gegeen com » — Tips/Experiences http://nswmongols.wordpress.com lok Tue, 28 Jul 2009 01:17:08 +0000 http://wordpress.com/ en hourly 1 http://www.gravatar.com/blavatar/8b3bb86969149087467de29d4d11c4a4?s=96&d=http://s.wordpress.com/i/buttonw-com.png gegeen com » — Tips/Experiences http://nswmongols.wordpress.com Австрали Монголын харилцаа өргөжин тэлсээр http://nswmongols.wordpress.com/2008/11/21/australia-mongolia-cooperation-expanding/ http://nswmongols.wordpress.com/2008/11/21/australia-mongolia-cooperation-expanding/#comments Fri, 21 Nov 2008 10:25:56 +0000 TSBT_MN http://gegeen.wordpress.com/?p=2728 ]]>

Бусад эх сурвалжууд: http://www.tsahimurtuu.mn
http://www.tsahimurtuu.mn/main/200811201491.htm

Бэлтгэсэн Б.Булганмаа.  (gegeen@yahoo.com) Австралиас

Австрали Монголын Харилцааны талаарх тэмдэглэлүүд, Элчингийн мэдэгдэл, 2 талын уулзалт, арга хэмжээнүүдийн тоймоос түүвэрлэн бэлтгэлээ.

Mонгол Улс Австрали Улстай 1972 оны 9 дvгээр сарын 15-нд дипломат харилцаа тогтоосноос хойш 36 жилийн туршид хоёр орны харилцаа, хамтын ажиллагаа єргєжин тэлж, сүүлийн 10 гаруй жилд уул уурхай, боловсрол, хөдөө аж ахуйн салбаруудад хийсэн хамтын ажиллагаанууд  нь амжилттай явагдан, цаашид хөгжүүлэх олон сайхан боломж байгааг  олж харсанаар хоёр талын хооронд дээд, өндөр хэмжээний айлчлалууд тогтмолжиж, яриа хэлэлцээр илүү тодорхой санал, төслүүдэд чиглэгдэн хийгдэх болсон байна.  Саяхан болж өнгөрсөн нэгэн тэмдэглэлт явдал нь Монголын элчин сайдын Яам Австрали улсад нээгдэж тус улсад суух Монгол улсын элчин сайд итгэмжлэгдэх жуух бичгээ Австралийн талд өргөн барьсан явдал байлаа.

————————-

Австрали Монголын харилцаа өргөжин тэлсээр

Пүрэв, 11/20/2008 – 18:22 | Бэлтгэсэн Б.Булганмаа.  (gegeen@yahoo.com)   Австралиас

Австрали Монголын Харилцааны талаарх тэмдэглэлүүд, Элчингийн мэдэгдэл, 2 талын уулзалт, арга хэмжээнүүдийн тоймоос түүвэрлэн бэлтгэлээ. (Australia Mongolia Cooperation Expanding)

Монгол Улс Австрали Улстай 1972 оны 9 дvгээр сарын 15-нд дипломат харилцаа тогтоосноос хойш 36 жилийн туршид хоёр орны харилцаа, хамтын ажиллагаа  єргєжин тэлж, сүүлийн 10 гаруй жилд уул уурхай, боловсрол, хөдөө аж ахуйн салбаруудад хийсэн хамтын ажиллагаанууд  нь амжилттай явагдан, цаашид хөгжүүлэх олон сайхан боломж байгааг  олж харсанаар хоёр талын хооронд дээд, өндөр хэмжээний айлчлалууд тогтмолжиж, яриа хэлэлцээр илүү тодорхой санал, төслүүдэд чиглэгдэн хийгдэх болсон байна.

2005 онд НҮБ-ын Ерөнхий Ассамблейн 60 дугаар чуулганы үеэр Нью-Йорк хотноо Монгол Улсын Ерөнхийлөгч Н.Энхбаяр Австралийн тэр үеийн Ерөнхий сайд Жон Ховардтай /2007 онд Ноён Кевин Радд сонгогдсон/ уулзах үед  тэрээр  Монголд өрнөсөн ардчиллыг Австрали Улс анхнаас нь дэмжиж ирсэнийг цохон тэмдэглээд Монголын эдийн засгийн хөгжилд Австрали улс  хувь нэмрээ оруулах, хамтран ажиллах хүсэлтэй байдгаа илэрхийлж, түүний хариуд  Ерөнхийлөгч Н.Энхбаяр хоёр орны хооронд өндөр, дээд хэмжээний уулзалтын давтамжийг хадгалах, сургалтын тэтгэлэгт хөтөлбөрийг өргөжүүлэхийг санал болгосон ажээ.

Монгол Улсын стратегийн Тавантолгой, Оюутолгой болон бусад ордуудад хөрөнгө оруулах сонирхолоо илэрхийлж байсан Рио Тинто, Би-Эйч-Пи Биллитон зэрэг Австралийн дэлхийд тэргүүлдэг уул уурхайн томоохон компаниудын ашиг сонирхолоос гадна манай улсын ирээдүй хойчболсон оюутан залуусын хувьд боловсрол, шинжлэх ухааны салбартаа дэлхийн хэмжээнд хүлээн зөвшөөрөгдөхүйц өндөр боловсрол эзэмшин, оюуны хөрөнгө оруулалт хийхийн чухлыг онцлон чухалчилж байгаагаа Австралийн тал энэ онд дахин илэрхийлсэн байна.

2008 оны 9 сарын 3-нд Монгол Улсын Ерөнхийлөгч Н.Энхбаярт Австрали Улсаас Монгол Улсад суух Онц бөгөөд Бүрэн эрхт Элчин сайд Петер Роуве (Tэрээр Өмнөд Солонгос улсад байршилтайгаар үйл ажиллагаагаа явуулдаг бөгөөд Монголын хэргийг давхар хариуцан ажилладаг)  итгэмжлэх жуух бичгээ барих үед Ерөнхийлөгч Н.Энхбаяр:

“Таныг Элчин сайдаар ажиллах хугацаанд манай хоёр орны харилцаа хамтын ажиллагаа улам бүр өргөжин, хөгжинө гэж найдаж байна. Австрали улс манайхаас оюутан сургадагт баяртай байдаг. Эдийн засгийн хамтын ажиллагаа хоёр талын харилцааны чухал хэсэг. Үүн дотор уул уурхайн салбар ихээхэн чухал. Мөн дэлхийн цаг уурын дулаарлын талаар санаачилсан Зүүн хойд Азийн дээд хэмжээний уулзалтыг маань манай хөрш орнуудын Төрийн тэргүүнүүд дэмжиж байгаагаа илэрхийлсэн. Ирэх жил болох энэхүү дээд хэмжээний уулзалтад Автсрали Улс оролцвол баяртай байна” хэмээн өгүүлжээ.

Элчин сайд П.Роуве: “Элчин сайдаар томилогдон хоёр дахь удаагаа Монголд ирж байгаадаа баяртай байна. Цаг уурын өөрчлөлтийн асуудал эдийн засгийн хувьд ч, стратегийн хувьд ч чухал ач холбогдолтой. Австрали улс цаг уурын өөрчлөлт, байгаль орчны асуудалд онцгой анхаарал тавьдаг” гээд энэ талаар бүс нутгийн дээд хэмжээний уулзалт санаачилсанд Монгол Улсын Төрийн тэргүүнд талархал илэрхийлсэн байна.

Хоёр орны харилцаанд шинэ хуудас нээсэн хамгийн сүүлийн нэгэн үйл явдал нь Монгол улсын Засгийн газар хоёр орны харилцаа, хамтын ажиллагаанд өндөр ач холбогдол өгч байгаагийн илэрхийлэл болгож  Монгол Улсаас Австрали Улсад ажиллах  Элчин сайдын яамаа 2008 оны 8 дугаар сарын 25-ны єдрєєс Канберра хотноо албан ёсоор нээсэн явдал юм.

Монгол Улсаас Австрали Улсад суух Онц бөгөөд бүрэн эрхт элчин сайд Ц.Жамбалдорж 2008 оны 10 дугаар сарын 30-ны өдөр Австрали Улсын Амбан захирагч хатагтай Квентин Брайст Итгэмжлэх жуух бичгээ барьж эдийн засаг, худалдааны хамтын ажиллагааг өргөжүүлэх, австралийн хөрөнгө оруулалтыг уул уурхай, хөдөө аж ахуйн салбарт түлхүү оруулах сонирхолтой байгаагаа илэрхийлсэн байна. Уг өдрийн хүлээн авалтанд Австрали дахь Монголын Өргөмжит консул Петр Слоун, гэргийн хамт, мөн Монгол улсын засгийн газрын биет төлөөлөгчид болон Австрали Монголын хамтын харилцаанд нөлөө бүхий бусад хүмүүс мөн уригдан оролцжээ. Шинэ элчин сайд Ц.Жамбалдорж нь урьд нь Вашингтон, Лондонд ажиллаж байсан олон жилийн туршлагатай хүн бөгөөд хоёр орны хамтын харилцаанд чухал нөлөө үзүүлнэ хэмээн найдаж байна.

Австрали улс дахь Монгол улсын элчин сайдын яамны бие бүрэлдэхүүн ба бусад зочид

Түүнчлэн Австрали улс Монголд Элчин сайдын яамаа нээх санал тавьж, 7 га газар хүссэн тухай 2008 оны 10 сарын 24-нд олон нийтийн хэвлэл мэдээллийн хэрэгслээр зарласан байна. Монголоос Австралийн визний өргөдөл гаргагчидын ихэнх төрлийн визний мэдүүлгийг Бээжин дэх Австралийн элчин хариуцсан хэвээрээ байгаа бөгөөд хэрэв Австрали улс Монголд ЭСЯ-аа нээвэл Австралийн виз авах процесс хурдасч, виз хөөцөлдөхтэй холбоотой хүндрэлүүд багасах сайн талтай ч визний материал бүрдүүлэлтийг нарийвчлан шалгахад улам амархан болж болох юм.

Австрали дахь Монголчуудын mglaus Сүлжээ
http://www.mglaus.com
mglaus@yahoogroups.com

Мэдээллийн эх сурвалжууд:

(ajillahgui) news.mn – http://www.news.mn/news/section=news/page=show/content=news/id=28108
(huulj avch uldsen ni) http://mglaus.com/2008/11/04/mongolian-ambassador-tsjambaldorj-in-australia/
http://www.olloo.mn/modules.php?name=News&file=article&sid=1140051
http://www.olloo.mn/modules.php?name=News&file=article&sid=1134039
http://news.gogo.mn/r/40849
http://mglaus.com/2008/08/28/embassy-news/

]]> http://nswmongols.wordpress.com/2008/11/21/australia-mongolia-cooperation-expanding/feed/ 0 TSBT_MN Tax and Superannuation http://nswmongols.wordpress.com/2008/08/22/tax-and-superannuation/ http://nswmongols.wordpress.com/2008/08/22/tax-and-superannuation/#comments Fri, 22 Aug 2008 00:30:23 +0000 TSBT_MN http://gegeen.wordpress.com/?p=1109 ]]>

From: http://batkhuu-law.blogspot.com/2008/07/blog-post_20.html

Гадаадад түр болон удаан хугацаагаар оршин суух, ажил хөдөлмөр эрхэлдэг иргэдийн олширсоноор олон улсын татвар, тэтгэвэр, тэтгэмжийн байгууллагуудтай харьцдаг болсон учир Нийгмийн халамжийн захиргаа нийгмийн халамжийн татварын давхардлыг арилгах, тэтгэвэр тэтгэмжийн баазийг өргөжүүлэх зорилгын үүднээс бусад оронтой Totalization Agreements гэдэг хэлэлцээрийг байгуулдаг.

АНУ дурдсан хэлэлцээрийг Итал /1991.12.19/, ХБНГУ /1979.12.1/, Швейцарийн Холбооны Улс /1980.11.1/, Бельгийн Вант Улс /1984.7.1/, Норвегийн Вант Улс /1984.7.1/, Канад / 1984.8.1/, Их Британи, Умард Ирландын Нэгдсэн Вант Улс /1985.1.1/, Шведийн Вант Улс /1987.1.1/, Испан /1988.4.1/, Франц /1988.7.1/, Португали / 1989.8.1/, Нидерландын Вант Улс /1990.11.1/, Австри /1991.11.1/, Финлянд /1992.11.1/, Ирланд /1993.9.1/, Люксембургийн Вант Улс /1993.11.1/, Грек / 1994.9.1/, БНСУ /2001.4.1/, Чили /2001.21.1/, Австрали /2002.10.1/, Япон /2005.10.1/ -тай байгуулсан байна.

Тэгэхээр Монгол улсын Нийгмийн даатгалын ерөнхий газар дээрх хэлэлцээрийг судалж, өөрийн талын төслийг санал болгох замаар яриа хэлэлцээ явуулвал хоёр талын сонирхол нэгдсэн байдлаар тохиролцоонд хүрнэ гэж найдаж байна. Энэ талын мэдээллийг үзэж болох хэдэн вэб хуудсыг дор дурдая.

- Social Security Administration http:// http://www.ssa.gov/
- US Government Accountability Office, Social Security Reform: http://www.gao.gov/cgi-bin/getrpt?GAO-05-193SP)
- Congress Budget Office: Social Security Primer (http://www.cbo.gov/showdoc.cfm?index=3213&sequence=2)

Posted by O.Batkhuu at 1:04 AM

]]> http://nswmongols.wordpress.com/2008/08/22/tax-and-superannuation/feed/ 0 TSBT_MN Australia by Amarbayar http://nswmongols.wordpress.com/2008/08/21/australia-by-amarbayar/ http://nswmongols.wordpress.com/2008/08/21/australia-by-amarbayar/#comments Thu, 21 Aug 2008 01:52:05 +0000 TSBT_MN http://gegeen.wordpress.com/?p=1055 ]]>

Мongolians-about-Аustralia | Аustralia-wide-Мongolians

From: www.mongolnews.mn
Өнөөдөр » Боловсрол

Австралид сурах алтан боломжийг ашиглацгаая
Б.БАТДОРЖ (2006-05-12)

Австралийн сургуулиудын албан ёсны төлөөлөгч Г.Амарбаяртай уулзаж товч ярилцлаа.

-Гадаадын их, дээд сургуульд зуучилдаг танай байгууллагын сайтыг vзээд зарим нэг зvйлийг тодруулах гэсэн юм. Танай веб хуудас бусдаас илvv сонирхлыг минь татлаа л даа.
-Нөхөр бид хоёр 1997 онд Австралид сургуульд сурахаар шийдээд энэ талаар мэдээлэл хайхад их амаргvй байсан. Энэ туршлагаасаа анх санаа авсан л даа. Бидний хувьд Австралид амьдарсан эхний 3-4 жил маш хvнд байсан. Одоо эргээд харахад очсон орныхоо талаарх мэдлэг нимгэн, ямар ч туршлагагvй байсантай холбоотой байсан юм билээ. Хэрэв бид хоёр тэр vед одоогийнх шиг мэдээлэлтэй байсан бол цаг их хэмнэх байж дээ гэж бодогддог юм.

Тэгээд Австралид суралцахсан гэж бодож мөрөөдөж байгаа залуустай туршлага, мэдлэгээ хуваалцах, тэднийг бид нар шиг мэдээлэл муутай, очоод алтан цаг, мөнгөө vрэх вий гэхдээ энэхvv веб хуудсыг анх санаачилсан юм. Тvvнээс хойш дөрвөн жил өнгөрчээ. Энэ хугацаанд олон оюутан, залууст тусалсандаа бид баяртай явдаг юм.

-Австрали улсын талаар монголчууд тийм ч сайн мэддэггvй. Тэгэхээр энэ улсын талаар бага зэрэг танилцуулахгvй юу?
-Австралийн талаар би анх арван жилийн сурагч байхдаа газар зvйн хичээлээр vзэж байсан. Харин одоо бол энэ улсад амьдарч байгаа болохоор илvv их мэдлэгтэй болж байна. Австрали бол Ази тивтэй хамгийн ойр байдаг, англи маягийн амьдрал голлосон, Европын цагаачдаас бvрдсэн улс. 20 гаруй сая хvн амтай, эдийн засгийн хувьд дэлхийд дээгvvр орох хөгжингvй орон. Монголтой нэгэн адил өнгөт төмөрлөг, нvvрс, хөдөө аж ахуйн тvvхий эдээр Азийн бар улсуудтай арилжаа хийдэг.

-Австралид сургуульд суралцах нь Америк, Англи зэрэг улстай харьцуулбал өртөг багатай байдаг гэсэн. Энэ vнэн vv?
-Энэ талаар олон юм ярьж болно. Харьцангуй хямд өртгөөр Америк, Англи улсынхтай ижил хэмжээний боловсрол эзэмших бололцоотой. Бас Австрали орон зохих боловсролтой хvмvvст байнгын оршин суух боломж олгодогоороо ихээхэн давуу талтай. Өөрөөр хэлбэл, Америкийн ногоон карттай адил гэсэн vг л дээ. Хоёр жилийн мастерын сургалтын дараа уг болзолд хамрагдах боломжтой болдог. Энэ нь монголчуудад хамгийн боломжийн сонголт юм.

Австралид байнгын оршин суугчдаа эрvvл мэндийн даатгал, хvvхдийн тэтгэмж гэх зэрэг нийгмийн халамжиндаа шууд хамруулдаг. Тиймээс гэр бvлээрээ суралцахаар очвол бvр их боломж нээгдэнэ. Нэг нь суралцахын зэрэгцээ цагаар, нөгөө нь цаг харгалзахгvйгээр ажиллах боломжтой. Тэгээд мастерын сургалтаа амжилттай дуусгачихвал байнгын оршин суугчийн виз авах хvсэлт гаргаж болно.

-Австралид сурахын зэрэгцээ ажиллах боломжтой байдаг юм байна. Цалин хөлс нь ямархуу байдаг вэ?
-Хамгийн гол нь хуулийн дагуу сурч, амьдрах боломжтой гэдгийг зориуд энд дурдмаар байна. Хууль бусаар ажиллахыг бид зөвлөхгvй. Тэртэй тэргvй хууль ёсоор ажиллах боломжтой байхад өөр зvйл хайх хэрэггvй л дээ. Австралийн оюутны виз нь долоо хоногт 20 цаг ажиллах эрхтэй байдаг юм.

Тиймээс байр, хоолны зардалд нэмэр болохуйц хэмжээний мөнгө олоод байх боломжтой. Харин хэдэн долларын цалин авах нь тухайн хvний хийж байгаа ажлаас хамаарч өөр өөр байдаг. Оюутны гэр бvлийн хvн нь цаг харгалзахгvйгээр ажиллаж болох бөгөөд зарим нөхцөлд тэдний хvvхдvvдийг vнэ төлбөргvй сургах боломжийг бас олгодог.

-Австралийн их, дээд сургуулиудад суралцахад хамгийн гол шалгуур нь юу вэ?
-Нэгдvгээрт англи хэлний зохих мэдлэгтэй, тvvнийгээ IELTS-ийн шалгалтаар баталгаажуулсан байх ёстой. Учир нь их, дээд сургуульд суралцахаар оюутны виз хvсэгчдийг заавал IELTS-ийн оноотой байхыг шаарддаг. Хэрэв таны авсан оноо сонирхсон сургуульд тань тэнцэхгvй бол англи хэлний нэмэлт хичээлд сууж болно. Дараа нь таны суралцаж төгссөн сургуулийн кредит нь хангалттай байх хэрэгтэй.

Зарим нөхцөлд Монголын баклаврын зэрэглэл нь шууд мастерт ороход тэнцэхгvй байх нь бий. Энэ тохиолдолд нэмэлт бэлтгэл дамжаанд суух хэрэгтэй болдог. Суралцахыг хvссэн оюутан эсвэл санхvvгийн дэмжигч нь тухайн оюутны нэг жилийн зардлын мөнгийг найдвартай хангах баталгаа гаргаж өгөх шаардлагатай. Оюутны визийн нэг чухал нөхцөл нь дээрх хэмжээний мөнгийг банкинд дор хаяж гурван сар хадгалж баталгаажуулсан байхыг шаарддаг.

-Ямар төрлийн сургалтуудад хамрагдаж болох вэ?
-Дээд сургууль төгссөн хvн мэргэжлээрээ мастерын сургалтанд элсэх боломжтой. Арван жилийн сургууль төгссөн оюутнууд баклаварт сурахын тулд бэлтгэл дамжаанд явах шаардлагатай болдог. Харин англи хэлний болон бизнесийн сургуульд нас харгалзахгvй суралцаж болно.

-Сургуулийн сурагчдыг зуны сургалтанд хамруулах боломж бий гэсэн байх аа?
-Энэ бол хvvхэд залуучуудыг зуны амралтаа vр бvтээлтэй өнгөрvvлэхэд зориулагдсан хөтөлбөр юм. Сидней хоттой танилцуулах, англи хэлний мэдлэгийг нь дээшлvvлэх, Австрали айлын амьдралын хэв маягаас нь суралцуулах зорилготой хоёр долоо хоногийн аялал зохион байгуулах гэж байгаа. Мөн 1-3 сарын хугацаатай богино хэмжээний эрчимжvvлсэн хичээлд хамрагдаж болно.

Эцэст нь дурдахад, бид зөвлөгөө өгч, зуучлахдаа ямар нэг vнэ хөлс авдаггvй. Австралид хэрхэн сурч, ажиллах талаарх бvхий л мэдээллийг авахыг хvсвэл mon2aus.com веб сайтад хандаарай. Эсвэл Сvхбаатарын талбайн баруун талд МҮЭ-дийн холбооны 202 тоотод биеэр очиж уулзаж болно.

More:

Монголчуудад зориулсан Австралийн талаарх үнэн бодит мэдээлэлүүд

Австралид: Мongolians-about-Аustralia, Монголчууд: Аustralia-wide-Мongolians

]]> http://nswmongols.wordpress.com/2008/08/21/australia-by-amarbayar/feed/ 0 TSBT_MN Australia by Suren-4 http://nswmongols.wordpress.com/2008/05/08/australia-by-suren-4/ http://nswmongols.wordpress.com/2008/05/08/australia-by-suren-4/#comments Thu, 08 May 2008 06:18:58 +0000 TSBT_MN http://gegeen.wordpress.com/?p=693 ]]>

VIMO member – Suren

2008 оны 04-р сарын 02 23:18

Австралийн тэмдэглэл (үргэлжлэл)

Юмаар юм хийх

Зураг ①　Энэ зураг дээр цонхны урд талд юу харагдаж байна ?　
Хариулт: хуучин зурагт биш　：D　загасны аквариум. Найзын маань нөхөр гэртээ аквариум авахдаа хэн нэгний хаях гэж байсан хуучин зурагт гуйж аваад ийм юм хйичихсэн гэсэн. Сэтгэсэн байгаа биз ：）

Ер нь танил австрали найзууд маань бүгдээрээ гарын дүйтэй. Санаандгүй тохиолдол уу, австрали түмний онцлог уу бүү мэд. Бүсгүйчүүл хоол гоё хийчийхдэг, эрчүүд модоор юм юм хийчихдэг. Дээр танилцуулж байсан Sarah-г маань нэгэн зун нутаг буцахад аав нь зүгээр сууснаас зүлгэж суу гээд шууд гүүр барих ажилд дайчлаад, зунжингаа гүүр барьж таарсан гээд ярьж байсан.

Японд таван жил болсон гэр бүл найзууд маань анх ирээд эндэхийн орны жижигхэнийг, жижиг хэрнээ үнэтэйг гайхаад. Гайхсандаа банз мод худалдаж аваад хоёр хүний томоо гэгчийн ор хийчихсэн байсан. Нутаг буцахдаа ороо япон host family-дээ өгтөл нөгөөдүүл нь бөөн баяр болж шинэхэн гэрлэсэн охин нь шууд аваад явчихсан гэсэн.

Зураг ②　Хөргөгчинд өрөөстэй байгаа нь жирийн нэг пиво биш шүү ：） Найзуудын маань хийсэн пиво. Хийхэд их амархан гээд байсан …

Алтны хажууд гууль шаргалтана гэдэг … Сүрэн пиво байтугай жирийн нэг хоол ч хийж сурсангүй, модоор аквариум байтугай хүүхдийн тоглоомон нум сум ч хийж чадахгүй…：（

    http://gegeen.wordpress.com/2007/08/15/mongolians-about-australia/

      ]]>       http://nswmongols.wordpress.com/2008/05/08/australia-by-suren-4/feed/ 0 TSBT_MN       Australia by Suren-2 http://nswmongols.wordpress.com/2008/05/08/australia-by-suren-2/ http://nswmongols.wordpress.com/2008/05/08/australia-by-suren-2/#comments Thu, 08 May 2008 06:14:22 +0000 TSBT_MN http://gegeen.wordpress.com/?p=691 ]]>

      VIMO member – Suren

      2008 оны 03-р сарын 05 21:28

      Австралийн тэмдэглэл : Хурим 1

      Австрали уруу эндээс бид дөрвүүлээ явсан. Хуримаа хийх Грета болон бид нар японы их сургуульд нэг семинарт харьяалагдаж байсан, манайхаар бол нэг ангийн хүүхдүүд гэх үү дээ. Грета бид хоёр бас оюутны байранд нэг жил хамт амьдарсан ：）

      Явахаасаа өмнө бид нар цуглаж оюутан насныхаа паянгаа баахан дурсаад. Грета маань окинавад болсон ゼミ合宿-н үеээр нэг удаа аймаар согтож байсан түүхтэй. Ер нь ч бүгдээрээ олон удаа согтож байсан л даа. Гэхдээ тэр удаагийнх бол тасархай. За тэгээд согтсон Грета маань нам унтаад маргааш нь харин гар өвдөөд байна гэсэн хүн босч ирсэн. Манай семинарыхан яасан юм бол доо, маргааш Токио буцна шдээ, тэсэх үү гээд. Грета ч нээрээ буцахын хооронд тэсэе гээд. Тэгсэн Токио хариад эмчид үзүүлтэл гарных нь яс нь хугарсан болж таарсан. Булгалт, булчин тасралт, ясны цууралт энэ зэрэг биш. Бүр яг ясны хугаралт. Мань хэд ёстой хэлэх үггүй алмайрсан. Харин гарандаа гипстэй Грета хэд хоногийн дараа хүүеээ, осолын даатгалын мөнгө авлаа шдээ, бүгдээрээ хичээлийн дараа ууцгая гээд зогсч байсан.
      Англи хэлний хичээлд явах замд Гретатай тааралдвал “хоюулаа явж нэг юм идэе, англи хэлний хичээлээ надтай хийчих л дээ plz plz plz ” гэж хоёр гурав гуйлгуулж гуншуулаад хичээл пялж кафед чалчиж суух бол давтамж ихтэй жирийн л үзэгдэл. Тэгээд яг хичээл хйиж харагдана шдээ, хоюулаа японоор баахан залуучууд ярихаас өөр юм байхгүй….
      Миний 送別会 （bye-bye party) дээр Грета маань Сүрэн чи энэ өдрийг хэзээ ч битгий мартаарай гээд цүнх үрүү ширээн дээр байсан хэдэн тавгаас аваад хийчихсэн ：） 　Ийм учир шалтгаанаар монголд манай гэрт Ватами-гийн хоёр таваг байдаг. Үнэхээр харах болгонд тэр өдөр санаанд ордог. Нутгаа буцахад найз нар минь олон сайхан бэлэг өгсөн, гэхдээ Гретагийн энэ бэлэг л хамгийн тод санаанд үлджээ.
      Манай хэд ингэж тэгэж явсан Грета маань одоо ерөнхий сайдын тамгын газар ажиллаж байгаа шдээ, итгэмээргүй юм. Сүрэн чамайг ч гэсэн монголдоо буцаж улсын ажил хийвэл бид хэд Сүрэн ингэж тэгэж явсан даг, ёстой итгэмээргүй гэж ярина даа гэлцээд ：D

      Австралийн тэмдэглэл : Хурим 2

      Хурим ба хувцаслалт (залуучуудад сонирхолгүй).

      Австрали явахаас өмнө бид хэд garden wedding, casual wedding гэхээр юу өмсвөл зохилтой вэ, ер нь юу өмсдөг юм бэ гэж Гретаг жаал шалгаагаад. Мань хүн болохоор тун энгийн casual маягийн хурим болно. Та нар хаа хол японоос элдэв юм авчрах хэрэггүй, no necktie учир ерөөс санаа бүү зов гээд.

      Тэгэхээр нь залхуу хүн биеийн амраа нэг номерт бодоод, чемоданд эзлэх зайг хоёр номерт бодоод бэлдсэн дээлээ цааш хийж зуны нэг гоёмсогдуу юбка сонгов. Хуримын өмнөх өдөр гэрээр нь зочлохдоо мань хэд бас дахин “наад casual гээд байгаа чинь яг ямар утгатай вэ” гэхэд манай хоёр “ өөө, аягүй энгийн хурим хийнэ, та нар одоогийн наад хувцастайгаа яваад очсон ч okay jeans шорт футболкатай байсан ч хамаагүй” гэж инээгээд.

      За тэгээд 70–аад хүн цугласан хуримын өдөр. Jeans футболкатай хүн бол зөвхөн манай Таро ：D　 Би болон япон найз бүсгүйчүүл маань гоёмсог боловч хамгийн энгийн даруу хувцаслалтай. Ингээд lesson No. 1 : Хурим найранд better be overdressed than underdressed. 　Грэтагийн маань ээж “Ямар харамсалтай вэ, чамайг би монгол сайхан үндэсний хувцасаа өмсөнө гэж бодсон сон, гэхдээ холоос авчрах хэцүү байлгүй дээ” гээд. Ингээд lesson No. 2 : Гадаад хүний хурим найранд монгол хүн дээлээ өмсөх нь хамгийн зөв.

      Уул нь бусад бүх найзуудынхаа хуриманд байгаа хэдэн дээлээ　ээлжлэн өмсч элээж байсан. Даанч энэ удаа “casual” гэдэг үгэнд жаахан хулхидуулчихлаа. Бас залхуу зан минь надаар тоголчихлоо …

      9 сард израилд болох хуриманд must ангилалын урилга хүлээн аваад байгаа, очиж чаддаг л юм бол муу дээлээ авч явна, энэ удаад залхуурахгүй ：D　　Бас нэг канад найз маань би хүнтэй суудаг л юм бол хурим хийнэ, хурим хийдэг л юм бол чи заавал ирнэ, гурван өдрийн арга хэмжээ болох тул гурван ондоо дээл өмсөнө гэдгээ амла гээд. Одоо тэгээд найз охин ч үгүй тэр маань хэзээ яаж хүнтэй сууж хуримаа хийх нь бөөн таношими хэхэ ：D 　бас канад явах сайхан шалтаг

      Хурим ба хувцаслалт　(далийлт)

      Илүү үг болгож хэлэхэд би жирийн эсгүүртэй, хуучны кинонд гардаг шиг дээлэнд дуртай. Сүүлийн үеийн янзан бүрийн загвартай дээлэнд ерөнхийдөө дургүй. 　Гадныхан ч гэсэн china dress гэж андуураад байдаг. Тэр болгонд нь хүүеээ, тийм бишээ, үүх түүхийг нь яривал миний өмсч буй энэ монгол дээл ч бай, china dress ч бай, аль алиных нь загвар цэвэр монгол ч биш хятад ч биш, манж маягтай. 　Манжийн ноёрхолд эхлээд хятад, дараа нь төвд, дараа нь монгол орсон. Тэгээд манж нар бүгдийг нь хүчээр дээлнийхээ загварыг өөрчлөхийг шаардсан.
      Гэхдээ монголд бол лам нар одоо ч гэсэн хуучин загвартай монгол дээлээ өмсдөг. Гол ялгаа нь дээлний хэлбэр гэхээс, энгэрийн хэлбэрт байгаа юм л даа. Манж нар зөвхөн лам хүнд монгол энгэртэй дээл өмсөхийг зөвшөөрсөн тул эзлэгдсэний дараа омог бардам олон эрчүүд манж энгэртэй дээл өмсөхгүй гээд лам болж байсан түүхтэй. Тиймээс дээлний энгэр солиулна гэдэг хэний ноёрхолд байгаагаа байнга санаж явтугай гэсэн утгаас гадна монголд бурхны шашин улам дэлгэрүүлэх гэсэн давхар бодлоготай бас холбоотой.
      Гэхдээ монголчууд зүгээр үг дуугүй дээлний энгэрээ солиогүй юм шүү, оронд нь эсэргүүцлээ илэрхийлж тэр болтол байгаагүй шинэ загварын малгай хийж өмсдөг болсон. Тэр малгайн бараг оёос болгон монголын эрх чөлөөг билэгдсэн нарийн учиртай.
      Харин дээлний энгэр яваандаа манж гэдэг нь мартагдсан, малгайны учир ч мөн адил… гээд яриад байвал дуусашгүй. Даанч монгол болон монголын түүхийг сонирхдоггүй л юм энэ тайлбарыг ойлгох хүн цөөхөн. Зарим нь, ялангуяа барууныхан манж гэхээр хятадтай хольж хутгаад ямар үндэстэн угсаатан болохыг ч мэддэггүй. Суурин биш монгол, казах, киргиз нартай адил нүүдэлчин ард түмэн байсан гэхээр нүд нь орой дээр гарна, тайлбарлах гэж бөөн ядаргаа…

      Эргээд уншсан чинь энэ болон өмнөх хоёр тэмдэглэл австралийн гэхэд хэцүү тэмдэглэл болжээ хэхэ ：D　 Дээлний тухай манайхан ч гэсэн мэдэхгүй хүн нэлээд байдаг юм шиг санагдаад арилгах гэснээ болилоо. Засч залруулах зүйл байвал хэлж өгөөрэй, маш их баярлана . Бас малгайны тайлбар бичиж болно, сонирхсон хүн байвал.

      Австралийн тэмдэглэл : Хурим 3

      Сонин амьтан, австрали англи, хот хөдөөгийн ялгаа

      Canberra тэр долоо хоног бүрхэг үүлтэй хүйтэн байсан гэсэн. Харин яг хуримын өглөө тэнгэр цэлмэж аягүй сайхан нар гарч дулаарав. Сайн хүмүүсийн үйлс сайн гэдэг. Мань хэд この2人どれだけ日頃の行いがよければここまで晴れるの？ гээд гайхаж баршгүй сайхан өдөр байв.

      Хурим болон цайллага цэцэрлэгт хүрээлэнд　(botanic gardens) болсон. Ёслол эхлэхээс нэлээд эрт очсон тул сандали гутлаа тайлаад зүлгэн дээгүүр хэсэг хөл нүцгэн явахад ямар гоё байсан гэн санана. Амьдын жаргал ：）

      Өмнөх тэмдэглэлд танилцуулсан англи жаалхүү бусад австрали хүүхдүүдтэй нааш цааш гүйж тоглоод. Томчууд хоорондоо тэд нарын хэн нь түрүүлж цөөрөмд унахыг тааж мөрийцөөд. Тэгсэн гэнэт жаал маань мод бутан дундаас гарч ирээд бөөн дуу шуугиан болж харайж дэвхцээд. Дахиж цааш орсноо дахиж гарч ирж хашгираад. Юу юм бол гээд дагаад явсан чинь зам дээр… нээх сонин амьтан.

      Аягүй том гүрвэл гэмээр. Бие нь тохойн чинээ, сүүлтэйгээ дэлмийн чинээ. Оройн наранд биеээ ээж нарлаж буй бололтой. Англи жаал бид хоёр пөөөөөх пааааах гээд бөөн догдлол. Австрали жаалууд “хн, энэ бол юу ч биш ” гэсэн байдалтай тун догь. Өхөөрдөм хөөрхөн. Хотоос хүүхэд ирэхээр хөдөөний хүүхдүүд яадаг билээ, яг тиймэрхүү ：D

      Харамсалтай нь аппаратны зай суусан тул тэр амьтны зураг авч чадаагүй. Тарогийн авсан зураг дараа тавих тул жаахан хүлээгээрэй.

      Австралийн тэмдэглэл : Хурим 4

      Амьдралаа хамтдаа туулна гэдэг тангаргаа хэлж байхдаа сүйт хархүү маань түрүүлж нулимс бөмбөрүүлээд, түүнийг дагаж Грета маань нулимс цийлэгнүүлээд, тэр хоёрыг харж япон найз маань байн байн нулимсаа арчаад. Сүрэн харин бүгдийг нь харж баясаад ：）　 Инээж баясаад гэдэг утгаар биш шүү. Сэтгэл хөдөлж баярлаад гэсэн утгаар. Хуримд уригдсан бусад хүмүүс харин тун cool байв. Японы хурим шиг уйлаан майлаан болоогүй :D

      Цайллаганы үеэр хажуугийн модон дээр бас нэг сонин амьтан. Хэрэм гэхээр хэрэм биш … possum гэдэг гэсэн. Японоос ирсэн делегаци тэр амьтны зураг баахан дарж бүгдээрээ tourist гэдгээ ахин дахин гайхуулав.

      Canberra маш том талбай эзэлдэг ч 300,000 орчим хүн амтай жижигхэн хот. Улсын нийслэл учраас төрийн захиргааны төв бөгөөд хүн амын ихэнхи нь төрийн албан хаагчид. Цайллаган дээр уулзаж ярилцсан хүмүүст үнэнийг хэлэхэд арын хаалгаар шахуу энд ирсэн гээд австралийн виз авах гэж зовсоноо тоглоом шоглоом болгож ярив. Нэгэн бүсгүй хүрч ирээд би Гретатай хамт ажилладаг, та нарын тухай зөндөөөө дуулсан, Гретаг согтоод гараа хугалахад хамт уусан залуучууд мөн биздээ гээд хөөрхөн яриа өрнүүлэв ：D

      Японд танилцаж байсан Гретагийн найз Sarah бид хоёр баахан ажил амьдрал яриад. Sarah маань Tokyo ёстой гоё, exciting, японд ажилламаар байна гээд. Би болохоор юу ярина вэ, австрали ийм сайхан байгальтай, тайван амьдралтай, австрали нь дээр гээд. Бидний яриаг сонссон хүмүүс ерөөс та хоёр байраа соличих гээд ….

      Намуухан үдэш байлаа, цэцэрлэг дунд модоор хүрээлэгдсэн ресторан баяр хөөрлөөр дүүрэн байлаа.

      ＊　Энэ өдрийн 一番受けた台詞　：D

      Pub явах замд Sarah маань төөрөөд найзаасаа утсаар “hey, you know how that place moves around every time I try to get there ? well, it happened again, so give me directions ”

      Австралийн тэмдэглэл: Хурим 5

      Cаяхныг хүртэл хурим найрыг нэг үгээр тодорхойл гэвэл амнаас нэг л үг гарах байлаа: ядаргаа ядаргаа бас дахин ядаргаа ! Бас мөнгөний гарз, утгагүй зардал. Харин сүүлийн хоёр жилийн дотор найзуудынхаа япон, солонгос, австралид болсон долоон хуриманд очив. Долоон хуриманд очоод олон долоон юм бодож эхлэв. Тэд нарын болон бусад найзуудынхаа хуримыг эргэн дурслаа … Тэгээд хурим ёслол гэдэг тийм ч утгагүй хөрөнгө мөнгөний зарлага болсон зүйл гэж бодогдохоо болив. Үүнийг нэг найздаа хэлсэн чинь өч төчнөөн хуриманд очсон байж одоо л ингэж бодож эхэлж байна уу гээд баахан шоолуулав ：）

      Хүн ээж аав, үр хүүхдүүдтэйгээ ойролцоогоор 20 жил хамт амьдарна. Харин насныхаа ханьтайгаа л 30, 40 жил амьдарна. Хоёр хүн нийлж хувь заяагаа холбоно гэдэг, үлдсэн амьдралаа хамтдаа туулна гэдэг тэр хоёр хүний амьдралд тохиолдох хамгийн том үйл явдал, хамгийн их үр дагавартай хамгийн чухал шийдвэр. Тиймээс тэр шийдвэрээ аав ээж ах эгч анд нөхөд хамаатан садандаа зарлан тунхаглаж баярлан цэнгэх нь зайлшгүй байх ёстой ёслол гэж бодогдох болов.

      Хүмүүс ер нь сургуульд орох, төгсөх, албан тушаалд дэвших зэрэг амьдралын чухал үе мөчөө заавал ямар нэгэн ёслол баяраар тэмдэглэдэг. Ёслол гэдэг хүний амьдралд нэгэн зүйл дуусч нэгэн зүйл эхэлж буйг ойлгуулж мэдүүлэх үүрэгтэй. Шинэ мөч эхэлж буйг улам мэдрүүлэх зорилготой.

      Хүний амьдралын уртаар бодвол “дөрөвхөн” жил ч гэсэн нэг ангид суравцсан найз нөхөдтэйгээ хонхныхоо баяраа хийхгүй бол нэг л мяаа, онцгүй биз дээ. Тэгэж бодохоор 4 биш 4 ×10 жил хамт амьдрах тул хурим гэдэг тун чухал ёслол гэж бодогдох болов. Япон найз охидынхоо 「結婚式確かにめんどくさいけど、みんなに祝福してもらおたい」гэдгийг одоо л нэг ойлгож эхэлж байна. Бас гадаад зарим найзууд маань хэн нэгнийг дурсахдаа тэр маань бидний хуримд ирсэн шдээ = бидний маш сайхан мөчийг хуваалцсан шдээ гэж ярьдагийг ухаарах болов. Өмнөх ядаргаа болон мангар тэнэгээр хэлж дуудаж байснаа бодохоор жаахан ичмээр.

      Мэдээжийн хэрэг энгийн даруу, баян тансаг, олон хүн цугласан, хоюулахнаа … гээд олон янз янзын л хурим байна. Өөртөө таарсан style-ээ сонгоод ёслол “хийнэ” гэдэгт гол учир байх шиг.

      Эргэн дурсахад солонгос хуримын европ цагаан даашинзтай хэсэг биш, хоюулаа үндэсний хувцсаа өмсөөд идээ будаатай ширээний ард сууж хамаатан садантайгаа насны эрэмбээр золгож байсан нь хамгийн их сэтгэлд үлдсэн. Япон найман (энэ тэмдэглэл бичих гэж хэрэг болгож тоолж үзлээшд) хуриманд явснаас христос сүм биш 神社 (шинто шашны сүм) –д болсон нь хамгийн их таалагдсан. Бас барууны хуримын ёслолын нэг хэсэг болох “энэ хоёрын хүний хуримыг эсэргүүцэх хүн байвал үгээ одоо хэлтүгэй. Одоо эс хэлвээс тэр үгээ үүрд мартаж дахин хэзээ ч бүү дурс” гэсэн утгатай үг хэлдэг нь их гүнзгий утгатай санагддаг. Монголчууд бидний мөнгөн аяганаас сүү уух ёслол мөн адил …

      Гэх мэт австрали явсан биш “хурим” гэдэг нэгэн ёслолын тухай миний бодол 180 градус өөрчлөгдөөд ирэв. Тэгэхээр энэ хурим болон миний сүүлийн хэдэн жилд очсон хурим ямар сайхан байсан нь ойлгомжтой. 結婚式貧乏 болсондоо огтхон ч харамсахгүй байна шүү. Үнэнийг хэлэхэд хуримын тухай илүү дэлгэрэнгүй бичих гэсэн чинь олон дурсгал бодол энд тэнгдээс зэрэгцэн орж ирээд … тэгээд ерөөс хуримын хэсгийг үүгээр өндөрлөхөөр шийдлээ.

      Маргаашаас Sydney явж амьдралдаа анх удаа casino тоглож мөнгө хожсон тухайгаа бичье　；）

        http://gegeen.wordpress.com/2007/08/15/mongolians-about-australia/

          ]]>           http://nswmongols.wordpress.com/2008/05/08/australia-by-suren-2/feed/ 0 TSBT_MN           One year in Australia http://nswmongols.wordpress.com/2007/12/20/one-year-in-australia/ http://nswmongols.wordpress.com/2007/12/20/one-year-in-australia/#comments Thu, 20 Dec 2007 22:36:16 +0000 TSBT_MN http://gegeen.wordpress.com/2007/12/20/one-year-in-australia/ ]]>

          More: http://gegeen.wordpress.com/2007/08/15/mongolians-about-australia/

          http://mandakhbat.wordpress.com/2007/12/10/one-year-in-australia/

          December 10, 2007

          One year in Australia

          Filed under: Uncategorized — mandakhbat @ 9:24 pm

          Австралид өнгөрүүлсэн 1 жил

          Мельбурн хотод ирээд бараг нэг жил болох гэж байна. Цаг хугацаа үнэхээр хурдан өнгөрөх юмаа. Энэ хооронд юу амжуулаваа? Юу хийвээ?

          Австралид өнгөрүүлсэн 1 жил

           Мельбурн хотод ирээд бараг нэг жил болох гэж байна. Цаг хугацаа үнэхээр хурдан өнгөрөх юмаа. Энэ хооронд юу амжуулаваа? Юу хийвээ?

          Туслагч-зааварлагч

          Энд ирэхээс өмнө сургуулиас надад туслагч-зааварлагч гээд нэг Вьетнам залуугийн имэйл өгч, түүнтэй холбогдож байсан юм. Улсынхаа Гадаад хэргийн яаманд ажилладаг, олон улсын эрх зүй судалдаг, 180 см өндөртэй тэр даруухан залуу надад сургуулийг танилцуулж, банкинд данс нээж өгч, үл хөдлөх эд хөрөнгийн газраас байр хөлслөхөд тусалсан. Харин одоо би өөрөө шинээр ирж буй оюутнуудад туслахаар туслагч-зааварлагчын сургалтанд сууж байна.

          Австрали улсын нийслэл орлоо

          Нэг дүгээр сард Австрали улсын нийслэл хэмээх 300 гаран мянган хүн амтай маш цэвэрхэн сайхан хотод очлоо. Эндхийн оршин суугчдын ихэнхи нь төрийн албан хаагчид байдаг гэсэн. Энэ хотод хоёр хоносон юм байна. Парламентын ордон дээр нь гарч, Дайнд оролцогчдод зориулсан цогцолборыг үзэж, хамт явсан Викториа Их сургуулийн гадаад оюутнуудтай жижиг наадам хийлээ. Хамт явсан дөрвөн Монголтойгоо “Элэг зүрхнээс уяатай…”-гаа дуулсан.

           Усанд сэлэлтийн дэлхийн аварга үзэв

          Усанд сэлэлтийн дэлхийн аваргын тэмцээн манай хотод болж, Монголоос 10 тамирчин хүүхдүүд оролцсон. Авсралийн теннисний нээлттэй тэмцээн болдог газар болж байна лээ. Монголчууд маань ихэнхи нь хувийн амжилтаа ахиулсан гэсэн. Гэхдээ медаль бол авч чадаагүй. Усанд сэлэлтийн спортын Монголын холбооны тэргүүн нь УИХ-ын гишүүн, сангийн сайд Ч.Улаан байдаг юм гэнэ лээ. Бараг бүгдээрээ хувийн зардлаараа эцэг, эхээрээ даалгуулаад ирсэн гэсэн.

          Мельбурн дэх Монголчууд уулзав

          Энэ оны 1, 7, 11 дүгээр саруудад эндхийн Монголчууд бөөнөөрөө уулзсан. Ерөнхийдөө 50-60 Монгол байдаг гэж ярьцгаадаг. Хоёр удаад нь шорлог хийж идээд, дуугаан дуулцгааж, шар айраг, Хар Чингис ууж баярлацгаасан. Бас нэг удаад Итали бэлэн хоолны газар уулзацгаасан.

          Мельбурн хотоор зугаалсан нь

          Гэр бүлийн хамтаар энэ хотын бараг бүх юмыг нь үзэх гээд л хичээгээд байна. Амьтдын хүрээлэн нь үнэхээр том бөгөөд амьтдаа маш сайн асарч, сайхан орчинд өсгөдөг. Хотыг бүхэлд нь хардаг тусгай газар байх бөгөөд тэндээс хотын бүх зүйлийг өдөр, шөнө харахад үнэхээр сайхан юм байна лээ. Ийм сайхан хотод амьдарч байгаа билүү гэж дуу алдсан. Мельбурны аквариумд асар олон төрлийн далайн амьтад акулаас авахуулаад байдаг. Маш сонирхолтой санагдсан. Наран шарлагын газар манай хотод 5-6 л лав байдаг. 11 сараас 4 дүгээр сар хүртэл ерөнхийдөө усанд сэлж, наранд биеэ шардаг юм билээ. Кино театрууд нь манай Улаанбаатарын Тэнгистэй ерөнхийдөө төстэй. Цагаачлалын музей нь маш сонирхолтой санагдсан.

          Жилонг хот оров

          Энэ манай мужын хоёр дахь том хот нь. Порт хот бөгөөд энд мужын бараг бүх үйлдвэр төвлөрдөг. Хамгийн хурдацтай хөгжиж байгаа хотуудын нэг. Энд Форд дисковери төвийг үзлээ. 100 гаруй жилийн өмнөх машинаас эхлээд сарын өмнө гаргасан шинэ загвараа хүртэл хэд хэд задлаад харуулсан байх юм билээ. Хоёр давхар энэ төв бас л очмоор газрын нэг. Энд бас Австралийн хонины ноосны үндэсний музейгээр нь орж үзсэн. 3 давхар том музей. Дэлхийн хамгийн анхны хивсний машинаас эхлээд малчны үе үеийн гэр орон, багаж хэрэгсэл, ноосны хэрэглээний түүх бүгдийг нь үзүүлсэн байх юм. Энэ хотод гэр бүлээрээ яг далайн эрэг дээр сайхан хоол идсэн. Бүтэн сайн өдөр вагоноор энэ хот руу явахаар үнэ нь бараг хоёр дахин хямдардаг. Эндээс Мельбурн луу өдөр бүр ажилдаа явдаг хүмүүс цөөнгүй байдаг гэсэн.

          Австралийн Альпын нуруунд очиж чаргаар гулгав

          8 дугаар сарын эхээр сургуулиас зохион байгуулсан аялалд гэр бүлтэйгээ мөн хэдэн Монголчуудын хамт ийшээ явсан юм. “Нуур” хэмээх ууланд нь очиж баахан чаргаар гулгасан даа. Нов ногоон дулаахан газраас гэнэт л цав цагаан цас нэвсийсэн газар ороод ирэх нь их өвөрмөц, сайхан байгальтай гоё газар байна лээ.

          Филипп арал

          Энэ арал руу явах замдаа бас Коала-ны Үндэсний парк-д нь очиж амьтдыг байгаль дээр жинхэнээр нь харлаа. Коала хэмээх зөвхөн Австралид байдаг энэ амьтан үнэхээр хөөрхөн юмсанж. Филипп арал дээр Пенгвин парад гэдгийг үзсэн. Дэлхийн хамгийн жижиг пингвинүүд харанхуй болохоор далайгаасаа гарч ирээд нэгэн цуваа болоод хөөрхөн гэгч нь алхаад явдаг юм билээ.

          Жастин Тимберлейке-ийн тоглолт үзэв

          Гэр бүлийн хүн бид хоёр мөн 2 найзтайгаа хүн тус бүр100 доллараар энэ тоглолтыг үзсэн. Дөрвөн өдөр манай хотод болсон тоглолтын тасалбар нь бараг сарын өмнө зарагдаад дууссан гэж байна лээ. Жастин үнэхээр авьяастай, бас ухаантай залуу шиг санагдсан. Тоглолтын ерөнхий зохион байгуулалт, тайз, гэрэлтүүлэг, дагалдан бүжигчид, дуучид зэрэг нь үнэхээр л дэлхийн шилдэгүүд.

           Гэрийн ойролцоо

           Гэрийн ойролцоо байдаг номын сангуудаас үнэгүй хамгийн сүүлийн үе ном, сонин, сэтгүүл, ДВД зээлж авч уншиж, үзэж болно. Гэрийн ойролцоо бас хүүхэдтэйгээ тоглох сайхан парктай. Дотроо 7-8 бассейн бүхий акуатик төвүүд гэж байдаг. Энд бүх насныхан усанд сэлж, фитнессээр хичээллэдэг. Гэрийн ойролцоо бас бүх л шатны сургуулиуд, цэцэрлэг, ясли ч бий. Одоо энд Зул сарын баяр, шинэ жил болох гээд хүмүүс асах их зүйл худалдаж авч, баяртаа бэлдэцгээж байна. Нэлээд халуун болохоор зав л гарвал наран шарлагын газар луу гүйж байна даа.

          Өндөр овогт Сэрээновын Мандахбат

          Австрали Улс, Мельбурн хот

          2007 оны 12 дугаар сар 10

          More: http://gegeen.wordpress.com/2007/08/15/mongolians-about-australia/

          ]]>           http://nswmongols.wordpress.com/2007/12/20/one-year-in-australia/feed/ 3 TSBT_MN           4a-MN Community in AU http://nswmongols.wordpress.com/2007/11/30/4a-mn-community-in-au/ http://nswmongols.wordpress.com/2007/11/30/4a-mn-community-in-au/#comments Fri, 30 Nov 2007 06:17:56 +0000 TSBT_MN http://gegeen.wordpress.com/2007/11/30/4a-mn-community-in-au/ ]]>

          http://gegeen.wordpress.com/2007/08/15/mongolians-about-australia/

          4-Анх ирэхэд Гадаадад буй Монголчууд. Хойшид ирэгсдэд маань сургамж болгох үүднээс зөвхөн өөрийн нүдээр харахад Австралийн Монголчуудын аж амьдрал ямар байгаа талаар мэдээлэл үлдээв. Зарим Монголчуудад маань надтай тохиолдсон зүйлс заавал тулгараад байх шаардлагагүй нь харин туйлын үнэн болно. Би зөвхөн хувийн ажиглалтаар л энд дүгнэсэн гэдгийг анхаараарай.

          Хүн бүр өөрийн чадах, мэдэх зүйлээр багахан ч болов нийгэмдээ хувь нэмэр болж явах нь зүйтэй гэж миний хүндэлж биширч явдаг хүмүүс захидаг байсан. Мэдээж бүх хүнд ивээлээ ижил тэгш хайрлаж чадах бурхан тэнгэр нь биш болохоор би өөр шигээ залууст өөрийнхөө мэдсэн сурсанаас бага ч болов мэдээлж, алдаанаас зайлуулж, Австралид ирээд учраа олж сайхан амьдраад, зорилгодоо хурдан хүрэхэд нь туслах санаа өвөрлөсөн нь зарим насныхан болон над шиг нөхцөл байдалтай залуусын талаарх ойлголт муутай хүмүүст нь хэрэгцээгүй зүйл хийгдэж буй мэт харагдаж болзошгүйг урьдчилан анхааруулъя. Би нийгмийн бүх давхрагыг хамарч ганцхан юмаар нийтийн толгойг угаах хүсэлгүй тул сурч боловсрох хүсэлтэй, Австралийг сонирхогч залуусын армийг сонгож мэдээллээ хүргэж байгаа нь энэ билээ. Таалж, таалахгүй байгаа хүмүүсийн хорсол, баяслын үгсээс маш их юм сурч, мэдэж авч байгаа. Хэрэггүй хараалаас дөжирч сурч байна, хэрэг болчихоор санаануудыг шүүрч сурч байгаадаа одоогоор сэтгэл хангалуун байнаа. Хаана ямар коммунити байна, тэр орон зайгаас миний юу эрэлхийлэх нь бусдад хамаагүй гэж бодож байна. 

          Австралийн Монголчууд маань одоогоор ядуу зүдүү, гундуу гуцуу, учраа олоход бэрх, шинэхэн бөгөөд цөөхүүлээ байгаа юм уу даа гэсэн сэтгэгдэл төрдөгийг нуух юун. Тэтгэлэгтэй оюутны бүлэг бол харин овоо завтай бөгөөд санаачлагатай юм. Хар ажилчид болон хувиараа суралцагсад, бас бус шинэхэн монголчуудын хүрээ бол үнэхээр өнөө маргаашаа яая даа л гэсэн улс харагдаж байна. Гадны хүнтэй суусан хэдээс гайгүй нь гайгүй, гайтай нь гайтай, гэхдээ гэрийн мухар сахилгүй, ажиллаж амьдраад хүн шиг байгаануудаас нь дажгүй яваанууд нь дийлэнх байна. Ер нь бол Австралийн дундчуудын эгнээнд элсэж чадсанууд нь одоогоор массаараа маш цөөхүүлээ бөгөөд хоорондоо харилцаа холбоо багатай байна. Сайхан амьдраад, сайн яваад, бусаддаа түшиг тулгуур болдог хүмүүс цөөхөн ч боловч байгаа нь сэтгэлд их бүлээн дулаан санагддаг даа. Тийм хүмүүс нь удахгүй олширч, коммунитидээ чиглэсэн санал санаачлагуудад эерэгээр ханддаг, өөрсдийн зүгээс бас тусалж дэмжих бололцоотой болох цаг үе ойрхон байгаа гэж найддаг. Одоогоор шинээр гарч ирж байгаа зүйлсийг олж мэдэж, орж ирж байгаа бүлгийнхэн нь өө сэв хайж, сөрөгөөр хүлээж авч, дарах булах талаас нь ханддаг нь элбэг боловч энэ байдалдаа дүгнэлт хийж анхаарцгаах бизээ. Хугархай ясан нуруулсан ч хугараагүй ноён нуруугаараа гайхуулах цаг ирэх байх. Өөрийгөө бодсон ч, дараа дараагийн Монголчуудаа бодсон ч урмаа хугалуулахаар ууцаа хугалуулахыг хичээх нь миний төрөлх чанар.

          Сэтгэгдэлээ явуулсагсадын зарим нь шүүмжлэх чадвараа сайжруулахаар болчихсон байгаа харагдаж байна шүү. Юмыг хүлээж авах, харах хүрээгээ томруулахгүй бол зөвхөн жижиг сажиг үг өгүүлбэрийг нь буруу тусгаж аваад, бүхэл бүтнээр нь олж харж чадахгүй, үгүйсгээд унаж бас л болохгүй л байх. Үгийн сонголт муутай хүн мэргэжлийн бус хүмүүст зориулж бичсэн юм байнаа гэсэн талаас нь хараарай гэж мянга хэлээд, түм сануулаад л байхад бараг комментуудаар нь нийлүүлж байгаад нэг хараалын үгсийн толь бичиг үүсгэчихээр л болж байна даа, хэхэ. Сэргэлэн гарууд бол ч аль хэдийн сэтгэчихсэн л явж байгаа байх. Муу үгсийн баялагтай улс үнэхээр өөр байдаг юм байна шүү. Давж гарч чадахгүй ч гэсэн даруй ганц хоёр тайлбар хийхээр шийдлээ шүү. Төөрөлдөөд яваа хэдэд нь хэрэг болж юу магад.

          Үр дүнд хүргэе, юмыг сайн болгоё гэж байгаа бол шүүмжилж сурцгаавал зүгээр байнаа. Юмнаас сайн талыг нь олж харах чадвар нь буурсан, амьдрал нь, сэтгэлгээ нь ядуурч эхэлсэн, гадаадад зорилго тавьж гараад, гарцаа олж амжаагүй байгаа, түрхэн хугацааны амьдралын шалгуурыг давж чадахгүй яваа, эсвэл бүр буугаад өгчихсөн, хүнд байдалтайгаа эвлэрчихсэн явж байгаа хүмүүстээ бага ч болов сэтгэлгээний зам харгуй гаргаж, гэрэл гэгээтэй, сайн сайхан зүйлс хаа нэгтээ, магадгүй хажууд маань ч биднийг хүлээгээд байж байсан байж болох талаар, гол нь түүнд хүрэх боломж байдаг юм байна гэдгийг л мэдрүүлэх гэж бодит жишээ авсан юм шүү. Яагаад гэвэл би өөрөө мөнгөгүй, мэдээлэлгүй, интернетээс юм уншчих ч боломжгүй байж үзсэн хүний хувьд хэлж байгаа юм. Уншсан юмнаасаа болоод шөнөжин унтаж чадахгүйд хүрдэг хүмүүс нь ийшээ дахин дахин орж ирж, нервээ хөдөлгөж байхаар огт уншихгүйг бодоорой. Таныг л бодож хэлж байгаа юм шүү. Өө сэв хайх дуртай хүмүүс өөрсдийгөө бусдад тоогдоод энд тэнд бичигдчихэж гээд баярлах эрт байна. Тоогдоод бичигдэхээр болоод авбал аштайв дээ. Дотор нь давчдаад янз бүр болоод байдаг хүмүүсийг харахаар инээд хүрээд, улам цаашлуулмаар санагдаад байдаг юм.

          Эдгээр мэдээллийн дагуу Австрали дахь англи хэл, ардчилал, компьютер, мэдээллийн эрин зууны талаарх ойлголт багатай цөөхөн Монголчуудын хувьд хэт олондохоор, захисан, зүхсэн, баярласан, бахадсан, балмагдсан санал, сэтгэгдэлүүд их ирж буй бөгөөд хэтэрхий их өөрсөд дээрээ тусгаж авч сандраад байгаа хүмүүст хэлэхэд жаахан тайван байж, юмыг муу талаас нь мушгиж ойлгоод байлгүй, өөдтэйхэн шиг амьдралаа аваад явах, өөр хүмүүсийн түүхээс сургамж авах тал дээрээ л санаа тавих хэрэгтэй гэж зөвлөх байна даа. Энд учиргүй нэр усыг нь цохож, бусдын орон зай, нэр хүндэд халдаагүй, зөвхөн миний хүрээлэл, орчин ямар сэтгэгдэл төрүүлж байсныг л тоймлон бичсэн болно. Бичгийн хүмүүсийг нь чанартай юмаа бичээд, мань мэт шигүүдийг нь больчих хэрэгтэй гээд тунхаглаад байгаа хэдийг нь мунхаглаад байна гэж ойлгосон шүү. Бичгийн хүмүүс маань заримдаа юу бичихээ мэдэхгүй, чанаргүй амьдралаар МАШ ОЛОН жил явсаар байдгаас болоод мань мэтийн бүдүүн баараг, баргийн юм голдоггүй хүмүүсийн хэрэгцээ орхигдож, харь улсад бүхнийг шинээр эхлэх гээд мэдлэг мэдээлэл, танил тал байхгүй хэрхэн сандарч байгааг нүдээр хараад, биеээр үзэхээрээ цэцэн үгсээ урсгаж, цэцэг навчаа ургуулж бай. Тэр чанартай юмнууд чинь энэ байна, иймэрхүү байх ёстой юмаа гэсэн баталгаануудтайгаа цуг шүүмжүүдээ явуулж байхгүй бол илүү хэрэгцээтэй, өгөөжтэй болгох, үлгэр дуурайл үзүүлэх юм одоогийн байдлаар АЛГА л байх шиг байнаа. Зүгээр л муу байна, муухай байна гээд байвал ямар нь хэнд нь сайн байдаг, ямар байх ёстой талаар таамаглах гээд толгой хүрэхгүй л байгаад байна шүү. Сайн байна, сайхан байна гээд байгаа олонхыг бас хүндэтгэж үзэхгүй бол болохгүй ш дээ.

          Яг үнэндээ бол дэлгүүрээс дандаа үнэтэй, чанартай юм авдаг Монголчууд байтугай баян гадаадууд хүртэл тэр бүр байдаггүй, дийлэнх ард түмэн голдуу л хямдыг нь хараад заримдаа бүх талаараа сэтгэлд нийцээгүй ч, нэлээн дөхсөн юмыг МӨНГӨ ТӨЛЖ, худалдаж авч л байдаг гэдгийг хэн ч үгүйсгэж чадахгүй. Энд байгаа мэдээллийн төлөө үнэ хөлс нэхээд байгаа юм алга л байна даг. Учиргүй чанартай юм хийх гээд ур чадвартай хүмүүсийн хайран цаг завыг үрсэн бол юу гэж үнэгүй тараагаад суух боломж үүсэхэв дээ, гарууд бүгд л мөнгөө төлөөд уншаачээ гээд л сууж байгаа шд. Мөнгийг нь төлөхгүй байгаа болохоор Австралийн визний мэдээллийг чөлөө заваараа үнэгүй орчуулаад суух орчуулагч ч өнөөдрийн байдлаар төрөөгүй л байгаа. Оюутны Визний зуучлал явуулах гэсэн хэсэг бусаг хүмүүс л бие дааж хөөцөлдөх боломжгүй, бүрдүүлэх материалын тухай үнэр ч байхгүй ерөнхий мэдээллийн талаар жаахан жуухан оромдсон харагдаж л байна, тэр нь тэгээд шинэчлэгдэхгүй мянган жил болох юм, ядаж шинэчлэгдсэнийг нь эндээс нэмж хараарай гээд тавьчихвал цаг тухайд нь өөрчлөгдсөн юмнуудтай нь уншиж танилцаад явмаар байдаг.

          Хэдэн орчуулагчдад маань чадвар нь байгаад байдаг, сэтгэл нь, цаг зав нь байдаггүй л юм шиг харагдаад байна даа. Өдийг хүртэл Австралийн Монголчуудын байдлын талаар юм бичсэн хүн бараг алга, базаахгүй бөгөөд эзэн нь мэдэгдэхгүй л юмнууд мэр сэрхэн олдох юм. Эзэн нь би байна гэж байгаад, юу бодогдож явдгаа биччихвэл ардчилалаас өмнөх Монголоор хүмүүжчихээд, австралид ирж аргаа олж амжаагүй яваа монголчуудад маань их л хүндхэн тусаад байдаг бололтой юм, хэхэ. Монголчууд маань хаа газар туг ч барина тугал ч хариулна, одоогоор Австралийн Монголчуудын дотор тугалчидын тоо нь олон байгаа учраас жинхэнэ үнэнийг хамаагүй дэлгэхэд бэрхшээлтэй байгаа бололтой юм. Уул нь тугалчидын тоог цөөлж тугчины орон тоог нэмэгдүүлэх тал дээр туслалцаа үзүүлж байгаа гэсэн талаас нь харвал бас зүгээр юм уу.

          Энд тэндэхийн тугалчидад маань тугаа мандуулах боломж хайхад нь нэмэр тус болчихоор юм одоогоор олдохгүй байгаа тал байна шүү. Австралийн Монголчуудын тухай ганц юм олсондоо баярлачихсэн Ам хэл нь ч гүйцэгдэхгүй тугалчид л зөндөө зүгээр. хэхэ. “Хүн болж төрсний учир чи хүний дайтай амьдарч сур” хэмээн найрагч Р.Чойномын шүлгэн сударт дурьдсан байдаг. Ийм мундаг нэр алдараа дуурсгахаар хүмүүсийн дайны бичиж чадахгүйгээс хойш муу юмаараа нэрд гарах хэнд ч хэрэггүй ш дээ. Мундагууд нь л нэрээ, хийсэн, бүтээсэн юмтайгаа жагсаагаад харуулчихад л болчих гээд байна.

          Ленин ах, детектив зохиолч Чейз ах нартай үзэлцэж чадахгүй байж бас тэр хачин амьтадыг илрүүлэх гэж өөрсдийгөө зовоож яана. Зарим хүнд ийм тийм ойлголт төрөөд байгаа юм байна л гээд хараад авлаа даг, болоошдээ. Магтаад биччихээр бас л манийгаа барьж идэх шахаад хамаг байдаг муу үгээ дуусгасан тохиолдлууд ч байгаа шүү дээ. Олон талаас нь бичсэн юм ганц нэгээр ч болов байх хэрэгтэй л баймаар. Хүний нэрийг тавьж байгаад, тэр муу тэглээ ингэлээ гэвэл харин үнэн байсан ч гэсэн жаахан базаахгүй зүйлд тооцогдох л байх. Тэр сайн хүн шүү гээд биччихээр хүртэл болдоггүй л юм шиг байшд, хэхэ. Арван хуруу тэгш хүн байхгүйгээс хойш ухаад байвал юм гарч ирэх нь угаасаа л тодорхой шд. Хасахыг нь хасаад, хазайхад нь түшээд, хамтраад юм хийчих боломжгүй байгаа бол ядаж бичээд тавьчихсан юмнаас санаа аваад сайжруулсан хувилбар гаргах хэрэгтэй л дээ. Австралид байдаггүй сүрхий сүрхий хүмүүс санаа аваад өөр чиглэлээр сонин, сэтгүүл, ном, гарын авлага хийгээд эхэлцгээчихсэн л байна шүү. Австралийн Монголчууд маань ч бас сэтгэх л хэрэгтэй байна даа. Юмыг харах өнцгөө хааяа өөрчилж барьж туршиж байхгүй бол ийм чигээрээ ирэх зууныг угтах их аюул нүүрлэсэн байна шүү. Хааяа хийх юм ихтэй ядаж байхад, хийгээд тавьсан юм муулах, гоочлох завтай хүмүүс нэлээн гарч ирнэ шүү дээ, өөдөөс нь засаад тавьчихаа, андаа гэнгүүт зав нь гэнэт байхгүй болчихдог нь харин их сонин содон санагддаг даа. Өмд өмсөж үзэхээрээ, өвдөг цоорхойнууддаа санаа тавьбал зүгээр гэнэ лээ шүү. Өмдтэй хүмүүсийг олшруулах гэж үйлээ үзэж, үсээ зулгаасаар байгаад өвдгөө цоолсон ч юм билүү. хэхэ.

          Баян аав ядуу аав гэдэг олон улсын бестселлер номыг бичсэн Роберт Киёoсаки хүртэл өөрийгөө баахан муу бичсэн, муухай бичсэн, шүүмжлэлүүд их ирж байна, ирэх ч ёстой, хэл шинжлэлийн ямар ч авъяасгүй хүн бичсэн шүү гэсээр байгаад хэдэн хуудас цаасаа Монголын бүх хүн амын тооноос ч олон хувиар нь зарчихсан л байсан даа. Мань мэтийн мангаруудыг бол ч навс шүүмжилсэн байна лээ дээ. Нэр цохоогүй ч гэсэн туйлшрах дуртай хүмүүс уншчихвал ч бидний эцэг эх, ард түмэн, бидний итгэл үнэмшлийг аймшигтайгаар няцааж, биднээр тохуурхсан байна лээ гэх хүн ч гарахаар л юм билээ. Зөв тусгаж авсан хүмүүс нь харин олон байгаа байх. Тэгж бичээрэй, тэгвэл хүнд хүрнэ гэх хүн бодвол байсан л байх, Шарон Лехтер ч билүү нэг эмэгтэйгээр засуулсан гэчихсэн байх шиг байсан шүү. Монголчуудын дотроос тэгж бусаддаа санаа тавих хүн дараа гарч ирэх юм байгаа бизээ. Өө сэвийг нь л түүгээд, хэл амаа билүүдээд суухаа бодож байхаар, хэрэггүйг нь танаад, хэрэгтэй байж магадгүйнүүдээс нь түүгээд нэг юм босгочихоод, дараа нь хийчихсэн юмтай хүн шиг, тэр олон долоон юмаа ярьж бас болдог л юм шиг байна лээ шүү.

          Тэгэхээр ямар ч байсан хэдэн хуудас цаас нийлүүлээд ганц, ганц доллараар зарахад л саятан болчих боломж байгааг харж байна уу. Гол нь цаас ямар байх, цаасан дээрх нь ямар байх нь онц биш, цаасан дээр нь ЮУ байх нь сонин байдаг шиг байгаа юм. Австралид энэ номын хэд хэдэн Англи хэл дээрх ботийг гуч, гучин доллараар авчихсан л байгаа. Хүнтэй харилцах, хүнд юмаа ойлгуулах тал дээр хувийн туршлагаа нэмэгдүүлэх их ажлынхаа эхэн хавьцаа явж байсан нэгэн томхон санаатай хүү энэ номыг уншчихаад хүн болгоныг мулгуу, мунхагийн ангилал руу оруулаад байсан юм. Би л лав тэр насаараа ядуу зүдүү, өглөөнөөс орой хүртэл үхтэлээ ажиллах бүлэгт нь орчихсон л тууж яваа харагдсан юм шиг байна лээ. Хэхэ, миний өмнөөс бухимдаж өгсөнд нь талархахаас яахав. Би ч тухайн үедээ зэвүү хүргэсэн золиг шүү гэж бодоод л өнгөрч байсан юм, дараа нь яахав нэг уншиж үзээд, тэрний нүдээр, өөрийнхөө тэр үеийн байдалд дүгнэлт хийхээр сурч боловсрох, хувийн амьдралаа хөл дээр нь босгох гээд үхэж хатаж явсан залуухан ядуухан үе маань тэгж ойлгогдоход хүрсэн юм байгаа бизээ. Гэхдээ л тэр үед гэнэн тэнэг явсан тэр залуугийн дэргэд би амьдралд арай урьтаад хөл тавьчихсан, гэр бүлийнхээ өмнө хүлээсэн үүрэг хариуцлагаа үүрч дүүрэх гэж тэрний төсөөлөхгүй явсан юмыг туулж явсан юм чинь аргагүй шд. Өөр өөр амьдралтай хүмүүс өөрсдийнхөөрөө л юмыг ойлгоно, амьдрал үзээгүй юмнууд бол ялангуяа хоосон цэцэрхэл, хийрхэлээрээ гаргуун ш дээ. Би ч гэсэн залуу байна, юм үзээгүй байна, адилхан л зарим юман дээр буруу л бодолтой явж л байгаа. Харин монголын нөхцөлд зөвдсөн ч бай буруудсан ч бай зүгээр суудаггүй, хөдөлмөрч зан хэрэгтэй гэдэг дээр бол би өөрөө биелүүлж чадахгүйд хүрсэн ч, үзэл бодлын хувьд бол бууж өгөхгүй. Бүгд бүгдээрээ баячуудын ангилалд багтана гэж юу байсын, зарим над шиг мангаруудыг морь нохой мэт зүтгүүлж байж л цөөхөн хэд нь баяжина ш дээ. Бүгд бүгдээрээ зүгээр суугаад мөнгөө үржихийг хараад сууяа гэвэл хэн нь үржүүлж өгөх гээд махарч зүтгэх юм болж байнаа, хэ хэ. Одоо харин ч залхуу бөгөөд бусдыг зардаг ангилал руу эрчээрээ л явж байна даг, гэхдээ тэр нь ч гэсэн бас муу бөндгөрийг маань хэт их хэрэглээнд оруулаад бэрх л эд байна даг, өөрийгөө л хичээж байвал барав, хүн харыг шүүх маань ч яахав. хэхэ. За ямар ч гэсэн тэр номыг нь аваад нэг хүнийг ч гэсэн хурдан баяжуулахад хувь нэмрээ оруулж л авлаа зүгээр. Номноос олох зуугаадхан сая доллар мэт нь энэ хүнд жорлонгийн цаас төдий л юм байхаа. Мань мэт шиг аав ээж, ах дүү нарын асуудал гэж энэ барууныханд алгаа, маниус бол тэр минь, энэ минь гэсээр яваад баяжиж дуусалгүй л чадхийх байхаа, нээрээ. хэхэ.

          Энэ нөхрийн ядуу ангилал руу чихээд байгаа юм хүлээж авах чадвараа хөгжүүлэх бодолгүй хүмүүс харин тархиа цэнэглэх бодолгүй явдгаа одоо бусдад тулгаад, тэрийг нь хүлээн зөвшөөрөөд окей, тэр чигээрээ байж л бай л даа гэхээр өөрсдөө хийчихсэн юмгүйгээ олж харахгүй, өө сэв хайгаад л дотор нь харанхуйлаад унах юм даа. Маний мэдэхгүй орчлонд л амьдардаг бололтой юм. Давай, пожалуйста, дэмжиеээ, туслаяаа гэчихээр л ухаан нь хүрдэггүй юм уу яадаг юм улам л доошлоод, цаашлаад байх болтой юмаа. Өрөвдмөөр л юм. Уншсан юмнаасаа гээхийг нь гээж чадахгүй хүмүүс уншиж сурталаа уураа татаж сурах хэрэгтэй л байх. Би бүүр аймшгаа комментуудын эздэд бол юу ч хэлэхгүй ээ, хэлэлцээд ч ойлголцохгүй, харин зарим нэг сэхээ авч магадгүй төөрөлдөөд яваа байж магадгүй улсад нь хэлэхэд Мэдээллийн эрин зуунд, мэдээлэл муутай явдаг хүмүүс бичгийн чадвартай байгаад ч нэмэргүй нь ойлгомжтой тул дутуугаа нөхөлцөөд, чадах чадах юмаа хийгээд, будаа идэх юм байвал бусдаасаа санаа аваад, сайн чанарын нийтлэл гараасаа гаргаад суух тал дээрээ л сэтгэлээ чилээцгээвэл илүү зүгээр шүү гэмээр байнаа. Миний алдаануудыг надаар дуусгахгүй, дараа дараагийн монголчууд нь яагаад заавал үзэх, туулах ёстойг нь тайлбарлах ноцтой шалтгаан хэрэгтэй л байна. Бас энэ мэдээллийн таргет нь цөөвтөр луйварчин, лоббичин баячууд биш, харин тоо нь олшроод болохгүй байгаа ядуу залуучуудад зориулагдсан гэдгийг ойлгох чадвар олж аваарай. Буруу ангилал руу орж ирчихээд, амьдралд нийцэхгүй юм яриад байгаа нөхдүүд одоо боль боль.

          Монголчууд цөөн цөөнөөрөө ирээд буцдаг ч Австрали хэмээх нэрнээс нь цааш А ч байхгүй Азийнх гэдгийг нь ч мэдэхгүй энэ улсын талаарх мэдээлэл монголоор яагаад ийм ховор хомс байдаг юм бол гэж одоо ч гайхдаг хэвээрээ л явж байгаа. Удахгүй энэ байдал арилах байхаа. Энд элдвийн нийтлэл, эссений уралдаанд орох гэсэн хүн огт байхгүй, оруулчихвал түрүүлэх гээгүй нь бүр ойлгомжтой тул бусдыг зөвхөн хэрэгтэйгээ ялгаад, шүүлтүүрээрээ шүүгээд, шүүмжүүддээ тулгуурлан илүү сайн мэдээлэл хайх, өгөх боломжтой болоосой гэсэн сэтгэлийн үүднээс л зөвхөн өөрийн хувийн туршлага дээр үндэслэсэн мэдээлэл өгөх гэж оролдох шүү аядсан болно. Санаа аваад сайн бичдэгээр өөрсдийгөө тодруулаад байгаа хүмүүс нь гарын авлага ч болов гаргачих санаачлагатай байвал зүгээр шүү. Заавал Австрали нь хамаа байжуу Америк, Англид хөлөө олох тухай, Англи хэл, Интернетийн талаар ч байж бас болно ш дээ. Одоогоор Австралийн тухай бичигдсэн ямар нэгэн юм байгаа гэж дуулдахгүй л байна даа. Сайн бөгөөд сонирхолтой мэдээлэл болсон байна гээд байгаа олонхоос нь боломжоороо судалгаа аваад, ямар мэдээллүүдэд голчлон анхаарсаныг нь мэдэж чадвал хөөрхөөн ном энэ тэр гаргаад Интернетийн хэрэглээ муутай андуудаасаа 5 нугарах ашиг хийж болохоор байна гэнэ шүү цаана чинь. Арай чухал юманд цагаа үрдэг болчихвол супер монголчуудын маань хав дараад байгаа шижир алт шиг шигшмэл авъяас нь нуун дарагдахгүй, хэрэглээнд ороод, хэдэн монголчуудад маань нэмэр болоод явж магадгүй л шинжтэй.

          Өмнө нь Австралийн Монголчуудын талаар хэн нэгэн нь бүрэн хэмжээний мэдээлэл бараг үлдээгээгүй, хэл ам ихтэйг нь мэдсэн үү яасан ам нээх бодолгүй, Австрали дахь Монголчуудын аж амьдралын талаар нутаг нэгтнүүдийнхээ мэдлэгт дусал нэмэрлэх боломжгүй, амиа бүрэн тээдэг болж амжаагүй яваад байсан байж магадгүй байгаагаас үүдэн Америк Английг аль хэдийн гүйцчихээд удсан Англи хэлтэй, айхтар баян, амгалан тайван энэ улсын талаар Монголчууд болон Монголчуудынхаа тоонд багтсан би хүртэл анхны мэдэгдэхүүн ч байхгүй, Австрали улс руу зүглэгсэдийн тоо асар бага байсаар ирсэн нь одоогийн байдлаар ТУЙЛЫН үнэн ба анх ирэгсэд маань аргаа сайн мэдэхгүй, асуудлуудаа байнга ихэсгэж, амьдрал дахь алдааны тоогоо нэмэн барин амь зуухад хүрдэг байсан мэт сэтгэгдэл төрж байгаа ч олон хүмүүстэй орооцолдох шаардлагагүй, оюутан сурагчид гэх мэтийн түр амьдрагсадын хувьд заавал мэдэх хэрэгцээгүй зүйлүүд ч дурьдагдсан байж болох л юм. Ямар нэгэн юм хийх гэж дөвчигнөхгүй л бол амьтан хүний хоолноос булаацалдахгүй, амь амиа борлуулаад, аргаа олоод, амьдралаа дээшлүүлээд явж болох байх.

          Мэдэх, туулах албагүй зүйлс гэж бас олон байдаг бололтой юм. Боломжоороо тойроод гарч байгаараа гэж зөвлөх байна. Бас болж өгвөл хэлээ хазаж, амаа үдэж, хэдэн хөгшчүүлийн хөлд нь сууж сурахгүй бол ардчилалын талаар ойлголт муутай байгаа Австралийн Монголчуудын дунд ангалзаж, таахалзаад байж болдоггүй гэнэ шүү. Одоогоор Австралийн Монголчуудын дийлэнхийг залуувтар гэж хэлэхэд хэцүү байна. Нас нь дандаа явчихсан хүмүүс л дийлэнх юм шиг харагдаж байна. Эсвэл уулзалддаг хүрээнийхэн нь л хөгшчүүд байх, залуус ер нь нэг их томхон юм зохион байгуулж, уулзалдацгаах нь ховор юм. Ер нь тэгээд хаа газар л олон янзын хүсэл сонирхолтой, огт өөр насны бүлэгт хамаарагдах, олигтой олиггүй амьдарч яваа, оюутан сурагчидаас бусад төрлийн Монголчууд Австралийн зарим хотуудаар тооны давамгайлсан байдлаар аж төрөн амьдран суудаг тухай одоогоор үүнээс өөр хаанаас ч дэлгэрэнгүйгээр нь олж харж чадахгүй нь үнэн. Дараа харин ингэж хэлэхээргүй болсон байгаасай гэж маш их хүсэж байна даа.

          Монголчуудын эв нэгдэл

          Энд байгаа бидний хэдхэн Монгол бүх 6 муж, 2 дэвсгэр нутгийнхан нийлээд нэгдээд ганц мянга ч хүрэхгүй л байна, албан бус тооцоогоор хагас мянга л гэж яригддаг, бүгд л дам сургаар цөөн хүний хэлсэний дагуу л тухайн мужын монголчуудын талаар бяцхан төсөөлөл авч амьдардаг. Ихэнх нь Австралийн Монголчуудын тоо толгой макс нь 200 байгаа гэсэн ойлголттой л явдаг байх. Тас мэдэхгүй, мэдэхийг ч хүсэхгүй, тархай бутархай байх сонирхолтой хүмүүс нь одоогоор олон л байгаа. Тэс хөндлөн юм яриад, шал буруу ойлгоод явдагуудын тоонд нь орчихсон давхиж байж ч магадгүй байгаа тул одоогоор БАЙХГҮЙ байгаа бусад олон эх үүсвэрээс бас давхар сонсож судалж байх хэрэгтэй шүү. Элчин байгуулагдах сурагтай байсан, арай баримттай тоо бүртгэл, мэдээ мэдээлэл өгдөг болох цаг ирэх байлгүй дээ л гэж горьдоод сууна. Энд байгаа хэдэн Монголчууд маань Австралийн хаана нь хэдэн Монгол байгааг мэдэхтэйгээ манатай, ихэнх нь визний асуудал болон хувийн амьдралаасаа илүү гарч амжихгүй явсаар өдийг хүрсэн бололтой.

          Одоогоор өөр олигтой мэдээлэл олдохгүй байгаа учраас толгой гэж олгой болсон мань мэтийн мангуунуудаас өөр төсөөлөлтэй, өөр бодолтой явдаг тасарцан ухаантай, тэр ухаанаа авсандаа тэврээд орж мэдэх гоц хүмүүсээс АЗ таараад олж чадвал нэмэлт мэдээлэл авч байх нь зөв. Гоц гойдууд маань өөрсдөө мэдээлэл солилцох аргаа олохгүй, арваад жил амиа борлуулж явсан бөгөөд, тэрнийхээ үр дүнг гаргасан эсэх нь одоогоор бүрхэг хэвээрээ харагдаж байна. Одоогоор учиргүй сайн сайхан яваад, өөрсдийн чадал чансаагаар Австраличуудын зэрэгт хүрээд амьдралаа аваад явчихаж байгаанууд нь үнэхээрийн цөөн юмаа. Хөдөлмөрөөрөө авсан байшин савтай хүний тоог гаргахад гарын хуруунууд маань лав илүүдээд л байна. Олон хуруутууд үнээрийн хэцүү юмаа. Австралид ажил хийдэг дундчууд нь байшин, савгүй байна гэж барагтай бол байхгүй юм. Дундаж болон дундаас дээш Австраличуудын хэр амьдардаг талаарх ойлголт энд байгаа Монголчуудад маань ер нь бараг алга даа, яахав гайгүй газруудын зарц барлаг хийж явахдаа л luxury style-р амьдрагсадын талаар бүүр түүрхэн ойлголттой болсон хэдэн хүн бий л байх, өөрсдөө тэр зэрэгт хүрэх талаар No Way гэсэн л улс байдаг юм байна. Сэтгэлгээ нь тийм ядуу байхаар чинь ядуу чигээрээ л үлдэхээс яахав.

          Зарим нь ч бүр харилцдаг хүрээнийхээ хүмүүсээр л Австраличуудыг төсөөлөөд явах юм. Австрали нь ер нь ямаршуу улс болчихоод байгаа, болох гээд байгаа талаар ч мэдэж буй юм алга, их л мэдээлэлээс хол, мэдлэг дутуу, тэрийгээ ч мэдэрч байгаа янз алга. Их л дээр үеийн юм ярисан, маш явцуу хүрээнд сэтгэдэг, амьдралаараа хохирсон, тэрийгээ ч олж харж чадахгүй яваа Монголчууд л ихэнх болчихоод байгаа юм байна. Тийм хэвээрээ байж л байхаас. Би ч бас тэднийхээ л нэг нь юм чинь одоо яахав дээ. хэхэ. Надад бүх хүн таалагдах албагүй, би бүгдэд таалагдах албагүйгээ маш сайн ухамсарлаж байгаа. Хүн бүр амьдралаа өөр өөрөөр зохион байгуулдагаас хойш миний нүдэнд доошоо орчихсон харагдаж байгаа хүн өөрийнхөө хүрээлэл дотроо бол болж бүтээд, өл залгаад сайн сайхан явж байгаад нь л тооцогддог байлгүй, хэхэ.

          Супер монголчууд

          Минийхээр Амжилтанд хүрсэн Монголчууд: success-of-mn-in-au

          Цөөвтөр сайхан хүмүүсээ бол би дотроо маш их хүндэлж явдаг юм. Тэднийг Монгол хүн шүү дээ гэж бахархангуй бодож явдаг даа. Тэдний үйлс хэрэг, үйл хөдлөл, туулсан амьдрал нь надаас гадна бусад олон олон Монголчуудад маань тус дэм болж, үлгэр дуурайл үзүүлж, амьдралд нь сайнаар нөлөөлж байгаад итгэдэг, мэдэрдэг, олж хардаг. Тэд маань хэдий цөөхөн ч багагүй хүмүүсийн хэрэгцээг зохих хэмжээнд хангаад явж байгаа. Одоо харин зарим чадах юмнуудаараа нэгдээд хааяахан ч болов томхон хөдөлцгөөж байвал зүгээр л юм шиг санагддаг. Манайхан тэгээд хаа ч очсон тамын тогооны шанага хутгуурнаасаа салчихгүй санаатай, зууралдаад байдгаас хойш зарим нэгэнд нь ганцаараа, одиноороо л зүтгэцгээж байсан нь амар байдаг ч байж магадгүй л юм.

          Хаа газар гайгүй яваа Монгол л дуулдвал гадаад хүнтэй л суугаа биз, гадаадуудаар л хамаг юмаа хийлгэж байж гарч ирээ биз гэсэн хардлага хүн болгонд төрдөг хойно. Эхлээд Made in Mongolia – 100 хувийн Монголын бүтээгдэхүүн гэдгээ дуулгаж байж, дараа нь сайн сайхан явж байгаагаа хэлэх хэрэгтэй байдаг гэнэ лээ шүү. Тэгээд ч гадаадуудтай суусанууд нь тэрийгээ эхэндээ жаахан нуудаг, санаа нь зовдог гэгддэг юм билээ. Хайр сэтгэл бол харь сэтгэл биш учраас гадныхантай суусануудыгаа гадуурхах хэрэггүй дээ л гэх байна даа. Харин ч тэдэнд монголчуудаа гэх сэтгэл, боломж илүү их байдаг шиг санагддаг. Үнэхээрийн тасарч гарч ирж чадсан, бүх юмаараа Монгол байж чадсан хүмүүст бол хэлэх ч үг байхгүй, u guys ROCK! Хамгийн хүнд зам туулж, хаалтгүйгээр ганцаараа мацаж гарч ирж чадсан нь үнэхээр бахархалтай зүйл шүү. Хангай шиг түшигтэй Ханагар сайхан улсаа ардаа үлдээчихсэн нөхдүүд шүү дээ бид чинь. Монгол шиг ямар танил тал, авилгалаар аргалж байж гайгүй амьдралд хүрнэ гэх биш, үнэхээрийн өөрсдийнх нь хүчин зүтгэл л агуу их амжилтанд хүргэжээ л гэхээс яахав.

          Монголчуудын Холбоо - http://mglaus.wordpress.com

          Австралийн анхлан ирсэн цөөхөн хэдэн Монголчууд нь сууриа буруу тавьсан байж магадгүй байгаагаас үүдэн өдийг хүртэл Австралийн Монголчуудад чиглэсэн нэгдмэл ямар нэгэн сүлжээ бий болж гарч ирээгүй, мэр сэрхэн оролдлогууд амжилт олж чадаагүй, сүүлд ирэгсэд болон ямар нэг алхам хийсэн, эхлүүлсэн Монголчуудыг өөлж, гоочлох, үгүйсгэх, хардаж сэрдэх, шүүмжлэх тал дээрээ маш сайхан чадварлаг ажиллацгаадаг ба бусаддаа чөдөр тушаа болох талаар маш уйгагүй идэвх зүтгэлтэй ханддаг бүлэг улсууд маань өөрсдийн зүгээс ямар нэг алхам ХЭЗЭЭ ч хийхгүй, хий гаргахгүй, бусаддаа дэмжлэг үзүүлэх бодолтой явдагуудаа шахан зайлуулах хүсэлтэй мэт сэтгэгдэл төрүүлж байдаг. Үүнийг маш олон зүйлээр амархан харуулж чадна.

          - Австралийн визний нийтэд зориулсан материалын Монгол орчуулгууд бараг байхгүй. Оюутны визний талаар нэлээн бүрхэг бөгөөд бие даан хөөцөлдөх боломжгүй, зарим нэг хувь хүмүүс, байгууллагын ашиг сонирхолд нийцсэн бага сага мэдээллүүд монголоор олдож байгаа ба ажлын виз, орогнол хүсэх виз, жуулчны визний талаар Монголчуудын мэдлэг дутуу байгаагаас цагаач орос, индонез, лебануудад Монголчууд маань мөнгө төлж, визний мэдээлэл авч байна. Хэрэв Монголчуудын дотроос визний зөвлөгөөг албан бусаар өгч байгаа нь илэрвэл хууль бус үйлдлийн тоонд оруулж, Австрали улсын шүүх, цагдаагаар явах санаатайгаа илэрхийлж буй МОНГОЛ хүмүүс хүртэл байдаг нь маш харамсмаар зүйлийн нэгд тооцогдоно.

          Тэгж ярьвал монголд тэр хууль бусад тооцоод байгаа үйлдлийг нь улаам цайм хийгээд яваа Монгол улсын бүртгэлтэй виз зуучлалын товчоонууд хогоороо л байна даг. Хэрэгжүүлж чаддаггүй, хэт их мэдлэгээ дандаа буруу ашигладаг балай Монголчууд нь Австралиас лав зайлах бодолгүй л байгаа юм гэсэн. Бараг наана нь маниус нь зайлж өгч тэдэндээ буян үйлдэх байх. хэхэ. Байгаа дээр маань ашиглаад авахаа л бодоход болоошдээ. Тэдний тэр тэнэг биш мундаг бөндгөрөөр нь амьдарсан бол өдийд тэднээс ялгарах юмгүй, яанаа гээд явж байгаа хүмүүст нь ярвайсан ярзайсан царайгаа харуулаад л сууж байгаа байлгүй. Визний хуулиар нь мэдлэг сайтай Монгол хүмүүс албан ёсны зуучлал явуулах Австралийн хуулийн фирм байгуулах л гэж байгаа л дуулдаад байшд. Заавал бусадтай адил нэгэн хэвээр цутгасан робот байх албатай биш дээ, өдийг хүртэл амжилт олж чадаагүй яваа, өөрсдийгөө яая даа гэсэн Монголчуудаас нь бас арай өөрөөр амьдармаар байшд.

          Ямартай ч яг одоогийн байдлаар танил талгүй л бол Австралид ирж буй визний мэдээлэлгүй Монголчуудын ирээдүй тун бүрхэг байсаар байна, байсаар ч байх прогнозтой байсныг нь байлгахгүй санаатай үзэлцэх хүмүүс гарч ирэх гээд ч байгаа ч юм шиг, уул нь Консул, шинээр ирж буй Элчин энэ тэр нь энэ тал дээр бас дэмжлэг үзүүлэх ёстой хүмүүс яах аргагүй л мөн санагддаг даа, эцэслэн шийдвэрлэх асуудлуудынх нь тоонд энэ Австралийн визний Монгол орчуулгуудын асуудлыг заавал нэн түрүүнд нь оруулах хэрэгтэй гэж бодож байгаа. Бид цөөхөн байсан нь үнэн, гэхдээ олшроод эхэлчихсэн, цаашид ч үүнийг юу ч зогсоож чадахгүй, хувиа хичээгчид ч үүнийг мэдэрч эхэлсэн байх гэж бодож байна. Нэг л их юм мэддэг царай гаргаад суухын, мэдлэгээ хүнд хэрэглүүлээд эхэлчихмээр л байна даа. Мөнгийг нь төлсөн ч яахав дээ, хэхэ. Сүүлд ирэгсэд ч ер нь тэгээд тэднээр дутахаа ч байсан байна шүү. Эвлэлдэн нэгдье, хамтрая гэвэл ок ш дээ. Тэгээд ч шинээр ирэгсэд тэр бүр ямар нэг юм хийж, эхлүүлж, амьтан хүний хоол булаацалдахаасаа илүү өөрсдийнхөө л учрыг олж байвал их юм байдаг байлгүй.

          - Австралийн талаарх Монгол хэл дээрх ном, гарын авлага одоогоор олдоц МАШ муу байгаа, энэ тал дээр хэл шинжлэлийнхэн нь хүртэл хэзээ ч санаа тавьж ирээгүй. Хаