг их эвгїй санагддаг байж билээ. Энэ їед тэд хаана байдаг вэ гэвэл бар, шєнийн цэнгээний газар эсвэл гэртээ алжаалаа тайлж амарч суудаг. Бараг Баруун Австралийн бїх хїмїїс хотын тєвєєсєє зайдуу орших хувийн нэг юмуу хэд хэдэн давхар байшиндаа (house) амьдрах бєгєєд їнэ нь байшил, тохижилт зэргээсээ шалтгаалж 200 000 – 10 000 000 австрали долларын хооронд хэлбэлзэнэ. Манайхан зун зуслан гарахаараа зуслангаас ажилдаа явдагтай адил юмуу даа. Хотын зайдуу болохоор байгаль их сайхан яг л Монголын зуслангуудын орчин ямар байдаг билээ яг тийм. Намуухан орчин, цэвэр агаар, єнгє єнгийн тоть нисэлдээд л. Перт хотод ямар ч їндэстэн тайван амьдрах боломжтой. Учир нь одоогийн байдлаар дэлхийн 200-гаад їндэстэн 170 тєрлийн хэл хэрэглэн хоорондоо ойлголцож энэ хотод ажиллаж, сурч, амьдарч байгаагийн сацуу 100 гаруй шашны янз бїрийн урсгал чєлєєтэй шїтэгдэж байна гэж орон нутгийн засгийн газрын тайланд нь дурджээ. Баруун Австраличуудын хїн амын дєрєвний нэг нь Австрали улсад тєрєєгїй гэж бодохоор энэ муж нь олон їндэстэний єлгий болох нь ойлгомжтой.

Ийм сайхан орчинд амьдардаг болоод ч тэр її Австраличууд ерєнхийдєє их сайхан ааштай, уриалагхан хїмїїс. Зундаа хэт их халдаг болоод ч тэр її зарим хїмїїс нь энэ їед гутал ємсдєггїй юм байна. Хєл нїцгэн нийтийн тээврийн хэрэгсэл, супермаркет энэ тэрээр хээв нэг явж байх. Африк, энэтхэгийн оюутнууд хїртэл эндэхийн халууныг гайхан манай улс халуун ч гэсэн австрали шиг ингэж шатаж халдаггїй хэмээн дуу алдана. Нийтийн тээврийн хэрэгслийнх нь нэг давуу тал нь хот дотроо тусгай хэд хэдэн шугамаар єдєр бїр їнэгїй автобус явах нь сайхан.
***************************************************
University of Melbournehttp://www.unimelb.edu.au (VIC, Melbourne)

More: Мельбурны Их Сургуулийн Тухай

Мельбурны Их Сургуулийн Тухай

The Evolution starts here… Dream Large

www.unimelb.edu.au

Австрали улсад “Их Найм” гэсэн тусгай шилдгийн шилдэг найман их сургууль байдаг. Үүнд: Австралийн Үндэсний Их Сургууль, Сиднейн Их Сургууль, Мельбурны Их Сургууль, Шинэ Өмнөд Вэльсийн Их Сургууль, Монаш Их Сургууль, Квинслэндийн Их Сургууль, Баруун Австралийн Их Сургууль, Флиндэрсийн Их Сургууль гэсэн их сургуулиуд ордог. Засгийн газар болон томоохон корпорациудын захиалгаар өргөн хүрээний, өндөр үнэтэй судалгаа, эрдэм шинжилгээний ажлууд эдгээрт ихэвчлэн хийгддэг бололтой юм билээ. Сиднейд хоёр, Мельбурнд хоёр, Нийслэл Канберрад нэг, Баруун Австрали, Өмнөд Австрали, Квинслэнд мужид тус бүр нэг ийм их сургууль оногдож байгаа гэсэн үг юм.

Мельбурны нэгэн дүүрэг

Мельбурны Их Сургууль нь хотын төвийн бизнес хэсэгтэйгээ залгаа бүтэн дүүргийг эзэлсэн хотхон байдаг. 150 гаруй жилийн туршид яг л энэ байрандаа байрлаж байгаа юм билээ. Орчин үеийн барилгууд нь 100 гаруй жилийн түүхтэй уран барилгуудтайгаа зэрэгцэн оршсон гайхамшигтай цогцолбор юм. Ерөнхийдөө 10 гаруй факультетууд энэ хэсэгт төвлөрсөн байдаг. Оюутны хоёр том байр, спортын цогцолбор, оюутны холбооны байр, багш нарын байр, мастер докторт суралцагсдын байр, эрүүл мэндийн төв, санхүүгийн тусламжийн газар, байрны үйлчилгээний газар, ажлын байр жуулчлалын газар, хоёр хүүхдийн цэцэрлэг, төв болон факультет бүрийн номын сан, банкны салбар, хоолны газрууд, бар, зочид буудал, дэлгүүрүүд, машин тавих газар гээд бүхий л зүйлүүд энд байдаг.

Сургууль 40 000 гаруй оюутантай бөгөөд тэдний 6000 гаруй нь мастер болон докторт суралцдаг. Мөн 6000 гаруй багш, эрдэмтэн, ажиллагсадтай.

Шинэ технологи

Оюутнаар элссэн эхний өдрөөс сургуулийн хаяг бүхий имэйл хаягтай болох ёстой. Сургуультай холбоотой бүхий л мэдээлэл интернэтээр гол нь дамжиж явагдана. Сургуулийн дүүрэг бараг бүхэлдээ утасгүй интернэтийн сүлжээтэй. Оюутан өөрөө компьютерээ аваад л явбал интернэтийн сүлжээ нээлттэй юм. Номын сангаас бас зөөврийн комьютер зээлж авч болно. Гэхдээ факультет бүр бараг хангалттай компьютер бүхий лаборатортой. Хэвлэх болон хувилахдаа оюутны үнэмлэхээрээ эсхүл банкны карт шиг тусгай картаар хэвлэнэ. Сургуулийн номын сангийн хамгийн гол хэсэг надад электрон номын сан, электрон хайлт юм шиг санагддаг.

Номын Сан

Сургуулийн нэгдсэн төв номын сангийн номын нөөц маш сайн, энд бас хамгийн сүүлийн үеийн ном, сэтгүүл бүх л зүйлийг захиалаад уншиж болно. Факультет бүрийн номын сан нь ихэвчлэн тухайн салбараараа мэргэшсэн ном, сэтгүүл, сурах бичиг зэргийг агуулсан байдаг. Хуулийн сургуулийн номын сан гэхэд л гурван давхар номын сан байдаг бөгөөд энд Автсрали, Канад, Америк, Их Британи, Шинэ Зеландын 100 гаруй жилийн өмнөх шүүхийн шийдвэрүүд, сэтгүүлүүд бүгд хадгалаастай байдаг. Номын сангаас авсан номоо оюутан өөрөө автомат машин дээр шалгаад аваад гараад явж болно. Шалгаж гарахгүй бол дэлгүүрээс юм хулгайлсантай адил дохиолол дуугарна. Номыг бол дунджаар нэг сар зээлэээд уншиж болно.

Үйлчилгээ

Санхүүгийн тусламжын газар нь оюутнуудад сургалтын төлбөр, байрны түрээсний төлбөр, ерөнхий амьжиргааны өртөг зэрэгт нь туслах бөгөөд бас санхүүгийн ерөнхий зөвлөгөө өгдөг. Би л гэхэд эндээс 2000 доллар тусламж хэлбэрээр авсан. Байрны үйлчилгээний газар нь оюутнуудад байр, орон сууц олоход зөвлөгөө өгөх болон энэ талаархи эрх, үүргийг нь таниулж өгдөг. Ажлын байр олоход туслах газар нь оюутан байх хугацаандаа болон сургууль төгссөний дараах нэг жилд оюутанд нээлттэй ба ихэвчлэн мэргэжилтэйгээ холбоотой ажилд хэрхэн орох талаар зөвлөгөө өгч, намтар болон ажил олгогчид өгөх тодорхойлолт зэргийг бичихэд туслалцаа үзүүлдэг. Мэдээж эдгээрийн вэб хуудсууд дээр хамгийн хямд, сургуульд ойрхон байр түрээслэх, хувааж түрээслэх, ажлын янз бүрийн зарууд байрласан байгаа. Сургуулийн эрүүл мэндийн төвд хэд хэдэн эмч нар байдаг. Төвд бас зөвлөгөө өгөх газар ч бий. Оюутнуудболон гэр бүл нь бүгд эрүүл мэндийн даатгалтай тул түүгээрээ энд үнэ төлбөргүй үзүүлчихдэг. Эмчид үзүүлэхдээ утсаар заавал цаг авч байж ирэх ёстой. Оюутны эрүүл мэндийн даатгалд шүд, нүд ордоггүйг бас анхаарах хэрэгтэй. Энэ төвөөс өөр эмнэлэгт бол бүх төлбөрийг оюутан өөрөө төлөх ёстой бөгөөд тэрнийх нь зарим хэсгийг даатгалаас нөхөн төлж өгдөг.

Оюутны гэр бүл

Гэр бүлтэй оюутны гэр бүлийг нь дэмжих нь оюутан амжилттай суралцахын үндэс гэж сургууль үздэг. Тийм ч болоод гадаад оюутны эхнэр, нөхөрт зориулсан англи хэлний бүтэн жилийн хичээл үнэгүй явуулдаг, энэ хичээл дээр хүүхдийг нь хардаг тусгай ажилтан хүртэл бий. Хямдралтай үнэ бүхий хоёр хүүхдийн цэцэрлэгийг ч бас сургууль ажиллуулдаг. Гэр бүлтэй оюутнуудад зориулсан гарын авлагууд төрөл төрлөөрөө байгаа. Сургууль өөрийн гэсэн хэвлэлийн газартай, өөрийн эмблем бүхий янз бүрийн эд зүйлс худалддаг тусгай дэлгүүртэй. Мастер болон докторт суралцагсдад зориулсан барилгад 24 цаг хичээллэж болдог.

Хуулийн Сургууль

Мельбурны хуулийн сургууль нь дэлхийн шилдэг 10 хуулийн сургуулийн нэг юм билээ. Хамгийн орчин үеийн техник технологи бүхий 2005 онд ашиглалтад орсон 10 давхар шилэн барилга тэр чигтээ зөвхөн хуулийн сургууль. Гуравдугаар давхар хүртлээ бакалаврт суралцагсадын хичээлийн танхимууд, амралтын газар, хурлын танхим гэх зэрэг байрладаг. Гурваас таван давхарт номын сан байрладаг. Зургаан давхарт мастер докторт суралцагсдын хичээлийн болон амралтын байрууд бий. Долоогоос арван давхарт багш нар, эрдэмтэд, захиргааны ажилтнууд, мөн том хурлын танхимууд байрладаг. Хичээл орж байх үед цай, кофе, жигнэмэг үнэгүй байдаг. Хичээл эхлэхээс нэг сар гаруйн өмнө 1000 гаруй хуудас материалыг үнэгүй өгдөг. 50 долларын үнэгүй хэвлэх эрх бас өгнө. Мельбурны Их Сургуульд сурч байгаадаа Би баяртай байгаа.

Өндөр овогт Сэрээновын Мандахбат

m.sereenov@pgrad.unimelb.edu.au

Австрали улс, Мельбурн хот

2007 оны 02 дугаар сарын 11

***************************************************

Swinburne University of Technologyhttp://www.swin.edu.au: Batjargal in Melbourne-Swin

More: VICmong Web by Batjargal

Миний сургууль Свинбурн

Свинбурн Их сургуулийг 1908 онд George Swinburne байгуулсан бөгөөд анхны элсэлтийг мужаан, төмрийн дархан зэрэг мэргэжилээр 1909 онд авч байжээ.

Өнөөдөр 100 гаруй жилийн түүхтэй Свинбурн Технологийн Их сургууль 6 хотхонтой (Croydon, Hawthorn, Healesville, Lilydale, Prahran and Wantirna ) 40000 мянган оюутантай, 2006 онд Свинбурн нь Австралийн 39 их дээд сургуулиас сургалт болон хичээл заах чанараар 5-р т бичигдсэн Австралийн цөөхөн нэр хүндэй сургуулийн нэг юм.

Одоо Свинбурнд Монголоос 3 оюутан суралцаж байгаа бөгөөд Мэдээллийн технологийн магинстратурт 2, Бизнесийн удирдлагаар 1 оюутан суралцаж байна.

Cвинбурн технологийн их сургууль нь комьютерийн шинжлэх ухаан, мэдээллийн технологи чиглэлээр түлхүү сайн сургалт явуулдаг. Миний ажиглалтаар Cвинбурн технологийн их сургууль нь хичээлийн агуулга, сургалтын тоног төхөөрөмж, багш нарын ур чадвар дээр байнга анхаарч байдаг нь мэдрэгддэг юм. Жишээ нь : Cвинбурны технологийн их сургууль нь дэлхийн их сургуулиадаас анх удаа Cognos Studio 8 Business Intelligence программ хангамжийг (олон сая доллараар vнэлэгддэг) 2007 оноос зааж эхэлсэн. 2007 оны 2 семестрээс Internship project буюу Австралын Мэдээллийн Технологийн компанид ажиллах боломж олгож бөйгөө нь тун сайшаалтэй юм. Эцэст нь Cвинбурн технологийн их сургууль оюутанд маш олон сурах, карьераа ахиулах боломж бололцоог нээж өгдөг гэдгийг хэлэхийг хvcэж байна..

07/16/2007 by Batjargal

***************************************************

Swinburne University of Technologyhttp://www.swin.edu.au: Tamir in Melbourne-Swin
3-australia-by-tamir/Австрали орноор – Үргэлжлэл

4-australia-by-tamir/Австралид сурахад
5-australia-by-tamir/ Хичээл сонголт

7-australia-by-tamir/Австрали орноор – 4

Мелбурн дэхь их дээд сургуулуудийн веб сайт

Монаш их сургууль – http://www.monash.edu.au
Мелбурны их сургууль – http://www.unimelb.edu.au
Свинбурны их сургууль – http://www.swin.edu.au
RMIT их сургууль – http://www.rmit.edu.au
Виктория их сургууль – http://www.vu.edu.au
La Trobe их сургууль – http://www.latrobe.edu.au

Дээд боловсролын талаар

Дээд боловсрол бол Австралийн гол салбаруудын нэг (мэдээж аялал жуулчлал, хөдөө ажуй ахуй зэргээс гадна). Нийт 39 их сургуультай, нэг сургуульд дор хаяж 20000 оюутан сурдаг гэхээр чамгүй олон оюутны тоо гарна. Сургалтын хөтөлбөр ерөнхийдөө адилхан. Тиймээс аль ч сургуульд заагдаж байгаа хичээлийн хөтөлбөр адилхан. Мөн Австралийн сургалтын чанар нилээд өндөр.
Сургалтын төлбөр (Магистрын) нэг хичээл нь 2000-3000 доллар байна. Бүтэн цагаар хичээллэх оюутан (full time student) манай сургуулийн хувьд дор хаяж нэг семестерт 3 хичээл үзэх ёстой. Жилд үндсэн 2 семестертэй бас зуны семестер гэж хичээллэнэ. Зуны амралт нь ойролцоогоор 3 сар үргэлжилнэ. Нэг семестерт 12 долоо хоног хичээл орно. Эхний 8 долоо хоног хичээл орчихоод 2 долоо хоног завсарлана. Энэ үедээ оюутан багшаасаа зөвлөгөө авах, ойлгоогүй зүйлүүдээ асуух болон хоцрогдлоо нөхөх боломжийг олгодог. Тэгээд дахин 4 долоо хоног хичээллээд хичээл дуусна. Үүний дараагаар шалгалт эхэлнэ (зарим хичээлүүд нь шалгалтгүй бие даалтууд өгөөд дүнгээ гаргана). Шалгалт нь 2 цаг үргэлжилдэг ба тухайн хичээлийн хүрээнд үзсэн бүх агуулгыг багтаахаас гадна нэмж унш хэмээн өгсөн материалуудаас асуулт ирэх нь ч бий. Түүнээс гадна лекц долоо хоногт 2 цаг орох учир бусад зүйлсээ бие дааж сурах, унших ёстой. Зөвхөн лекцийн хүрээнд шалгалтандаа бэлдэнэ гэвэл маш их учир дутагдалтай. Ер нь танхимаар (лекц, семинар болон лаборатори) хэдэн цагийн хичээл орно түүнээс 3 дахин илүү цагаар бие дааж сурах шаардлагатай гэж анх тэнхимээс зохион байгуулдаг уулзалтан дээр хэлж байсан. Жишээ нь: 2 цаг лекц, 2 цаг лаборатори орсон бол долоо хоногт дор хаяж 12 цаг бие дааж суралцах шаардлагатай гэсэн үг.
Сурах хугацааны хувьд семестерт хэдэн хичээл үзэх болон ямар чиглэлээр суралцаж байгаагаас хамаарч 1-2 жил үргэлжилнэ.

Эх сурвалж: Тамирын блогоос хэсэгчлэн авав.

Modified :1 April. 2006

VIC, Melbourne: http://tamirj.blogspot.com/

Австралид сурахад


Австралийн нийтдээ 41 их, дээд сургууль байх ба тэдгээрийн 2 нь л төрийн их дээд сургуулиуд байдаг. Ер нь сургалтынх нь чанар нилээд өндөр байдаг нь дэлхийн боловсролын стандартад нийцсэн сургалт явуулдагтай холбоотой. Мөн боловсрол нь экспортын үндсэн 4 бүтээгдэхүүнийх нь нэг гэж байгаа. Тиймээс боловсролынхоо стандарт, сургалтын хөтөлбөр, чанарт ихээхэн ач холбогдол өгч байдаг.
Австралийн сургуулиуд нь чиглэл тус бүрээрээ төрөлжсөн гэж хэлж болно. Тухайлбал: Мэлбурнийн их сургууль нь дэлхийн шилдэг 50 сургуулийн нэг боловч Мэдээллийн технологийн чиглэлээр сурах гэж буй бол тус сургууль нь тийм ч оновчтой сонголт болж чадах уу болов уу даа! Ер нь сургуулиа сонгохын өмнө вэб хуудас руу нь ороод хичээлүүдийг нь болон тэдгээрийн агуулгыг нь харж болно. Энэ нь ерөнхийдөө тухайн хичээл оюутанд ямар мэдлэг олгох, хэрхэн заагдах гэх мэтчилэн мэдээллүүдийг өгчихнө. Ингээд таны сурах гэж байгаа зорилго болон төлөвлөгөөтэй яв цав тохирч байвал болох нь тэр.

Сурах орчин

Манай сургууль Австралид 6 хотхон(campus)-той, Малайзид нэг салбартай, нийт 40 мянга гаруй оюутантай. Бусад өндөр хөгжилтэй орнуудын сургуулиудын адил сурах орчинг маш сайн бүрдүүлсэн. Мэргэжлийн чиглэлээр семестерт дор хаяж 2 удаа гаднаас хүмүүс ирж лекц уншдаг. Өнгөрсөн семестерт 2 лекц уншигдсаны нэгийг IBM-ийн программ хангамжийн системийн архитектурч нэгэн эрхэм (Жонсон л гэж дуудаад байсан яг бүтэн нэрийг нь санадаггүй) АНУ-аас уригдан ирж лекц уншсанд нь суусан юм. Тэр хүн яг одоо АйБиЭм ямар технологи ашиглан программуудаа боловсруулж байгааг яриад бас далиманд нь өөрийн бүтээгдэхүүнийхээ чанар, аюулгүй байдал, тогтвортой ажиллагаа зэргийг магтаад авсан. Мэдээж тухайн хүн ажиллаж байгаа газраа магтан дуулах нь тэр хүний нэгэн үүрэг гэж би боддог. Мань эрийн ярьж байгаагаар сүүлийн үед AOSD (Aspect Oriented Software Development)-ийг нилээд түлхүү ашиглаж байгаа ба энэ чиглэлээр нарийн мэргэшсэн оюутнуудыг компанидаа авахад бэлэн байгаа гэж байсан.

Хэрэв та хүсвэл өөрийн зөөврийн компьютерийг авчирч оюутныхаа АйДи (ID)-г ашиглан утасгүй сүлжээгээр интернэтэд холбогдож болно. Эсвэл гэртээ интернэт хараахан тавиулж амжаагүй бол сургуулийнхаа сүлжээ рүү дайл ап (dial-up)-аар холбогдож улмаар интернэт рүү орох боломжтой. За тэгээд МТ-ийн чиглэлээр сурч байгаа оюутнуудад зориулж шаардлагатай серверүүдийг зохион байгуулсан байх ба түүн рүү хаанаас ч интернэтээр дамжин холбогдож (VPN) болно. Жишээ нь: Хэрвээ ASP.NET дээр программ бичих хэрэгтэй бол заавал өөрийн компьютер дээрээ .NET Framework ба IIS эсвэл WebMatrix зэргийг суулгаж, тохируулах шаардлагагүй гэсэн үг. Сургуулийнхаа вэб сервер лүү нь хандаад л бүх файлуудаа ачаалаад (upload) өөрийн орчиндоо холбогдсон нь хамаагүй дээр. Энэ нь дараа нь үүсэх эрсдэлээс хамгаалж мэднэ.

Сургуулиас оюутнуудыг дэмждэг илрэл нь хэрвээ ямар нэгэн оюутан тухайн хичээл дээрээ маш амжилттай сурвал дараагийн семестерт тэр хичээлийн туслах багш хийлгэх боломжийг олгодог. Ингэхийн тулд хэлний ур чадвар өндөр байх ба харилцааны чадвар сайтай байх ёстой. Түүнээс гадна докторын (PhD) сургалтад хамрагдаж байгаа оюутнуудад илүү эрх олгогддог.

Элсэлтийн журам

Австралийн ямар нэгэн их сургуульд сурах гэж байгаа бол зайлшгүй IELTS-ийн шалгалт өгсөн байхыг шаардана. Хэрвээ тухайн сургуулийн шаардаж буй оноог авч чадаагүй бөгөөд 1.0 оноо дутсан бол сургуулийн дэргэдэх хэлний бэлтгэлд нь суралцаад дахин IELTS өгөх боломжтой. Мэдээж энэ нь нилээд зардалтай учир аль болох шаардаж байгаа оноог нь авчих л хэрэгтэй.

Англи хэлний шалгуурыг нь хангачихсан бол Мастер болон Докторт сурах гэж байгаа хүмүүст өмнө нь ямар их дээд сургуулийг ямар мэргэжлээр төгссөн бэ гэдгийг нь шалгаж үздэг. Энэ Австралийн стандартыг хангаж байвал санхүүгийн эх үүсвэрийг тань шалгах болно. За тэгээд ерөнхийдөө үндсэн шалгуурууд маань дуусаж байна. Одоо сургуулиас таньд offer letter буюу сургуульд элсэхийг санал болгосон захиа ирнэ. Энэ захианыхаа хамт хувийн баримт бичгүүд болон санхүүгийн баримтаа элчин сайдын яам руу нь явуулна. Элчин сайдын яам бичиг баримттай танилцаад ямар нэгэн асуудалгүй бол эмнэлэгийн үзлэгийн маягтыг явуулах ба ямар эмнэлэгт очиж үзүүлэхийг нь ч мөн зөвлөсөн байна. Ингээд заавал тухайн эмнэлэг дээр нь (одоогоор SOS International дээр очиж өгч байгаа) очиж үзүүлж, шинжилгээгээ өгөх ба тэр эмнэлэг нь шууд элчин сайдын яам руу таны үзлэгийн дүнг явуулна. За ингээд л одоо визээ ирэхийг хүлээж хувийн бэлтгэлээ базаах л үлдэж байх шив дээ.

Таньд амжилт хүсье

Хичээл сонголт

Намайг энд сурахаар ирэхэд нийт 16 хичээл буюу 200 кредит цуглуулах ёстой гэж байсан. Тэгсэн харин манай сургууль урьд нь Бакалавраа Мэдээллийн технологийн чиглэлээр сурсан бол 4 хичээлийг нь шууд хаачихаж болно гэсэн дүрэмтэй байдаг юм байна. Тэгээд өмнөх КтМС төгссөн дипломоо үзүүлээд Компьютерийн сүлжээ, Өгөгдлийн сангийн удирдлага, Системийн шинжилгээ, Программчлал зэрэг 4 хичээлээ хаалгаад семестерт 4 хичээл үзэх ёстой байсан бол 3 хичээл үзэх боломжтой болвоо. Тэгээд өнгөрсөн семестерт Жава программчлал, Интернэт технологи, Дэвшилтэт вэб технологи гэсэн 3 хичээл үзлээ. Би бээр уг нь энд Австралийн Засгийн газрын тэтгэлгээр сурч байгаа юм. Тэгсэн цаанаас мөнгөө шилжүүлэхдээ 4 хичээлийн мөнгө шилжүүлчихэж. Ер нь нийт 16 хичээлийн төлбөр шилжүүлэх юм гэсэн. Тэгэхээр нэгэнт сур сур бид мөнгийг нь төлье гээд байгаа болохоор нь энэ семестерээс эхэлж “сайн дураараа” 1 хичээл нэмж үзэхээр шийдлээ. Уг нь биеийн амарыг харвал семестерт 3 хичээл үзээд байж болно л доо гэхдээ бас нэг ч гэсэн юм илүү сураад авчихвал өөрт болон өрөөлд хэрэг болж магад тэгээд ч энд сурах гэж ирсэн болохоос жаргах гэж ирсэн биш гэсэн хэнхэг зан хөдлөөд байх юм. Ингээд энэ семестерт 4 хичээл үзэхээр сонголт хийсэн юм. Эдгээр 4 хичээл маань Мэдээллийн системийн төслийн удирдлага (Information Systems Project Management), Бизнесийн мэдээллийн системийн шинжилгээ (Business Information Systems Analysis), МТ-ийн боломжит өөрчлөлтийг удирдах нь (Managing IT-Enabled Transformation), Программ хангамжийн чанарын удирдлага (Software Quality Management) гэсэн хичээлүүд байсан боловч МТ-ийн боломжит өөрчлөлтийг удирдах гэсэн хичээлийг маань хөтөлбөрийн менежерээс зөвшөөрөл аваагүй гэсэн шалтгаанаар энэ семестерт үзэхийг зөвшөөрсөнгүй. Тиймээс энэ хичээлээ болиод Мэдээллийн системийн эрсдэл ба аюулгүй байдал (Information Systems risk and security) гэсэн хичээлийг үзэхээр болсон юм. Тэгсэн 2 хичээлийн лекц нь давхцсаны улмаас аль нэгийг нь бас л солих шаардлагатай болоод байна. Тэр 2 хичээл нь Мэдээллийн системийн төслийн удирдлага, Программ хангамжийн чанарын удирдлага гэсэн хичээл. Эхнийх нь хичээлийн одоо авахгүй бол дараагийн семестерүүдэд үзэх зарим хичээлүүдтэй маань уялдаатай болоод байдаг тиймээс Программ хангамжийн чанарын удирдлага гэсэн хичээлээ энэ удаад болихоос өөр арга алга. Уг нь энэ хичээл тун их сонирхол татаж байсан даан ч харамсалтай байна гэхдээ ирэх семестерээс заавал үзэх юм шүү.

За тэгээд одоо Мэдээллийн технологийн чадамжийг удирдах нь (Managing the IT Capability), Мэдээллийн системийн удирдлага (Information Systems Management), Мэдээллийн технологи дахь мэргэжлийн тулгамдсан асуудлууд (Professional Issues in IT) гэх 3 хичээлийн аль нэгийг сонгох хэрэгтэй болж байх шиг байна. Би л менежментийн хичээлүүд авна гээд байгаа болохоос биш программчлалын хичээлүүдийн сонголт зөндөө л байна л даа. “Бүгдээрээ хэлэлцвэл буруугүй, бүлээн усаар угаавал хиргүй” гэж үг байдаг тиймээс өөрөө л энэ хичээлийг үзвэл дээр гэж шийдвэр гаргахын өмнө бусдын саналыг сонсох гэсэндээ үүнийг сийрүүллээ.

Австрали орноор – 4


Харийн оронд хоног хугацаа өнгөрөх тусам шинэ зүйл хуучин мэт санагдаж орчиндоо дасах шинжтэй. Тиймээс эх орны маань хөгжил энэ түвшинд хүрчихвэл сайхансан гэсэн үүднээс дараах зүйлүүдийг тэмдэглэн үлдээв.

Энэ удаад технологийн хөгжлийн талаар жаал тэмдэглэл хөтлөөдхье. Австрали технологийн хөгжилдөө асар их мөнгө зарцуулдаг гэж байна. Тэр тусмаа Мэдээлэл холбооны технолог(МХТ)-ийн хөгжлийг илүү анхаарч аль болох сүүлийн үеийн технологийг нэвтрүүлэхийг Засгийн газраас нь онцгой анхаарч дэмждэг бололтой. Миний сонссоноор гар утасны CDMA системийг Америкууд Австралид анх туршилтын журмаар зах зээлд нэвтрүүлж улмаар амжилт олсоны үндсэн дээр Солонгос, АНУ зэрэг улсууд өөрсдийн зах зээлд нэвтрүүлсэн гэж ярих юм. Бас 21 орчим сая хүн амтай хирнээ 20 орчим сая орчим гар утасны хэрэглэгчтэй гээд олон үзүүлэлтээрээ дэлхийд тэргүүлэгчдийн эгнээнд явдаг бололтой. Энд мэдээж гадаадын оюутан, оршин суугч гэх мэт хүмүүсийн гар утас эзэмшиж байгаа тоо нь орсон гэж бодохоор нялхсаас бусад нь гар утас хэрэглэдэг бололтой. Энэ дашрамд хэлэхэд манай сургууль өөрийн ажилтнууддаа зориулсан бяцхан гар утасны оператортой. Энэ нь хоорондоо ярихад үнэгүй байх бөгөөд сургуулийн хотхонуудын (нийт 6 хотхон бий) эргэн тойронд ажиллах ба холдоод явчихвал ажиллахгүй.

***************************************************

Griffith Universityhttp://www.gu.edu.au (QLD, campuses in Brisbane, Gold Coast)
More: Australia by P.Batjargal
-Австралийн аль хотод амьдарч, ямар сургуульд сурч байна?
-Австрали Улс холбооны зургаан мужтай. Миний бие (Пvрэвийн Батжаргал) Квинсланд мужийн төв болох Брисване хотод гэр бvлийн хамт сурч, ажиллаж, амьдарч байна. Тус муж дөрвөн сая гаруй хvн амтай.
Австралид улсын болон хувийн их, дээд сургуулиуд зэрэгцэн оршдог. Нийт 47 их сургууль байдаг юм, улсынхаа хэмжээнд. Ихэнх нь улсын сургуулиуд. Хувийн сургууль цөөн. Манай мужид улсын их сургууль долоо байхад хувийн их сургууль нэг л бий. Миний сурч байгаа сургууль муждаа хоёрт ордог том сургууль. Нэгд нь Квинсландын их сургууль ордог юм. Тус сургууль 2004 онд дэлхийн шилдэг 100 их сургуулийн жагсаалтад 49-д орж байсан гээд бодохоор ямархуу сургууль болох нь ойлгогдох байх аа . Манай сургууль статусын хувьд бол улсын их сургуулийн нэг. Гриффит их сургууль гэсэн нэртэй, 1970 онд байгуулагдсан. 35 000 гаруй оюутантай, vvний 12 000 гаруй нь гадаадын оюутнууд байдаг. Манай сургууль хууль, эдийн засаг, бизнесийн сургалтаараа муждаа төдийгvй Австралидаа их алдартай.
Миний хувьд Гриффит их сургуулийн Бизнес, удирдлагын сургуульд санхvv, гадаад худалдааны чиглэлээр мастерт суралцаад гурван жил болж байна. Ердийн мастерт сурахад хоёр жил хангалттай л даа. Нэгэнт ирж сурсных арай жаахан гvнзгийрvvлж суръя гээд мастераа ахисан төвшинд болгоод гvнзгийрvvлж сурч байна. Мастерт vзсэн зарим хичээлээ гvнзгийрvvлж ахисан төвшинд vздэг юм. Энд ирээд их ч юм сурч мэдэж авч байна. Сурч мэдсэн зvйлээ одоо ажил амьдралд хэрэгжvvлж өөрийгөө шалгах л хэрэгтэй байна даа.

-Австралийн их дээд сургуулийн сургалтын онцлог юу вэ?

-Мастерт сурахад суралцаж байгаа мэргэжлийн гvн бат мэдлэг хангалттай биш ээ. Тvvнээс гадна шинжилгээ судалгаа хийх чадвар, хэрэгтэй мэдээллийг эрж хайх, олсон мэдээллийг боловсруулах, тvvндээ vндэслэн оновчтой шийдвэр гаргах, юмыг ургуулан бодох, хийсвэрлэн сэтгэх, оновчтой бичгээр илэрхийлэх, цагийн менежмент хийх, илтгэх, ганцаарчлан болон багаар ажиллах чадвар зэрэг маш олон чадварыг суралцаж эзэмшсэн байхыг шаарддаг. Бvх хичээлээр хоёр удаа шалгалт өгдөг. Энэ нь семестрийн дундах шалгалт болон төгсгөлийн шалгалт гэж нэрлэгддэг. Тvvнчлэн бичгийн ажлыг ганцаарчлан болон группээр хийж, тvvндээ vнэлгээ авдаг. Энэ бvгдийн нийлбэр дvнгээр тухайн оюутны мэдлэг, заавал эзэмших чадварыг хангасан эсэхийг тогтоон vнэлгээ өгдөг юм. Товчоор хэлбэл, их сургуулийн танхимд олж авсан онолын мэдлэгээ практикт хэрхэн ашиглаж чадаж байна вэ гэдэгт анхаарлаа хандуулдаг.

-Монголчууд гадаадад олноор ажиллаж, амьдарч байна. Наана чинь ажиллах, ялангуяа суралцах боломж хэр вэ?
-… Хууль дvрмээ хатуу мөрдөнө, тиймээс суралцах визээр ирчихээд сурахгvй ажил хийгээд яваад байж бас болохгvй, хэрэв тэгвэл визийг нь шууд хvчингvй болгодог. Визгvй байна гэдэг маань өөрөө хууль бусаар амьдарч байна, тэгэхээр суралцаж ч чадахгvй, ажил хийж ч чадахгvй болчихож байгаа юм. Тийм хvн чинь эрvvл мэндийн даатгалгvй, өвдөж зовбол эмнэлэгт хандах эрхгvй болно гээд олон муу vр дагавар гараад ирж байгаа юм л даа.
Энд Япон, Солонгос, Хятад, Энэтхэг, Араб, Европын орныхон, латин америк, африк гээд дэлхийн өнцөг булан бvрээс залуучууд ирж суралцаж байна. Тэд хоёр зорилгоор л ирж суралцдаг гэхэд болно. Эхнийх нь англи хэлийг сурахаар ирж байна. Хоёр дахь нь баклавар, мастер, докторт суралцахаар ирж байна. Австралид суралцахын давуу тал гэвэл дэлхийд хvлээн зөвшөөрөгдсөн чанартай боловсролыг Англи, Америкаас арай хямд өртөг зардлаар эзэмших боломжтой. Мөн Австрали бол англи хэлтэй цөөхөн орны нэг учир англи хэлийг сайн сурч эзэмших боломжтой.
Австралид эзэмшсэн боловсролыг Америк, Англи, Канад гээд дэлхийн аль ч улсад хvлээн зөвшөөрдөг. Дэлхийн аль ч оронд очоод Австралид олж авсан боловсрол, эзэмшсэн мэргэжлээрээ ажиллаад явчих боломжтой болж байгаа юм. Хамгийн давуу тал энэ юм даа.
Австрали Улс гадаадын оюутныг сургах, тэдний сурч боловсрох орчин, ажиллах эрх олгох тал дээр их боломжийн шvv. Оюутан хvн суралцах семестрийн vедээ долоо хоногтоо / part time / 20 цаг ажил хийх эрхтэй байдаг. Оюутны амралтын vеэр хэдэн ч цаг ажиллах эрхтэй. Харин оюутны гэр бvлийн гишvvд нь цагийн хязгаарлалтгvй ажил хийх эрхтэй байдаг. / full time / Энэ нь гэр бvлээрээ ирсэн оюутнуудад их ашигтай тусдаг юм.
***************************************************

QUT http://www.qut.edu.au/ (QLD, Brisbane)

More: Australia by Jim
Чинбаатарын Лхагважаргал

– Таны хувьд яагаад Австрали орныг сонгох болов?

– Би 1997 онд Англи хэлний курсад сурах гэж ирсэн. Тэр їед хїмїїс Англи, Америк их явж байсан ч надад Австрали орон их сонин содон санагдсан. Энэ улс маань Азид ойрхон Англиар ярьдаг улс болохоор сонгосон. Эхлээд англи хэлний курсийнхээ дараа Queensland University of Technology гэдэг их сургуульд суралцаж байх хугацаандаа одоогийн ажиллаж буй “Softworks Australia Pty.Ltd” гэдэг компаниас ажиллах урилга хїлээж авсан.

-Австрали орны сургалтын талаар ярихгїй юу? Ер нь Англи Америкийн сургалттай харьцуулахад ямар байдаг гэж та боддог вэ?

– Миний мэдэхээр, Нэгдїгээрт Австрали улсын сургуулиуд бусад улсын адил төрлийн сургуулиудтай сургалтын чанарын хувьд ижил төвшинд байдаг, Хоёрдугаарт Австрали улсын засгийн газар гадаадын оюутнуудыг ирж суралцах явдлыг маш сайн бодлоготой, хяналттай хөхїїлэн дэмжин явуулдаг. Түүнээс гадна шударга өрсөлдөөнийг дэмждэгээс олон их дээд сургууль ба коллежууд нь чанартай, мөн засгийн газраас байнгын хяналттай байдаг учраас оюутан хохирох асуудал байдаггїй. Гуравдугаарт хямд. Хямд гэдэг нь Азийн Эдийн Засгийн Хямралын дараагаас мөнгөний ханш уналтаас болон сургуулиудын төлбөр хямдарсан. Мөн байр, ахуйн хэрэглээ болон хоол ундны зардал Англи, Америкийн хотуудыг бодвол 10-20% хямд байдаг. Дөрөвдїгээрт, Зїїн Ємíнөд Ази тэр дундаа Малайз, Сингапур болон Энэтхэг, Пакистан зэрэг олон орны залуучууд энд ирж суралцах нь элбэг харагддаг. Учир нь эндээс дэлхийн ажиллах зах зээлд гарч ажиллахад дөхөмтэй байдаг.

– Монгол залуучууд сїїлийн 5, 10 жил гадаадад гарч суралцах нь ихэссэн. Одоо та бид хоёрыг сонсож байгаа залуучууд магадгїй Австрали орныг зорихоор шийдэж байгаа байх. Та тэдэнд юу хэлэх вэ?

– Би одоо найз нөхөдтэйгээ Интернетээр харилцан ярилцаж байхад нэг ажиглагддаг зїйл нь эндхийн хууль тогтоомжийг сайн мэдэхгїйгээс сурах эсвэл аялалын журмаар очоод хараар ажиллаж болох уу гэх зэрэг асуултууд их гардаг л даа. Хоёрдугаарт, оюутнууд энд хэрхэн суралцах, ажиллахад тавигдагдах шаардлагуудын тухай мэдээлэл монгол хэл дээр олддогїй. Иймд Австралийг зорин сурахаар шийдсэн залуучуудад туслахаар энд суралцдаг Монгол оюутнууд нийлээд саяхан http://www.mon2aus.com вэб сайт нээсэн. Энэ сайтаар дамжуулан Австралийн тухай ерөнхий мэдээлэл, засаг захиргааны бїтэц, хїн ам, зан заншил, мөн сургуульд хэрхэн суралцах болон оюутнын визийн шаардлага зэрэг нилээд мэдээлэл багтаасан байгаа. Оюутан залуучууд асуух тодруулах зїйл байвал бидний имэйл хаягаар харьцаж биднээс тодруулж болно. Бид мөн оюутан залуучуудын сурах шаардлагад тохирох их дээд сургууль, коллежуудаас сонгон суралцахыг зөвлөдөг бөгөөд тухай сургуулийн тогтсон їнээр бїртгїїлэн оюутны визний бичиг баримтыг бїрдїїлэхэд туслах їйлчилгээ їзїїлэх болно. Саяны хэд хоног нилээн хэдэн захианд бид хариулт өгөөд байна. Сонирхож байгаа зїйлд нь бид чадах ядахаараа хариулт өгдөг. Эцэст нь хэлэхэд энэ веб хуудасаар дамжуулан оюутан залуучуудаа суралцах сургуулиа сонгосноор сургалтын төлбөр дээрээ завсрын нэмэлт зардал төлөхгїйгээр суралцах боломжийг олгож байна.

***************************************************

http://www.mongolmedia.com/printversion.php?ns_id=95457

Та Австралид сурмаар байна уу

Гадаад хэлийг хурдан сурах хамгийн сайн арга бол орчинд нь очих гэж багш нар зєвлєдєг. Тийм болохоор хvмvvс аль болох гадагшаа явж хэлний мэдлэгээ сайжруулахыг илvvд vздэг билээ. Англи хэл судалж буй хvмvvс ихэвчлэн Америк, Англи, Австралийг сонгодог. Энэ удаа Австралид англи хэлний сургуульд суралцахыг хvсч буй хvмvvст зориулсан зєвлємжийг хvргэхээр бэлтгэлээ. Та суралцах арга замаа олж чадвал бусдаар зуучлуулан мєнгє тєлєх шаардлагагvй болно. Тус улсад гадаадын 50 гаруй орноос оюутнууд англи хэлний дамжаанд суралцдаг аж.

Австралид суралцахаар хvрэлцэн ирж буй нийт оюутны зєвхєн 20 хувь нь англи хэл эрчимтэй сурахаар ирэгсэд байдаг байна.
Англи хэлийг эрчимтэй судалж буй оюутнууд австрали айлд амьдрах сонирхолтой байдаг. Ингэснээр яриа болон сонсох чадвараа тvргэн хєгжvvлэх боломжтой болдог. Англиар ярьж буй орчинд оюутнууд єєрсдийнхєє алдааг хурдан засч сурах боломжтой болдог аж.
Австралид 200 гаруй сургалтын тєв англи хэлний мэргэжсэн сургалт явуулдаг байна. Эдгээр тєв нь орчин vеийн тоног тєхєєрємжтэй, дээд боловсролтой багш нар, видео, ном, сургалтын материалын арвин сантай, ихэнх нь компьютер ашигласан сургалтын програмттай байдаг. Сургалтын тєвvvд нь эхлэн суралцагчаас эхлээд тєгс эзэмших хvртэл тєвшинд сургалтыг зохион явуулдаг аж .
Австралид Америк, Англи улсад суралцахтай харьцуулбал суралцах ба амьжиргааны зардал нь илvv хямдхан тусдаг. Энд суралцаж буй оюутан долоо хоногт дундчаар 320 австрали долларыг байр, хоол, унаа, хувцас ба бусад арга хэмжээнд зарцуулдаг байна. Дунд сургуулийн оюутнууд vvнээс арай бага буюу 265-ыг зарцуулдаг . Энэхvv тооцоо нь амьдрах хотын байрлал, хувь хvний амьдралын хэв маягаас хамааран єєрчлєгддєг аж.
Австралид суралцаж буй оюутан нь оюутны визтэй суралцаж буй хугацаандаа гадаадын оюутны эрvvл мэндийн даатгалд заавал хамрагдах ёстой. Харин эд хєрєнгийн болон гэнэтийн ослын даатгалыг оюутан єєрсдєє зохицуулж болох аж.
Англи хэлний дамжаанд жил сурахад 10 гаруй мянган австрали доллар шаардлагатай

Сургалтын тєлбєрийг оюутнууд сургалт эхлэхээс ємнє тєлєх ёстой. Сургалтын тєвєєс хамааран заримдаа бага зэргийн илvv мєнгийг оюутны холбооны гишvvний татвар, мєн номын сан болон лабораторийн хэрэглэх хєлс гэх мэтэд зарцуулахаар тооцон авч магадгvй. Зарим дамжаа онцлогоосоо шалтгаалан ном материал, хичээлтэй холбоотой аяллын зардал гэх мэтийг нэмж магадгvй. Эдгээр бvх зардал нь сургалтын тєвєєсєє шалтгаалан янз бvр байдаг
Их дээд сургуулийн суурь болон дамжих дамжаанууд жилд-12000-14000 австрали доллар тєлєх хэрэгтэй болно. Харин
бакалаврын сургалт 13000-15000 австрали доллар байдаг бол англи хэлний курст сурах хvн жилд 13500 хvртэл австрали доллар тєлєх юм байна.
Австралийн Засгийн газар болон сургалтын тєвvvдээс гадаадын оюутнуудад олгодог сургалтын тэтгэлэг нь ихэвчлэн их, дээд сургуулийн мастер ба докторын сургалтад хамрагдагсад тодорхой чиглэл заан олгодог. Yvнээс гадна хувийн болон олон нийтийн зарим байгууллагууд тодорхой нєхцєлтэйгєєр сургалтын тэтгэлэг олгодог.
Харин англи хэл суралцагсдад сургалтын тэтгэлэг олгодоггvй аж.
Сурахын хажуугаар ажиллаж болно

Австралид суралцаж буй гадаадын оюутан нь ажиллах эрх хvссэн єргєдєл гаргаж болно. Ажиллах эрх олгогдсон vед хичээлийн vеэр долоо хоногт 20 хvртэл цагаар болон сургуулийн амралтын vеэр бvтэн цагаар ажиллах эрхтэй. Харин мастер ба докторын сургалтад суралцахаар 574 дэд ангиллын виз авах оюутнуудад ажиллах хязгаар тавьдаггvй. Гэр бvлийн бусад гишvvнд долоо хоногт 20 цагийн ажиллах зєвшєєрєл єгдєг.
Ажиллах зєвшєєрлийг Австралид хvрэлцэн ирээд сургалтаа эхэлсний дараа єргєдєл гарган хvсч болдог.
Австралид ажил хийж олсон мєнгєєрєє сургалтын болон амьжиргааны зардлаа нєхєхєєр тооцох хэрэггvй. Олонхи оюутан єєрсдийн суралцаж буй чиглэлтэй ойролцоо ажил хийдэг. Зарим сургалтын тєвєєс ажил хайх vйлчилгээ vзvvлдэг. Австралид ажил хийх гэж буй хvмvvс Австралийн татварын дугаартай байх ёстой.
Амьдрах байр ба єртєг

Оюутны боломжоос шалтгаалан олон янзын байрны хувилбар бий. Гадаадын оюутнууд оюутны байранд, эсвэл Австрали айлд амьдардаг. Байрыг бусад оюутнуудтай хамтран тvрээслэх арга бас тvгээмэл байдаг.
Сургалтын тєвvvд оюутнуудад зориулан байр хайх vйлчилгээг хямд vнээр vзvvлдэг. Yvнээс гадна оюутнууд зарлалын самбар, сонин зэргээс байрны зарлал олдог.
Доор байрны янз бvрийн хувилбарыг vзvvлье.
Австрали айлд амьдрах бол долоо хоногт 180-270 австрали доллар тєлєх хэрэгтэй болно. Энэ нь австраличуудын амьдралын хэв маягтай суралцах, дасахад маш дєхємтэй байдаг. Энэ хувилбар нь богино хугацаагаар суралцахаар ирсэн оюутнуудад маш тохиромжтой.. Єглєє, оройн хоолны vнэ байрны vнэд орсон байдаг. Сургалтын тєвvvд байнгын оюутан суулгадаг айлуудтай холбоотой байдаг. Ингэснээр эдгээрт амьдран суух оюутнуудын тав тухтай байдал амьдрах стандартыг байнга хянах боломжтой.
*Нийтийн байранд суух бол долоо хоногт 80-135 австрали доллар тєлнє. Нийтийн байруудад оюутнууд гал тогоо болон ариун цэврийн єрєєгєє хуваан ашигладаг.
*Бусад оюутантай хамт байр хєлслєн суух бол долоо хоногт 70-350 австрали доллар хэрэгтэй.
Хєлсний байр нь тавилгатай ба тавилгагvй гэж хоёр янз байна. Хєлсєлж байгаа тохиолдолд байрны эзэнд барьцаа буюу бонд болгон дєрвєн долоо хоногийн мєнгийг єгдєг. Байрнаас нь гарсны дараа энэ мєнгєє буцаан авч болно.
Оюутны виз хvссэн єргєдлийг таныг Австралийн сургуульд суралцахыг зєвшєєрсєн нєхцєлд бvрдvvлэн ойролцоохь Австралийн Элчин сайдын яаманд дагалдах бичиг баримтын хамт хvргvvлдэг.

***************************************************

More:http://gegeen.wordpress.com/2007/06/19/student-visa-2/

http://bizya.blog.banjig.net/post.php?blog_id=1209&post_id=11593#

Австралид сурвал ямар вэ?

Яагаад заавал австрали гэж?

Австрали улс сурч амьдрахад таатай, тайван орон юм. Австралийг их дээд сургуулиудад дэлхийн 80 гаруй орны 90 мянга орчим оюутан суралцаж байна. Энэ нь тэнд сурч буй нийт оюутнуудын тал хувь юм. Австралийн их дээд сургуулиуд бусад орны 4000гаруй сургуултай хамтран ажилладаг бөгөөд харилцан оюутан солилцох өргөн боломжтой. Австралийн сургуулиудыг сургалтын онцлогоор нь уламжлалт ба хэрэглээний гэж ерөнхийд нь хоёр хувааж болох ч эрдэм шинжилгээний ажлыг сургалттай нягт уялдуулдагаараа онцлог юм.

Австралийн их дээд сургуулиудын технологийн шинэчлэл болон эрдэм шинжэлгээний орчин нь мастер болон докторын сургалтанд хамрагдах хүсэлтэй юутнуудын анхаарлыг их татаж байна. Австрали улч боловсролынхоо системд зарж буй хөрөнгө оруулалтаараа дэлхийн хөгжингүй орнуудын дотор тэргүүлдэг байна.

Эцэст нь хэлэхэд Австралийн албан ёсны хэл нь англи учраас дэлхийн нийтийн глобальчлалын энэ хэлээр орчинд нь ярьж сурах боломжтойгоос гадна Англи, АНУ зэрэг орнуудыг бодвол сургалтын төлбөр, амжиргааны өртөг харьцангуй хямд байдаг.

Элсэлтйин шаардлага

Оюутан Австралид суралцахын тулд зохих хэмжээний агли хэлний мэдлэг, боловсролын ерөнхий түвшинтэй байх ёстой. Англи хэлний мэдлэгийн түвшинг шалгах IELTS нь оюутны виз авахад Австралийн Цагаачлалын Яамны хүлээн зөвшөөрөх гол тест юм. Их дээд сургуульд элсэх болон магистр докторын сургалтанд хамрагдахыг хүсэгчдээс IELTS – ийн оноо хамгийн багадаа 5,5 байхыг шаарддаг.

Оюутны виз хүсэх нь

Энэ төрлийн виз олгоход англий хэлний мэдлэгийн шалгасан IELTS оноо, санхүүгийн баталгааг хангасан баримтыг голлохоос гадна тухайн хүний зан авир, Австралийн Засгийн газарт өргүй байх зэргийг харгалзан үздэг. Виз хүсэхээр өргөдөл гаргахын тулд дараах нөхцлийг бүрдүүдэг.

Үүнд:

Сургалтанд хамрагдах хугацаанд Австрали руу нисэх агаарийн тийзний төлбөр, амжиргааны зардал, сургалтын төлбөр төлөх санхүүгийн чадвар

Эх орондоо буцаж ирэх баталгаа

Австралид байх хугацаанд эх орондоо үлдэх гэр бүлийнхний чинь амжиргааны баталгаа

Суралцахаар сонгосон чиглэл нь одоогийн байр суурь, хэрэгцээ шаардлага, хүсэл сонирхолд тохирсон байдал

Суралцах чиглэлд шаардагдах боловсролын мэдээлэл товч намтар /CV/

Энэ бүхнийг хангасан гэж үзэвэл Бээжин дэхь Австралийн Элчин сайдын яаманд өргөдлөө гаргана. Австралид 12 долоо хоногоос 10 сар хүртлэх хугацаагаар суралцах бол адахин сунгагдах нөхцөлгүй оюутны виз олгодог. Харин 10 сараас дээш хугацаагаар суралцахаар бол оюутны визийг дахин сунгах болсон. Ингээд Австралийн Элчин виз олгохыг урдчилан зөвшөөрч, сургалтын төлбөр төлөх талаар зөвлөгөө өгсний дараа сонгосон сургуулийнхаа итгэмжлэгдсэн дансанд мөнгөө шилжүүлнэ. Тэр данс нь Астралийн Засгийн газрын хяналтанд байдаг бөгөөд тухайн оюутан сургалтаа эхэлтэл зарцуулах эрхгүй.

Амьдрах өртөг

Австралид сурч амьдрах өртөг харьцангуй хямд гэж дээр дурдсан. Австралид суралцаж буй оюутан долоо хоногт дунджаар 320 AUS$-г байр, унаа, хувцас гээд бусад арга хэмжээнд зарцуулдаг. Дунд сургуулийнхан үүнээс ч бага 265 AUS$ байха хангалттай. Гэхдээ энэ өртөг нь амьдрах хотын байрлал, хувь хүний зохион байгуулалтаас хамаарч хэлбэлзэнэ.

Австрали айлд амьдрах нь /home stay/ тэндхийн амьдралын хэв маягт дасахад маш дөхөмтэй. Энэ хувилбар нь 18- аас доош насныхан болон богино хугацаагаар суралцахаар ирсэн оюутанд хамгийн тохиромжтой. Өглөө оройн хоолны үнэ байрны хөлсөнд багтсан байдаг. Долоо хоногт 180 AUS$ – 270AUS$ болдог. Нийтийн байранд амьдрахад /Hostel/ гал тогооболон ариун цэврийн өрөөгөө дундаа ашигладаг учираас төлбөр хаьцангуй хямд. Долоо хоногт 80 AUS$ – 135 AUS$ байхал хүрнэ.

Бусад оюутнуудтай хамтран байр хөлслөхөд /Share or Accommodation/ тавилгатай, тавилаггүй гэдгээрээ төлбөр нь өөр өөр байна. Байранд орохын өмнө эзэнд нь барьцаа өгөөд гарахдаа буцаан авдаг. Долоо хоногт 70 AUS$ – 350 AUS$ зарах хэрэгтэй болдог.

Сургуулийн дотуур байр нь /University accommodation/ бүтэн цагаар сурч буй юутанд илүү тав тухыг хангаж өгсөн байдаг. Зарим сургуулийн дотуур байрын хөлсөнд хоол, угаалгын үнэ ордог.

Оюутан нь Астралид суралцах хугацаанаа заавал Гадаадын Оюутны Эрүүл мэндийн даатгалд /Overseas Student Health Cover – OSHC/ хамрагдах ёстой. Энэ даатгалын тухай дэлгэрэнгүй мэдээллийг http://www.health.gov.au/oshc гэсэн вэб хуудаснаас аваарай.

Сургалтын төлбөр

Сургалтын үндсэн төлбөрийг оюутнууд сургалт эхлэхээс өмнө төлөх бөгөөд суралцах явцад оюутны холбооны гишүүний татвар, номын сан, лабораторийн хөлс, хичээлтэй холбоотой аяллын зардал нэмж гарахыг тооцоолох хэрэгтэй. /1UAS$ = 0.78 AM$/ Эдгээр зардлууд нь тухайн сургалт, сургуулиасаа шалтгаалж харилцан адилгүй байх ба Австралийн бараа ба үйлчилгээний татвараас /Goods and Tax – GST/ бүрэн чөлөөлөгддөг.

Биснес, хууль, эдийн засгийн чиглэлээр бакалаврын сургалтанд хамрагдвал жилийн төлбөр 13000 – 15000 AUS$ болно.

Шинжлэх ухааны болон инженерийн чиглэлээр лабротори хэрэглэх бакалаврын сургалт сонговол жилийн төлбөрт 14000 – 16500 AUS$ шаардагдана.

Мастер докторын сургалт жилд 14000 – 18500 AUS$ – н төлбөртэй.

Австралийн их дээд сургуулиудын сургалтын тэтгэлэг нь эрдэм шинжилгээний ажил хийх сонирхолтой хоёр орны засгийн газар хоорондын шугамаар сурч байгаа Мастер Докторын түвшний оюутнуудад ихэвчлэн олгогддог.

Суралцахын зэрэгцээ ажиллах

Австралид сурч байгаа оюутан ажиллах эрх хүссэн өргөдлөө ажил зуучлалын газарт манайхаар бол тэндхийн хөдөлмөрийн биржид гаргаж болдог. Хэрэв ажиллах эрх олгогдсон тохиолдолд хичээлийн үеэр долоо хоногт 20 цаг /1 цагийн ажлын хөлс 10 – 15 aus$/ хүртэл ажилахыг зөвшөөрдөг. Харин энгийн цагаар болон амралтын үеэр бүтэн цагаар ажиллах эрхтэй.

Мастер болон докторын сургалтанд ирэгсэд 574 дэд ангиллын виз авах ба ажиллах цаг хязгааргүй. Зарим сургууль өөрсдөө ажил олж өгөх үйлчилгээ үзүүлдэг ч төдийлөн найдах хэрэггүй. Австралид ажил хийх гэж буй хүмүүс тэдний татварын дугаарыг /Australian Tax Number/ заавал авах ёстой.

Сурах аргачлал

Австралийн сургатл, ялангуяа их дээд сургуулиудад бие даасан судалгаа шинжилгээ хийхийг илүү шаарддаг. Оюутнууд хамтран нэг баг болж мэдээллийг эрэн сурвалжилж, боловсруулан, түүндээ үнлдэслэн асуудал дэвшүүлэх, ургуулан сэтгэж зохион байгуулах зэрэг нь тэндхийн сургалтын гол арга барил юм. Ийнхүү оюутнуудын сурах идэвхжлийг өдөөн, сургалтыг маш үр бүтээлтэй болгоход илүү анхаардаг. Оюутнууд лекц семинарит суухаас гадна номын сан, лабораторит хичээллэж, судалгаа шинжилгээний ажил хийх цаг гаргах хэрэгтэй болдог.

***************************************************

Үргэлжлэл 3. Англи хэл

Хэлний курс

Энд хэлний курсууд нь бүгд чанартай юу гэвэл үгүй. Төлбөр нь монголоос хямд уу гэж асуух хүн гарахгүй л байгаа. Сургах арга барил нь над шиг орос ах нарын школоор автоматаар бөөндөж цээжилдэг арга барилд сурчихсан хүнд бол залхаан цээрлүүлэлт л гэсэн үг. Юу ч сураад байгаа нь мэдэгдэхгүй, шинэ үг ч өдөртөө ядаж ганц 2 ширхэг нэмэгдэж байна уу үгүй юу бүү мэд, миний хувьд бол ердөөсөө л тэр чигээрээ цаг алдалт, амьдрах явцад нь л өөрсдөөр нь суралцуулдаг юм шиг байгаа юм. Маш сайн курсэд, мөнгийг нь төлж дийлэх чадвартай ирсэн хүмүүсийн хувьд бол үүн дээр надтай санал зөрөлдөх юм гарах л байх. Гэхдээ тэрийгээ бусадтайгаа хуваалцах бодолгүй, завгүй л явдаг шиг байгаа юм. Миний хувьд 1 сарын дундаж сургалттай курсэд 1000 гаруй америк доллар төлсөн маань, авч үлдсэн сурсан юмтайгаа харьцуулбал хэтэрхий өндөр үнэ төлсөн мэт санагдаж байсан. Монголд энэ мөнгөөр энүүнээс илүү үр дүнд хүргэх зүйл сэтгэж болох л байсан байх. Гэхдээ яахав, туулаад өнгөрөх ёстой байсан амьдралын маань бас нэгэн шат, гишгүүр болсон учраас одоо бол тэрүүнд нэг их харамсдаггүй.

Гэр бүлийн хүн маань харин хэлгүйгээсээ авахуулаад хэлтэй болтлоо янз бүрийн л юм туршиж байсных сүүлд өөр монголчуудад бид гайгүй хэлний курсууд зааж өгөхтэйгөө болсон л доо. Гэхдээ л хэл сурах гэж хичээж байгаа ядуувтар Монголчуудад маань заавал ингэж олон дахин үнэтэй, цаг алдалттайгаар Австралид л ирж хэл суралцах хэрэгтэй гэж зөвлөх нь утгагүй зүйл. Жилийн төлбөр нь 10 гаруй мянга, тэр нь зарим магистрын сургалтнаас ч үнэтэй гээд бод доо. Монголд сайн хэлний курсууд байдаг шүү дээ. Өдөртөө ганц 2 цаг тэрүүндээ яваад завсараар нь амьдралдаа дарагдаад, ажлаа хийгээд явж байя гэвэл Монгол шиг боломжтой газар байхгүй.

http://gegeen.wordpress.com/2007/08/13/best-english-courses/

Энд нэг ирчихвэл ажил хийж амьдралаа залгуулах, төлбөрөө олохын тулд хэл сурах болон хичээл хийх зэрэг асуудлууд заримдаа хоёрдугаарт тавигдах нь бий. Аль алийг нь давдаг мундаг монголчууд ч байдаг. Гэхдээ тэд МАШ цөөхөн, угаасаа ч энд бид цөөхүүлээ байна.

Тэгэхээр монголчууддаа захихад болж өгвөл Монголдоо Англи хэлний мэдлэгээ дундаас дээгүүр болгочихоод энд ирвэл харин амархан хөлөө олж, аятайхан амьдралтай залгах боломжтой болно шүү. Австралид монголчууд шиг тахир дутуу хэлтэй, тэрүүнээсээ бас жаахан ичингүйрэн балайрдаг хүмүүст үнэ хөлсгүйгээр цагаа үрээд суух Австраличууд олдоно гэсэн найдвар тун муу. Ичдэггүйгээрээ хэдэн жижиг хүүхдүүдийн хэл ус л харин ус, цас, мөс болдог шиг байна лээ. Мань мэт шиг дуугайдуу гарууд бол ч үнээрийн хэрэг байхгүй. Тэгэхээр хүн болгон зөвхөн гадаадад л хэл нь сайжирдаг гэвэл минийхээр бол худлаа л гэе дээ. Ялангуяа хэлгүй мөртөлөө ядуу, дээрээс нь таних хүнгүй бол их л сайн бодож байж л ирээрэй л гэе дээ.

Үргэлжлэл 8. Суралцахад

Мэргэжлийн ажил сонирхох

Өмнөх 7. Мэргэжлийн бус ажил Суралцагчид юуны төлөө сурдаг вэ. Австралийн Сидней хот буюу ажиллагсад ихтэй ганц хотоос нь бусад газруудад байгаа Монголчуудын дийлэнхийг оюутнууд болон тэдний гэр бүлийнхэн эзэлдэг гэхэд хилсдэхгүй байх. Оюутны виз бол хамгийн үнэмшилтэй шалтгаан бүхий амархан бүтдэг визний тоонд орно. Гол асуудал нь мөнгө л байдаг. Тэгээд ч дэлхийн хэл болсон англи хэлийг илүү сайн сурч, ирээдүйдээ хөрөнгө оруулахын тулд чанар сайтай, аль ч улсад хүлээн зөвшөөрөгдөх боловсрол олж авахыг миний үеийн олон олон залуус хүсч явдаг.

Гэхдээ энд ирээд анзаарсан зүйл бол Австраличууд сургуульд нь хүнээр хүн л хийхийг зорьдог, хэн болох, юунд хүрэх гээд байгааг нь сургууль сонгодоггүй, зөвхөн боломжыг нь бүрдүүлж, чиглүүлэх үүрэг гүйцэтгэдэг ба хүнийг мундаг эрдэмтэн, супер шинжлэх ухаанч, хосгүй мэргэжилтэн болгох нь зөвхөн тухайн хүний дур сонирхол, сонголт, авъяас чадвар л мэдэх хэрэг байдаг юм шиг. Монголчууд шиг маань болсон болоогүй, мөнгөтэй мөнгөгүй, бусдын албадлагаар, хэн нэгний сонголтоор, ямар ч хамаагүй юманд заавал сурдаг, төгсдөг, халтуурддаг тохиолдол үнэхээр бага ажиглагдана шүү. Дийлэнх залуус дээд боловсрол эзэмших гэж хошуурахгүй, их сургуулийн оюутан болох ховорхон аз зөвхөн ард түмний цөөнхөд ноогдоно. Мөнгөтэй нь сурна, мөнгөгүй бөгөөд суралцах маш их хүсэлтэй нь мэдээж онц төгсөж урилгаар элсэнэ, эсвэл тэтгэлэг, зээл авна, голдуу л Австрали залуус амьдралд хөл тавьж, ажил хийж, нийгмээ бүрэн бүтэн болгох эд эс нь болж, элдвийн юманд өөрсдийгөө зовоолгүй аз жаргалтай амьдарцгаадаг мэт санагддаг даа.

Миний хувьд сурч боловсрохыг туйлын зорилгоо болгож дээдэлдэг соц үеээс гаралтай эцэг эхтэйн хувьд Монголдоо л чансаа өндөртэйд тооцогдох сургууль төгсөөд, ажил амьдралын зах зухаас их багаар амсаад явж байсан болохоор Австралид ирээд болж өгвөл монголдоо сурахаас илүүд тооцогдох англи хэл, австралийн компаний ажлын дадлага, мэргэжлийн төвшнөөрөө олон улсад хүлээн зөвшөөрөгдөх – “world wide acceptance” гэх мэтийн юманд л илүү анхаарлаа хандуулдаг байлаа. Хичээлүүд нь яах вэ, заадгаа заагаад л, хэрэгжүүлчихвэл зүгээр юмнуудыг онолын талаас нь үзээд л явдаг.

Австралийн их сургуулиар суралцлаа гээд учиргүй ихээр онолын мэдлэг маань нэмэгдэж, тэлж сүйд болоогүй, угаасаа л мэргэжлийнхээ хувьд сонирхдог чиглэл маань тодорхой болчихсон байсан, тэрүүнтэйгээ холбоотой хичээлүүд сонгоод л, сонголт муутай бол байгааг нь үзээд л, өгсөн үүрэг даалгаваруудыг нь чадах хэмжээгээрээ хийгээд л явдаг байлаа. Монголд үзэж байсан хичээлүүдээрээ зарим хичээлийн кредитийг цуглуулж, овоо ч мөнгөө хэмнэсэн. Монголын маань боловсрол ямар ч байсан баруунд ирээд хүлээн зөвшөөрөгддөгийг Монголоос энд ирээд мэргэжлээрээ шууд ажиллаж байгаа хүмүүсийн жишээнээс харж байсан л даа. Ур чадвартай, Монголын боловсролтой, Англи хэлний төвшин өндөртэй, хамгийн гол нь баруунд ажил хайх мэдлэг, туршлагатай л бол Австрали мэтийн англи хэлтэй улсад иргэдтэй нь эн зэрэгцэж ажиллаж, суралцах боломж багахан боловч байдаг гэж бодож байна.

Суръя гэж бодож явдаг хүмүүс сурахыг сурчихсан байх хэрэгтэйг эхлээд ойлгох хэрэгтэй.

Даалгаварууд нь голдуу л их нээлттэй сэдэвтэй, юу ч хийж, яаж ч төөрч будилж, нээж илрүүлсэн байж болдог, гол нь хийсэн гэдгээрээ л дүгнэгддэг байсан санагдаж байна.

Оюутнуудыг мэргэжлээр нь болон амьдралд бэлтгэх

Сурахын үндсэн зорилгыг сурсанаа хэрэгжүүлэх гэдэгтэй санал нийлдэг болохоор Сургуулийнхаа Career & Employment Service-нхэнээр ойр зуурын юмаа заалгаад жил бүр болдог Career Expo-д нь оролцож, баахан л компаниудын танилцуулга цаас цуглуулаад л явдаг байлаа даа.

Оюутан байх хугацаандаа бас зүгээр байсангүй мэргэжлээрээ юм хийчих санаатай Интернетээр уйгагүй л хайдаг байлаа. Ганц 2 Австралийн компанид цалингүй дадлага хийгээд ч амжлаа. Зарим цалинтай ажлуудаас “Unfortunately” гэсэн хариу зөндөө л авах боловч үнэн тоодоггүй байж дээ.

Эндэхийн оюутан сурагчид тэр бүр хэн нэгэнд найдаад сууна гэж байхгүй, яаж ийгээд л ямар нэгэн юм хийхийг л боддог, сурч байх хугацаандаа ч зүгээр суухгүй амьдралаа бие дааж авч явахыг л хичээдэг юм шиг санагдаад байсан шүү. Аав ээжийндээ хэвтэж байрны түрээсээс хэмнэсэн ч гэсэн part-time ажлууд хийж, халаасны мөнгөөр бийлэгжүү явах гэж хичээдэг юм шиг. Сурах процесс бол мэргэжлээрээ бэлтгэгдэхээс гадна бас амьдралд бэлтгэгдсэн бие хүн болох чухал үе шат, жинхэнэ шалгарал явагддаг амьдралын нэгээхэн хэсэг юм байна гэж дүгнэсэн. Тэгээд ч Австралийн компаниуд нь хүн гээч капиталыг яаж ашиглахаа маш сайн мэддэг болчихсон, ажлын хуваарилалт, зохион байгуулалтыг нэлээн нарийн хийдэг юм байна гэж анзаарсан. Сул зогсолт гэж юм барагтай бол байхгүй, чадахгүй хүнийг заавал хүчээр гүрийлгээд байхаа бодохгүй, гэхдээ Со шиг, Наран улс шиг болсон болоогүй бүх юманд тийм айхтар ард түмнээрээ ажилчин шоргоолж шиг хурдан темпээр гүрийцгээдэггүй боловч үр дүнтэй юмандаа хүч хөрөнгөө хаядаг, их ухаалаг зарцуулалттай, хуваарьлалт нь манайхан шиг шог биш л байдаг юм байна гэж биширдэг.

Монголд уул нь хүн капиталууд зөндөө байгааг олж хараад л байна. Юунд яаж хэрэглэгдэх нь тодорхойгүй л байгаад байх шиг. Хүн нь хэрэглүүлэхээ ч мэдэхгүй юм, бусад нь хэрэглэхээ ч мэдэхгүй юм.

За тэгээд ажил төрөлөө ч сайжруулж, Монгол дахь хэд маань ч явуулсан мөнгийг маань зөв зарцуулж, өгөөжөө өгч эхэлцгээсэн гэсэн тул өөрсдийгөө бодох цаг болж гэр бүлийнхээ хүний Англи хэлийг богино хугацаанд сайжруулах арга хэмжээ авахаар болдог юм байна. Хөөрхий минь англи хэлний мэдлэг муутай ирчихсэн, ирэхээрээ сурна гэж их далжиганаад, сурахгүй явж явж ирсэн болохоор ирсэн хойноо адаглаад ажил асуугаад гадуур явахад ч хүндрэлтэй, асуудлууд ихтэй байсан юм. Монголоо ч санаад, бас бүх юманд бие дааж сурахад хүрээд, ядахад англи хэл нь муу болохоор боломжууд нь хумигдаад, үнэхээр сурахаас өөр арга байхгүй хүнд нөхцөл байдал үүссэн байсан нь эргүүлээд түүнд их сайнаар нөлөөлсөн гэж боддог. Хүн challenge үүсэхгүй бол урсгалаараа явсаар байгаад байгаа төвшиндөө гацчихдаг шүү дээ. Анхандаа ч Австралид сайн муу янз бүрийн л курсуудээр мөнгийг нь төлөхдөө төлж, бас аз таараад иргэдийгээ үнэгүй сургадаг курсэд хүртэл мэдэлгүй оруулж сургасаар, Монгол руу хүртэл явуулж сайн мууг нь мэдэхгүй хоёр гурван ч газруудад бэлтгэл хийлгүүлсэнээр ямар ч гэсэн бараг жилийн дотор дээд сургуульд тэнцэх хэмжээний хэлний мэдлэгтэй болдог байна шүү. Өмнө нь бие дааж сурах нэрээр цагаа гарздаж байсныг эс тооцвол доод төвшинээс дээд төвшин рүүгээ системтэй сургалтанд хамрагдаж хурдан сайжирсан байх.

Үүнд хувь хүний хичээл зүтгэлийг нь мөн үнэлж баршгүй үүрэг гүйцэтгэснийг онцлон тэмдэглэх хэрэгтэй. Хамгийн сайн курсэд, төлбөрийг нь дааж сургаад ч ахидаггүй хүмүүс байгаад байгааг өөрт тохиолдож буй бэрхшээлүүдээс сайн мэдэх юм байна.

Сургууль төгсөх.
За тэгээд сурч байх хугацаандаа л нүхээ бэлдэхгүй бол Австраличууд нь хүртэл диплом нэртэй цаастай төгсөөд ажилгүйчүүдийн арми үйлдвэрлэдэг нь хууль.

Австралид ирж сурвал, англи хэлтэй улсуудад хүлээн зөвшөөрөгдөх боловсролын зэрэгтэй болж байнаа л гэсэн үг. Австралид дээд боловсрол гээч нь барж дийлдэшгүй үнэтэй, ядуу хүүхдүүд нь бол мэдээж хамаг мөнгөө шавхаж соруулсаных арай ч бас хавтгайрсан гажуудал үүсгэхээ бодохгүй л дээ. Тэгээд ч дээд сургуулийн багш нар цалин ч өндөр, дээрээс нь сургууль өөрөө сурч боловсрох багаж, техник, орчин нөхцөлийг нь дээд зэргээр хангах чадамжтай болохоор суралцагчид нь л өөрсдөө өөдтэй байвал сурсан шиг сурах шанс нь өндөр байна шүү. Монголоос гайгүй сурах чадвартайнууд нь ирвэл гялалзаад л явчихна, гадныханаас ер дутахгүй.

Ажилд авсан компани маань намайг оюутан гэж мэдэж байсан болохоор их юм горьдож, мэргэжлийн хүмүүс шиг тарчилгалгүй бүх юмаа сайхан зааж өгч нэг ёсондоо практик дадлага муутай надад их л хэрэг болсон доо.

Барууны боловсролын систем

Бид гадныханыг их тэтгэлэг өгдөг, ядуу айлын хүүхдэд ч сурах боломж олгодог гээд сайрхдаг. Тэгвэл Монгол шиг ингэж баахан ядуу оюутнуудаа бүгдийг нь тэтгэж, хэт харж үздэг боловсролын байгууллага Австралид бараг үгүй. Австралийн дээд сургуулиудын нэхэж байгаа төлбөрийнх нь хэмжээ Австраличуудыг нь ч айлгадаг болохоор бүгд бүгдээрээ дээд сургууль руу хошуурахгүй юм. Ухамсараараа залуучууд нь өөртөө таарсан юмаа олж хийгээд, би сурдаг хүн, төр засаг харж үз энэ тэр гэхгүй юмаа.

Австраличууд голдуу өөрсдөө л төлбөрөө олно, эсвэл сургалтын зээлээ хөөцөлдөнө. Ээж аав нар нь дээд боловсролынх нь мөнгийг тэр бүр өгөх гээд байхгүй, Монголчууд шиг хариуцлага энээ тэрээг нь өөрсөд дээрээ үүрэхгүй, залуус өөрсдөө л хариуцлагаа ухамсарлаад ихэнх нь насанд хүрээд гэрээсээ хол амьдрана, ээж аавыгаа туслах ёстой энэ тэр гэж шаналгахгүй, гомдоллохгүй. Оюутнуудын ихэнх нь HECS гэж төрийн сангийн зээлээ насаараа шахуу төлж байж дуусгадаг юм гэсэн, бараг хүүгүй шахуу, гэхдээ банкууд ч бас жилийн 0,1 хувийн хүүтэй ч билүү их л гайгүй зээлүүд өгөөд л байгаа харагддаг, ирээдүйн орлогоос нь төлүүлдэг, орлого олохгүй л бол болохгүй байдалд хүргэдэг шиг байгаа юм.

Бас төр засаг нь оюутнуудыгаа суралцаж байх үедээ олж болох орлого тал дээр л анхаарч татварын хөнгөлөлт олгох, ажил хийх боломжуудыг нь л дэмжинэ үү болохоос хэдийн зардалаар яаж хэмнэж, ямар дотуур байранд амьдрах нь хамаагүй бололтой.

Эндэхийн оюутны дотуур байрууд хамгийн үнэтэй, бүх төрлийн үйлчилгээтэй, сургуульдаа ойр. Цөөн оюутнуудаасаа цуглуулж авсан ИХ мөнгөөрөө сургалтын орчин болон чанарыг сайжруулж, бусдад хэрэгтэй бүтээл гаргуулах бүх тоног төхөөрөмж, материалаар хангах, дэлхийд хүлээн зөвшөөрөгдөх боловсрол олгох тал дээр нь анхаарах бололцоо үүсгэдэг юм байна. Тэгвэл өнөөгийн Монголын боловсролын байгууллага чадамжынхаа дээд хэмжээнд үйлчилж, хүнд хэцүү, ядуу байдалд ч үйлчилсээр байгааг нь би хувьдаа бахархууштай үйл хэрэг гэж үздэг болоод байна.

Манайхан эхлээд сургуульдаа орчихдог, дараа нь төлбөрөө яах вэ гэдэг бол эндхийнхэн эхлээд санхүүгийн чадамжаа тодорхойлно, дараа нь боломж нь бүрдэхээр л сурна. Монголд 20-той дээд боловсролтой хүмүүс байж л байдаг. Энд бол 25 хүрч байж нэг юм төгсөж чадсан байвал их юм.

Монголын оюутнууд дэлхийн жишигт нийцсэн сургалтын чанар шаардахын тулд дэлхийн жишигт нийцсэн үнэ төлөхөд хүрнэ гэдгээ эхлээд ойлгох хэрэгтэй байдаг юм байна. Дэлхийн жишигт нийцсэн профессоруудыг хэдээр цалинжуулах гээд гуйгаад явах вэ гэдэг нь бодохоор л асуудал. Бас Монгол оюутнуудад амьжиргаагаа даагаад явах бололцоо үүсгэж, тэдэнд ямар их потенциал байгааг үнэлэн, Монгол улс, Дээд сургуулиуд хүн капиталаа ашиглаад оюутнуудаа мэргэжлийнхээ талбарт практик дадлагатай болох, нийгэмд баялаг бүтээхэд нь илүү түлхэц өгвөл зүгээр санагдаад байгаа юм.

***************************************************
More: Australian Education

Шилдэг
Excellence
Австралийн их дээд сургуулиуд нь олон тєрлийн чиглэлээр чанарын єндєр тvвшинд сургадагаараа алдартай билээ. Сургуулиуд нь онол практикийн хослуулан сургалтыг явуулсанаар тєгсєгчид нь ирээдvйд ажил олгогчийн шаардалгыг бvрэн хангана гэдэгтээ итгэл тєгс байдаг.

Австралийн шинэлэг санаа, судалгаа шинжилгээний нэр хvнд нь олон орны оюутнуудыг vргэлж татаж байдаг. Австралийн Технологийн vзvvлэн (Australian Technology Showcase -ATS ) гэдэг веб хуудсыг Австралийн засгийн газраас ивээн тэтгэж vvгээрээ тус орныг дэвшилтэт мэргэшил ба шинэлэг технологийн эх уурхай болохыг тодруулан харуулсан байна.

Австралийн сургуулиудын багш, эрдэм шинжилгээний ажилтанууд нь дэлхийн єнцєг булан бvрээс шилэгдэж сонгогдон ирсэн эрхэлсэн мэргэшилээрээ дэлхийд тэргvvлэх экспертууд байдаг. Иймээс багш нар гадаадын оюутнуудтай харицахдаа маш туршлагажсан байдаг.

Америк, Англи, Канад, Европ болон Азийн холбогдох нэр хvнд бvхий их дээд сургуулиудтай жил бvр багш оюутнуудын солилцооны шугамаар байнгийн холбоотой ажилладаг.

Австралийн технологийн ололт амжилт нь шинэ технологийг амьдралд хурдан хэрэгжvvлдэг нэр хvндийг олж авснаар шинэ зуунд орохдоо дэлхийд интернетийн холболтын тоогоороо хамгийн єндєр орны нэг болж чадсан юм. Багшлах боловсон хvчэн, сургалтын болон судалгаа шилжилгээний материаллаг баазаараа дэлхийд тэргvvлэх тvвшний хэмжээнд очсон бєгєєд хамгийн сvvлийн vеийн технологи бvхий лабратори, анги танхимийн ба шилмэл номын сантай байдаг.

Чанарийн баталгаатай
Quality Assurance
Австралид суралцаж буй оюутнууд болон тэдний эцэг эхvvд нь сургалтын чанар болон сургалтын тєлбєрт сэтгэл ханамжтай байдаг.

Австралийн Засгийн Газар нь гадаадын оюутан хvлээх авч сургадаг сургалтын тєв, сургуулиудыг тодорхой шаардлагуудыг хангасан нєхцєлд л бvртгэдэг. Хувийн болон улсын сургалтын тєвvvд адилхан чанартай сургах vvрэгтэй бєгєєд хичээлийн тєлєвлєгєє, багшлах мэргэжилтнvvдийн мэргэжил боловсролын тvвшин ба суралцах орчин, тусгай тєхєєрємжvvд нь засгийн газраас гаргасан шаардлагыг хагасан байх ёстой.

Хэрэв Австралийн их дээд сургууль, сургалтын тєвvvд нь гадаад дахь салбараараа болон агентаар дамжуулан сургалт зохион байгуулсан ч гэсэн Австралид мєрдєж буй стандартын шаардлагыг мєрдєх vvрэгтэй байдаг. Гэвч Австралийн Засгийн Газраас тавигдсан чанарын баталгааг Австралид бvртгэлтэй сургалтын тєвд элсэн суралцагсадад хамаарагдахыг анхаарна уу.

Аюулгvй Олон Vндэстний Нийгэм
Safe Multicultural Society
Англиар ярьдаг олон vндэстний аюулгvй, найрсаг, амгалан нийгэмд оюутнууд сурах ба аялах орчин нь бvрдсэн газар бол Австрали билээ.

Австрали нь дэлхийн бусад улстай харьцуулбал аюулгvй орон билээ. Австралид гэмт хэрэг ба улс тєрийн ороо бусгаа байдал нь их хязгаармагдал байдаг. Австрали дэлхийн хэмжээнд хамгийн багаар тооцогдох гэмт хэргийн гаралттай орон бєгєєд бууны хатуу хяналтын хууль нь аюулгvй орчинг бvрдvvлдэг. Оюутны суралцах орчин ба тєлєвлєгєєг улс тєрийн vймээн бусниулах магадлал маш бага бараг байхгvй.

100 гаруй vндэстнvvд Автсралийг бvрдvvлдэг бєгєєд Австрали нь дэлхийд соёлын тархац сайтай орны нэгд тооцогддог. Олон vндэстнийн соёл нь гадаадын оюутныг хvлээн авах аятай орчныг бvрдvvлэхээс гадна тэднийг дасан суурьших, идээшихэд дєхємтєй болгодог.Багш нар нь ч гадны олон орноос ирсэн оюутнуудтай ажиллах маш их туршлагатай.

Австраличууд гадаадын оюутануудыг маш халуунаар хамалжлахын хажуугаар тэдэнд єєрсдийн амьдралын хэв маягт дасахад уриалгахнаар тусалдаг.

Австраличууд ерєнхийдєє их нээлттэй хvмvvс бєгєєд гадаадын оюутнуудыг маш халуунаар хvлээн авдаг. Олон оюутнууд Австрали айлд амьдардаг бєгєєд тэд нар Австралийн найрсаг амгалан зан чанарыг мэдрэн гэр бvлийн нэг гишvvн нь болдог. Гадаадын оюутнууд хаана ч амьдарсан vргэлж л Австраличуудтай найзлах vерхэн нєхєрлєх завшаан олдох бєгєєд энэ бvгд нь удаан vргэлжлэх найз нєхєрлєлийн холбоо болдог.

Мєнгєний vнэ цэнэ
Value for money
Австралид сурах ба амьдрах єртєг нь Америк ба Английн сурахаас харьцангуй хямд бєгєєд амьжиргааны стандартын хувьд дэлхийд дээгvvр ордог юм.

Англи хэлтэй орон
English Speaking Country
Англи хэлийг Англи хэлтэй оронд сурахаас илvv сайн арга зам байна уу?

Англи хэл танд сурч боловсрох боломжоос гадна олон улсын байгууллагат ажиллах карьерийн илvv єргєн боломж нээнэ. Жил бvр 50 гаруй орноос оюутнууд Австрали руу сурч боловсрлох, амрах аялах болон хувийн зорилгоор айлчлан ирдэг билээ.

Танд Англи хэлний мэдлэг чадвараа Австралид суралцах хугацаандаа дээшлvvлэх маш єргєн боломж бий. Англиар ярьж буй орчинд оюутнууд єєрсдийнхєє алдааг ухааран хурдан засварлан сурах боломжтой байдаг

Хvлээн зєвшєєрєгдєх мэргэшил
Qualifications recognition
Австралид эзэмшсэн мэргэшлийг олон улсад хvлээн зєвшєєрдєг бєгєєд ажил хайх болон олон улсын их дээд сургуулиудад vргэлжvvлэн суралцах боломжтой.

Гадаадын Мэргэшил Чадварыг Хvлээн Зєвшєєрєх vндэсний Алба (National Office of Overseas Skills Recognition – NOOSR ) хэмээх Австралийн Засгийн Газрын дэргэдэх байгууллага нь Австралийн их дээд сургуулиудад эзэмшсэн мэргэшлийг гадаадад хvлээн зєвшєєрvvлэх талаар ажилладаг. Энэ байгууллага нь Австралид эзэмшсэн мэргэшлийг олон улсын хэмжээнд суртчилан таниулах ажлыг зохион байгуулдаг.

Ихэнх гадаадын оюутнуудаас элсэлт авдаг сургалтын курс болон дадлагууд нь Австралийн Мэргэшлийн Хvрээ (Australian Qualification Framework – AQF ) програмд хамрагдсан байдаг. Энэхvv програм нь Австралийн Засгийн Газраас сургалтын чанарт тавих хяналтын систем бєгєєд ингэснээр олгож буй мэргэшлvvдийг Австрали болон олон улсын хэмжээнд хvлээн зєвшєєрєгдєх тvвшинг хадгалах зорилготой юм.

Австралиар суралцах арга
Australian way of studying
Суралцах аргачлал (Study methods)
Автралийн сургалт тєв, ялангуяа их дээд сургуулиудад бие даасан судалгаа шинжилгээ хийхийг шаардах болно. Оюутнуудыг єєрсдєєр нь болон хамтран бvлгээрээ мэдээллийг эрэн сурвалжлаж боловсруулан тvvндээ vндэслэн асуудал дэвшvvлэх, ургуулан сэтгэж дvн шинжилгээ хийж бусад оюутнууд ба багш нартай vр дvнтэй маргаан мэтгэлцээн зохион явуулахыг сургалтын арга барилаа болгодог.

Ийнхvv оюутнуудыг хамруулах нь зєвхєн сонсон хуулбарлах идэвхгvй сургалтаас сургалтын процессийг идэвхтэй болгож чадна. Их дээд сургуульд эсвэл тусгай мэргэжлийн сургуульд оюутнууд лекц, семинар сууж дадлагын ажлаа хийхээс гадна номын сан эсвэл лабраторд ажиллан єєрсдийн судалгаа шинжилгээний ажлыг эрхлэх цаг гаргах ёстой байдаг.

Дvгнэх аргачлал (Assessment methods)
Австралийн дунд сургуулиуд нь єєрсдийн шалгах аргачлалтай байдаг. Сургуулийн тєгсєх ангиудад сургуулийн, эсвэл гадны шалгалтууд авдаг. Дунд Сургуулийн Ахлах Ангийн Боловсролын Сертификат (The Senior Secondary Certificate of Education ) нь тєгсєх шалгалтын дvн дээр тулгуурлан олгогддог. Энэхvv сертификат нь их дээд сургуульд элсэх эрх болдог.

Сургалтын тєвvvд болон их дээд сургуулиудын шалгалтын аргачлал харилцан адилгvй байдаг. Оюутнууд хичээлийн жил, семестрийн тєгсгєлд шалгалт аван дvгнэх эсвэл хичээлийн дундуур хийгдэх эссэ, курсын ажил болон тест зэрэг дээр тулгуурлан дvгнэх гэх мэт олон янзийн аргачлалтай байдаг.

Мастер ба докторын курсыг тэдний хийсэн эрдэм шинжилгээний ажлыг комиссоор оруулан дvгнэдэг.

Их дээд сургуулиуд
Universities
Австралийн их дээд сургуулиудад дэлхийн 80 гаруй орноос хvрэлцэн ирсэн 90,000 оюутан суралцаж байна. Энэ нь Австралид суралцхаар ирж буй оюутнуудын тал хувь нь болдог.

Австралид холбогдох албанд бvртгvvлсэн 39 их дээд сургууль байдаг. Австралийн их дээд сургуулиуд ойролцоогоор дэлхийн 4000 гаруй их дээд сургуулиудтай хамтран ажилладаг байна.Сургуулиуд гадаадад єєрсдийн салбартай эсвэл гадаадын сургуультай хамтран ажиллах гэрээний дагуу оюутан, багш нарыг солилцож дэлхийн олон орны сургуулиудтай холбоотой ажилладаг.

Ихэнх Австралийн их дээд сургуулиуд нь уламжлалт сургалтад анхааралаа хандуулдаг бол хэрэглээний тал дээр ажилладаг хэсэг сургууль ч байдаг. Хэдий тийм боловч бvх сургуулиуд нь эрдэм шилжилгээний ажлыг сургалттай нягт уялдуулан зохион явуулдаг.

Австралийн их дээд сургуулиудын технологийн шинэчлэл болон эрдэм шинжилгээний орчин нь мастер болон докторын сургалтанд олон улсын оюутнуудын анхааралыг маш их татдаг. Австралийн эрдэм шилжилгээ, сургалтын дээшлvvлэхэд зарцуулаж байгаа хєрєнгийн хувиараа хєгжингvй орнуудын дотор тэргvvлдэг.

Тусгай Мэргэжилийн Сургалт
Vocational education and training
Австралийн Тусгай Мэргэжилийн сургалтын тєвvvд нь практик болон карьерт vндэслэсэн сургалт явуулдаг. Оютнууд єєрсдийн карьерийн хvсэлтийн дагуу сурч ажиллахаа хослуулаж болдог.

Тусгай Мэргэжилийн сургалтыг улсын TAFE сургуулиас гадна хувийн сургалтын тєвvvд зохион явуулдаг. Бvх сургалтын тєвvvд нь Австралийн Засгийн Газраас тогтоосон чанарын стандарын хяналт дор байдаг.

Австралийн Тусгай Мэргэжилийн курс тєгсєгчид нь ажил олгогчийн шаардлагыг хангахуйц ур чадвар эзэмшсэн байдаг. Энэхvv боловсролын тvвшин дээр суурилан их дээд сургуульд элсэн суралцах боломжтой болдог.

Дунд Сургууль
Schools
Австралийн дунд сургуулийн програм нь аюулгvй халамжтай орчинд сурагчийн авьяас чадварыг хєгжvvлэх vндсэн зорилготой байдаг. Дунд сургуулиуд нь єргєн агуулгатай хичээлvvд, єндєр дадлага туршлагатай багш нар болон шинэлэг технологоор тоноглогдсон лабраторуудаар хангагдсан байдаг.

Австралийн дунд сургуулиуд нь улсын болон хувийн гэсэн хоёр салбартай. Аль ч салбарын сургуульд гадаадын сурагчийг хvлээн авдаг. Зарим хувийн сургуулиудад шашны сургалт нэмэлт байдаг.

Гадаадын сурагч хvлээн авахын тулд дунд сургууль нь Австралийн Засгийн Газрын холбогдох албадад бvртгvvлэх бєгєєд англи хэлний тусгай мэргэжилтэн багштай байх ёстой.

Одоогийн байдлаар 12,000 гадаадын сурагчид Австралийн дунд сургуульд суралцаж байна. Зарим дунд сургуулиуд зєвхєн гадаадын сурагчид хvлээн авахаар зохион байгуулагдсан байдаг.

Англи хэлний курс
English courses
Англи хэлийг сургууль ажлын хэрэгцээ болгон сурахаас гадна амралтынхаа нэг хэсэг болгон сурах боломж бий.

Гадаадын 50 гаруй орноос оюутнууд хvрэлцэн ирж Австралийн дээд зэрэгийн чанар бvхий Англи хэлний курст суралцдаг.

Австралид суралцахаар хvрэлцэн ирэж буй нийт оюутны 20% хувийг зєвхєн Англи хэл эрчимтэй сурахаар ирсэн оюутнууд эзлэдэг. Энэхvv хувь жил тутам ойролцоогоор 2% иар єсж байгаа нь Австралийн хэлний курсын чанарыг дэлхий даяар vнэлж байгааг харуулж байна.

Хэлний курст суралцаж байгаа оюутнуудын ихэнх хэсэг цаашид vргэлжvvлэн суралцах тєлєвлєгєєтєй байдаг. Бvх их дээд сургуулиуд болон тусгай мэргэжилийн сургуулиуд нь дэргэдээ Англи хэлний тєвvvдтэй. Суурь Сургалтын Програм (Foundation Study Program ) нь их дээд сургуульд орох бэлтгэлээ Англи хэлийн бэлтгэлтэй хослуулдаг нэг хэлбэр байдаг.

Англи хэлийг эрчимтэй судлаж буй оюутнууд Австрали айлд амьдрах сонирхолтой байдаг. Австраличуудтай хамт амьдарсанаар англи хэлтэй орчинд яриа болон сонсох чадвараа тvргэн хєгжvvлэх боломжтой болдог. Англиар ярьж буй орчинд оюутнууд єєрсдийнхєє алдааг хурдан засварлан сурах боломжтой. Мєн Англи хэлээр практик хэрэглээнд нь ярьж бодож сэтгэх чадвартай болно.

Мэргэжсэн Англи хэлний сургалтыг Австрали даяар орших 200 гаруй сургалтын тєвvvд санал болгож байна. Эдгээр тєвvvд орчин vеийн тоног тєхєєрємжєєр тоноглогдсон, дээд боловсролтой багш нараар хангагдасан, видео, ном, сургалтын материалын арвин сантай, ихэнх нь компьютер ашигласан сургалтын програмтай байдаг. Сургалтын тєвvvд нь эхлэн суралцагчаас эхлээд тєгс эзэмших хvртэл тvвшинд сургалтыг зохион явуулдаг.

Элсэлтийн шаардлага
Entry Requirement
Оюутан нь Австралид суралцахын тулд зохих хэмжээний Англи хэлний мэдлэг болон боловсролын тvвшинтэй байх хэрэгтэй. Сургалтын тєвvvд оюутны суралцах курсад тохирох урьдчилан бэлтгэсэн шалгалтаар оюутаны тvвшинг тогтоодог. Vvгээрээ таны Австралид болон эх орондоо эзэмшсэн боловсролын тvвшинг тодорхойлдог.

Англи хэлний тvвшин
Англи хэлний тєвшин нь оюутны визийг авахад тавигдах vндсэн шалгуур болсон. IELTS нь оюутаны виз олгоход Австралийн Цагаачлалын Яамны хvлээн зєвшєєрєх тест юм. Сургалтын тєвvvд IELTS-ийн оноог санал болгодог бєгєєд vvн дээр vндэслэн оюутны виз авахад шаардагдах оноог тодорхойлдог. Хэрэв шаардлагатай Англи хэлний курс суралцах хугацааг тодорхойлдог.

Боловсролын тvвшин
Бакалаврын курс суралцахад Австралын Дунд Сургуулын Боловсролын Сертификат (12-р анги тєгссєн) эсвэл Австралийн дунд сургуулийн програмтай дvйцэхvйц сургууль тєгссєн гэрчилгээ хэрэгтэй. Зарим курст элсэхийн тулд заавал сурсан байх шаардалгатай хичээл байж магадгvй.

Мастер ба докторын сургалтанд урьд тvвшингийн сургалтыг амжилттай суралцсан байх хэрэгтэй. Мєн эрдэм шинжилгээний ажил хийх чадвар, ажлын туршлага зэрэг vзvvлэлт хэрэгтэй болож магадгvй.

Тусгай мэргэжилийн сургалтанд албан ёсны шалгалт байхгvй. Гэвч курсээс ажлын туршлага болон бусад шаардлага тавиж магадгvй.

Дунд сургуулийн элсэлтийн шаардлага нь Австралийн єнцєг булан бvрт харилцан адилгvй байна. Сурагчийн ємнєх сургалтын явц, дvн зэрэг сонголтонд нєлєєлєх талтай. Зарим сургууль боловсрол болон спортын амжилт зэргийг голчлон харгалзаж магадгvй. Гэвч дунд сургуулийн элсэлт нь сургуулийн байрны багтаамжаас шалтгаалан хязгаарлалтай байна.

Хэрэв элсэлтийн шаардлага хангахvй бол яах вэ?
Хэрэв Англи хэлний тvвшин шаардлага хангахгvй бол Англи хэлний эрчимт курст суралцаж болно. Австралийн бvх их дээд сургуулиуд єєрсдийн Англи хэлний тєвтэй байдаг.

Таны элсэн орох гэж байгаа сургалтанд таны боловсролын тvвшин хангалтгvй бол дахин сурах боломж vргэлж бий. Австралийн дунд сургуулийг дvvргэхээс эхлээд Foundation болон Bridging гэх мэт сургалтанд хамрагдаж шаардагдах хичээлийг нєхєн сурч болно.

Суралцах єртєг
Study costs
Австралид суралцах нь Америк ба Англи улсад суралцахтай харьцуулбал суралцах ба амьжиргааны зардал нь илvv хямдхан тусдаг.

Сургалтын зардал нь сургалтын тєв ба курсээс хамааран янз бvр байдаг бєгєєд манай вэб хуудсанд бvртгvvлснээр илvv тодорхой мэдээлэл хvлээн авах болно. Сургалтын тэтгэлэг буюу scholarship нь маш єрсєлдєєнтэй байдаг ба ихэнх гадаадын оюутнууд зардлаа тєлєн суралцдаг.

Австралид суралцаж буй оюутан нь долоо хоногт дунджаар 320AU$ ийг байр, хоол, унаа, хувцас ба бусад арга хэмжээнд зарцуулдаг байна. Дунд сургуулийн оюутнууд vvнээс арай бага буюу 265AU$ зарцуулдаг байна. Энэхvv тооцоо нь амьдрах хотын байрлал ба хувь хvний амьдралын хэв маягаас хамааран єєрчлєгдєхийг анхаарна уу.

Австралид суралцаж буй оюутан нь оюутны визтэй суралцаж буй хугацаандаа Гадаадын Оюутны Эрvvл Мэндийн Даатгалд (Overseas Student Health Cover – OSHC ) заавал хамрагдах ёстой. Харин эд хєрєнгийн болон гэнэтийн ослын даатгалыг оюутан єєрсдєє зохиуцуулах болно. Мєн аян замд гарч болошгvй билетээ хаях, ачаагаа алдах гэх мэтэд даатгах аяны даатгал хамрагдах нь зєв байж магадгvй.

Австралид суралцаж буй гадаадын оюутнууд ажил хийх эрхтэй боловч олж байгаа мєнгє нь амьдрах эрх vvсвэр болж чадахгvй. Оюутны виз авах нэг vндсэн нєхцєл нь суралцах хугацаанд хvрэлцэх хангалттай санхvvгийн эх vvсвэртэй байх юм.

Сургалтын тэтгэлэг
Scholarships
Австралийн засгийн газар ба сургалтын тєвvvдээс гадаадын оюутнуудад олгодог сургалтын тэтгэлэг (scholarship) нь ихэвчлэн их дээд сургуулийн мастер ба докторын зэргийн курст суралцагчдад тодорхой чиглэл заан олгохоор байдаг. Vvнээс гадна хувийн болон олон нийтийн зарим байгууллагууд тодорхой нєхцєлтэйгээр сургалтын тэтгэлэг олгодог.

Дээр хэлсэнчлэн ихэнх гадаадын оюутнууд сургалтын тєлбєрєє бvрэн тєлєж суралцдаг. Цєєхєн тооны сургалтын тэтгэлгийн єрсєлдєєн маш єндєр байдаг. Англи хэл суралцагсдад харин сургалтын тэтгэлэг олгодоггvй.

Австралийн Олон Улсын Хєгжлийн Агентлаг (AusAID) нь Ази Номхон Далайн орны оюутнуудыг Австралийн их дээд сургуульд сурган тэдний эх орны хєгжилд нэмэр болох зорилготой.

Австралын их дээд сургуулиудын сургалтын тэтгэлэг нь эрдэм шинжилгээний ажил хийх сонирхолтой Мастер ба Докторын тvвшний оюутнуудад ихэвчлэн олгогдог. Сургалтын зардал ба санхvvгийн тусламжийн хэмжээг тухайн их сургууль тогтоодог.

Сурахын хажуугаар ажиллах нь
Working while you study in Australia
Австралид суралцаж буй гадаадын оюутан нь ажиллах эрх хvсэн єргєдєл гаргаж болно. Хэрэв ажиллах эрх олгогдсон vед хичээлийн vеэр долоо хоногт 20 хvртэл энгийн (casual) цагаар болон сургуулийн амралтын vеэр бvтэн цагаар ажиллах эрхтэй. Харин Мастер ба Докторын курст суралцахаар 574 дэд ангилалын виз авах оюутнуудад ажиллах хязгаар тавидаггvй. Гэрийн бvлийн бусад гишvvдэд долоо хоногт 20 цагийн ажиллах зєвшєєрєл єгдєг.

Ажиллах зєвшєєрлийг Австралид хvрэлцэн ирээд сургалтаа эхлэсний дараа єргєдєл гарган хvсэж болдог.

Австралид ажил хийж олсон мєнгєєрєє сургалтын болон амьжиргааны зардлаа нєхєхєєр тооцох хэрэггvй. Ихэнх оюутнууд єєрсдийн суралцаж буй чиглэлтэй ойролцоо ажил хийдэг. Зарим сургалтын тєвєєс ажил хайх vйлчилгээ vзvvлдэг. Австралид ажил хийх гэж буй хvмvvс Австралийн Татварын Дугаар (Australian Tax Number ) -тай байх ёстой.
***************************************************
More: Australia by Amarbayar
Мongolians-about-Аustralia | Аustralia-wide-Мongolians

From: www.mongolnews.mn
Өнөөдөр » Боловсрол

Австралид сурах алтан боломжийг ашиглацгаая
Б.БАТДОРЖ (2006-05-12)

Австралийн сургуулиудын албан ёсны төлөөлөгч Г.Амарбаяртай уулзаж товч ярилцлаа.

-Гадаадын их, дээд сургуульд зуучилдаг танай байгууллагын сайтыг vзээд зарим нэг зvйлийг тодруулах гэсэн юм. Танай веб хуудас бусдаас илvv сонирхлыг минь татлаа л даа.
-Нөхөр бид хоёр 1997 онд Австралид сургуульд сурахаар шийдээд энэ талаар мэдээлэл хайхад их амаргvй байсан. Энэ туршлагаасаа анх санаа авсан л даа. Бидний хувьд Австралид амьдарсан эхний 3-4 жил маш хvнд байсан. Одоо эргээд харахад очсон орныхоо талаарх мэдлэг нимгэн, ямар ч туршлагагvй байсантай холбоотой байсан юм билээ. Хэрэв бид хоёр тэр vед одоогийнх шиг мэдээлэлтэй байсан бол цаг их хэмнэх байж дээ гэж бодогддог юм.

Тэгээд Австралид суралцахсан гэж бодож мөрөөдөж байгаа залуустай туршлага, мэдлэгээ хуваалцах, тэднийг бид нар шиг мэдээлэл муутай, очоод алтан цаг, мөнгөө vрэх вий гэхдээ энэхvv веб хуудсыг анх санаачилсан юм. Тvvнээс хойш дөрвөн жил өнгөрчээ. Энэ хугацаанд олон оюутан, залууст тусалсандаа бид баяртай явдаг юм.

-Австрали улсын талаар монголчууд тийм ч сайн мэддэггvй. Тэгэхээр энэ улсын талаар бага зэрэг танилцуулахгvй юу?

-Австралийн талаар би анх арван жилийн сурагч байхдаа газар зvйн хичээлээр vзэж байсан. Харин одоо бол энэ улсад амьдарч байгаа болохоор илvv их мэдлэгтэй болж байна. Австрали бол Ази тивтэй хамгийн ойр байдаг, англи маягийн амьдрал голлосон, Европын цагаачдаас бvрдсэн улс. 20 гаруй сая хvн амтай, эдийн засгийн хувьд дэлхийд дээгvvр орох хөгжингvй орон. Монголтой нэгэн адил өнгөт төмөрлөг, нvvрс, хөдөө аж ахуйн тvvхий эдээр Азийн бар улсуудтай арилжаа хийдэг.

-Австралид сургуульд суралцах нь Америк, Англи зэрэг улстай харьцуулбал өртөг багатай байдаг гэсэн. Энэ vнэн vv?

-Энэ талаар олон юм ярьж болно. Харьцангуй хямд өртгөөр Америк, Англи улсынхтай ижил хэмжээний боловсрол эзэмших бололцоотой. Бас Австрали орон зохих боловсролтой хvмvvст байнгын оршин суух боломж олгодогоороо ихээхэн давуу талтай. Өөрөөр хэлбэл, Америкийн ногоон карттай адил гэсэн vг л дээ. Хоёр жилийн мастерын сургалтын дараа уг болзолд хамрагдах боломжтой болдог. Энэ нь монголчуудад хамгийн боломжийн сонголт юм.

Австралид байнгын оршин суугчдаа эрvvл мэндийн даатгал, хvvхдийн тэтгэмж гэх зэрэг нийгмийн халамжиндаа шууд хамруулдаг. Тиймээс гэр бvлээрээ суралцахаар очвол бvр их боломж нээгдэнэ. Нэг нь суралцахын зэрэгцээ цагаар, нөгөө нь цаг харгалзахгvйгээр ажиллах боломжтой. Тэгээд мастерын сургалтаа амжилттай дуусгачихвал байнгын оршин суугчийн виз авах хvсэлт гаргаж болно.

-Австралид сурахын зэрэгцээ ажиллах боломжтой байдаг юм байна. Цалин хөлс нь ямархуу байдаг вэ?
-Хамгийн гол нь хуулийн дагуу сурч, амьдрах боломжтой гэдгийг зориуд энд дурдмаар байна. Хууль бусаар ажиллахыг бид зөвлөхгvй. Тэртэй тэргvй хууль ёсоор ажиллах боломжтой байхад өөр зvйл хайх хэрэггvй л дээ. Австралийн оюутны виз нь долоо хоногт 20 цаг ажиллах эрхтэй байдаг юм.

Тиймээс байр, хоолны зардалд нэмэр болохуйц хэмжээний мөнгө олоод байх боломжтой. Харин хэдэн долларын цалин авах нь тухайн хvний хийж байгаа ажлаас хамаарч өөр өөр байдаг. Оюутны гэр бvлийн хvн нь цаг харгалзахгvйгээр ажиллаж болох бөгөөд зарим нөхцөлд тэдний хvvхдvvдийг vнэ төлбөргvй сургах боломжийг бас олгодог.

-Австралийн их, дээд сургуулиудад суралцахад хамгийн гол шалгуур нь юу вэ?

-Нэгдvгээрт англи хэлний зохих мэдлэгтэй, тvvнийгээ IELTS-ийн шалгалтаар баталгаажуулсан байх ёстой. Учир нь их, дээд сургуульд суралцахаар оюутны виз хvсэгчдийг заавал IELTS-ийн оноотой байхыг шаарддаг. Хэрэв таны авсан оноо сонирхсон сургуульд тань тэнцэхгvй бол англи хэлний нэмэлт хичээлд сууж болно. Дараа нь таны суралцаж төгссөн сургуулийн кредит нь хангалттай байх хэрэгтэй.

Зарим нөхцөлд Монголын баклаврын зэрэглэл нь шууд мастерт ороход тэнцэхгvй байх нь бий. Энэ тохиолдолд нэмэлт бэлтгэл дамжаанд суух хэрэгтэй болдог. Суралцахыг хvссэн оюутан эсвэл санхvvгийн дэмжигч нь тухайн оюутны нэг жилийн зардлын мөнгийг найдвартай хангах баталгаа гаргаж өгөх шаардлагатай. Оюутны визийн нэг чухал нөхцөл нь дээрх хэмжээний мөнгийг банкинд дор хаяж гурван сар хадгалж баталгаажуулсан байхыг шаарддаг.

-Ямар төрлийн сургалтуудад хамрагдаж болох вэ?
-Дээд сургууль төгссөн хvн мэргэжлээрээ мастерын сургалтанд элсэх боломжтой. Арван жилийн сургууль төгссөн оюутнууд баклаварт сурахын тулд бэлтгэл дамжаанд явах шаардлагатай болдог. Харин англи хэлний болон бизнесийн сургуульд нас харгалзахгvй суралцаж болно.

-Сургуулийн сурагчдыг зуны сургалтанд хамруулах боломж бий гэсэн байх аа?
-Энэ бол хvvхэд залуучуудыг зуны амралтаа vр бvтээлтэй өнгөрvvлэхэд зориулагдсан хөтөлбөр юм. Сидней хоттой танилцуулах, англи хэлний мэдлэгийг нь дээшлvvлэх, Австрали айлын амьдралын хэв маягаас нь суралцуулах зорилготой хоёр долоо хоногийн аялал зохион байгуулах гэж байгаа. Мөн 1-3 сарын хугацаатай богино хэмжээний эрчимжvvлсэн хичээлд хамрагдаж болно.

Эцэст нь дурдахад, бид зөвлөгөө өгч, зуучлахдаа ямар нэг vнэ хөлс авдаггvй. Австралид хэрхэн сурч, ажиллах талаарх бvхий л мэдээллийг авахыг хvсвэл mon2aus.com веб сайтад хандаарай. Эсвэл Сvхбаатарын талбайн баруун талд МҮЭ-дийн холбооны 202 тоотод биеэр очиж уулзаж болно.

More:

Монголчуудад зориулсан Австралийн талаарх үнэн бодит мэдээлэлүүд

Австралид: Мongolians-about-Аustralia, Монголчууд: Аustralia-wide-Мongolians

***************************************************

Монгол Улсын Засгийн газрын тэтгэлэгт хөтөлбөрт хамруулах гадаадын шилдэг их сургуулийн нэрсийн жагсаалт

More: Австралийн Их Сургуулиуд Дэлхийн Шилдэг 500-д

Монгол Улсын Засгийн газраас зөвшөөрсөн дэлхийн 500 шилдэг сургуулиудын тоонд Австралийн дараах 13 их сургууль багтсан байна.
Other sources: Australian Top Universities / World Top Uni

53 Australian Natl Univ – Australian National University
82 Univ Melbourne University of Melbourne
101-152 Univ Queensland University of Queensland
101-152 Univ Sydney University of Sydney
153-201 Univ New South Wales University of New South Wales
153-201 Univ Western Australia University of Western Australia
202-301 Monash Univ Monash University
202-301 Univ Adelaide University of Adelaide
302-403 Macquarie Univ Macquarie University
302-403 Univ Newcastle University of Newcastle
302-403 Univ Tasmania University of Tasmania
404-502 Flinders Univ South Australia Flinders University
404-502 La Trobe Univ
La Trobe University

********************

Related: Оюутны Визний Мэдээлэл
Mongol oyutnuudad handsan Urialga – Attention-mn-students!

Advertisements

11 Responses to “Монгол Оюутнууд Австралийн их сургуулиудын талаар”

  1. hi Says:

    uuchlaarai Г.Амарбаяр gedeg hunii baiguulgiig haanaas oloh ve?

  2. hi-d Says:

    buten unshij surah heregtei huuhed baina daa.

    Эцэст нь дурдахад, бид зөвлөгөө өгч, зуучлахдаа ямар нэг vнэ хөлс авдаггvй. Австралид хэрхэн сурч, ажиллах талаарх бvхий л мэдээллийг авахыг хvсвэл mon2aus.com веб сайтад хандаарай. Эсвэл Сvхбаатарын талбайн баруун талд МҮЭ-дийн холбооны 202 тоотод биеэр очиж уулзаж болно.

    gej baina shuu dee. http://www.mon2aus.com sh dee

  3. tungaa Says:

    Hello. Bi Australia-d angli helnii orchuulagchiin chigleleer surah gesen ym l daa. Bi TOEFL ogch baigaagui. Advanced level-s ehlen suraltsah gesen ym. Chanartai, tolbor bagatai surgalttai gazar olohod mini tuslaach. Please
    my mail address is tungaa_sunny@yahoo.com.au

  4. gegeen Says:

    Chanartai ni 370aud per week bn.
    http://gegeen.wordpress.com/2007/08/13/best-english-courses/

    Tolbor bagatai ni 140aud per week bn.
    http://gegeen.wordpress.com/2007/08/08/affordable-studies/
    http://gegeen.wordpress.com/2008/02/14/cheapest-au-education/

    talhnii mongoor byaluu avna gej baihgui baihaa, hehe. songoltoo ooroo l hii dee

  5. khaliunaa Says:

    sain bn uu, bi australia d surahiig huseed nileedgui hugatsaa ongorloo, ene jil togsoh angi tgd australi d surah gsiima. tiim ch tolgoitoi gaval huuhed bish uchraas tetgelgeer yvj u gj boddog blaa, aav eej maani gadaadad suraltsuulah bel benchin bgui uchraas tetgelegt tetsehgyi gj boddog bv, gexdee bi ooriigoo tentsnee gdgt 1 oguullegiig unshnaas hoish itedeg bolsiim ,
    tetgelegt hamragdaad baklavr t suraltsaj boloh uu. zaaval avstraliin tetgeleg bh albagui bzd, end angli helnii kurst suugaad ubeheer hicheevel bolno bzd, ochood sur daa surangaa davhar kurst suuj, hamgiin gol n bakalvr jooxn nuguu 2 oosoo uchir dutagdaltai um shgee bas orgodloo shuudangaar yvuulna bzd.

  6. gegeen Says:

    ter oguulleggee bidentei huvaaltsaach pls. hamagmongol -n suvdmaagiin tuuh yum u. bacheloroor orsoldoon ih gegddeg, gehdee bolomj bol baidag baih, yalanguya usa ter tal deeree orgon bolomj sanal bolgoj magadgui. zaaval aust gesen yum baihguishdee.

    yer ni bol ohid hovguud angli helee mash sain uzdeg bolson bn lee, golduu l tetgeleg sonirhdog huuhduud sorosiin nomiin san haviar ergeldej baigaa, tedentei sain naizal. scholarshiptei bol ajil baga hiij, hicheeldee iluu anhaarch boloh baihaa. tetgelegnii orgodliig shuudangaar, emaileer yanz bureer l yavuuldag daa. tetgeleg bur ooriin gesen shalguurtai shuu dee. english-dee sain baih heregtei baih.

    chamd amjilt husye!

  7. indra Says:

    hi sain baitsgaan yy? zaluuchuudad tustai iim goe site ajilluuldagt ta nart mash ih bayarlajbn. bi odoo 23tai.fashion designeriin chigleleer aus t syrah sanaatai bn. saya anh udaa ielts ugch uzsen 5.5 onoo avsan odoo daraagiihad dahij ugch onogoo ahiulay gej bodj bgaa. fashion chigleleer tend yamar syrgyyli hamgiin dajgui talaar ta nart medeelel baival zuvluhgui yu. tgd bas zaaval 4jil syrah yy tuunees baga hugatsaatai bdg bolvuu

  8. nswmongols Says:

    hoo, chamd bayar hurgeye. lag yum baishd. chi ugaasaa urtaashaa 39-hon surguuli baidag, webuudeer ni orood sanal bolgoj baigaa programuudiig ni harj bolno shuu dee.

    bachelort 3 jil l surdag. naana ni college or foundation school-r 2 jil yavj baigaad diplomtoi togsood, urgeljluulj 2 jil suraad bachelor bolgoj boldog.

    http://groups.yahoo.com/group/mglaus/message/390
    IELTS-5.5 -tai Australia-g sonirhogchiin bolomj

    Australia-g sonirhogch IELTS 5.5 onootoi huuhduud college-d helnii course-guigeer shuud irj boldog.

    tolbor ni semesteriin 1800-2300aud (1aud = 0.65usd). ajil hiij chaddag hun bol end jildee surahiin hajuugaar Part time-r ajillahad 20 myangan dollar olno. (Full time-r ajillahad jiliin 40-50 myangan dollar ni yerdiin orlogo baidag)

    hyamd gazruud:
    Studying for 1800-2200aud – Per semester (6 months)
    http://www.oxford-college.com.au/
    http://www.centralcollege.edu.au
    http://www.bridgebc.com.au

    http://www.ssbt.nsw.edu.au/

    Edgeert 2 jil suraad togsvol Uni-d bacheloroor urgeljluulj 2 jil suraad bachelor degree avch bolno. Tolbor ni University-s 3 dahin hyamd.
    —————————-

    Uni-d bas shuud bacheloroor irj bolno. Uunii tuld IELTS 5.0-toi hun 3-6 sariin helnii course-d nemj suuj magadgui.

    Ih surguulid bacheloroor surahad IELTS 5.5-6.0 -g golduu shaarddag tul IELTS 5.0 + 3-6 sar ELICOS + bachelor of 3 years gej irj bolohnee.

    Uni-giin huvid tolbor ni semesteriin 6500aud hamgiin hyamddaa baigaa daa.

    Helnii course-uudiin huvid hyamd ni sariin 500$, dundaj sariin 1000$, shildeg ni 1300$.

    Oyutnii visa, australia-n bolovsroliin talaar edgeereer orj haraarai;
    http://gegeen.wordpress.com/visa/
    http://gegeen.wordpress.com/qa/

    Australia-g sonirhogch huuhduuded forward hiigeerei,

    cheers

  9. Uyanga Says:

    sain baitsgaana u? ta buhend iim hund heregtei zuil bichej zuvulguu uguj baigaad chin mash ih bayrlaa. Bi ene jil 10n jilee tugschuud gadaadad yalanguya Australia-d suraltsah ih sonirholtoi baigaa yum aa. Ta buhen nadaa BUSINESS MANAGEMENT-n surgaltaaraa hamgiin sain Australi bolon delhiid terguulegch surguuliudiig sanal bolgooch. Bayrlalaa.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: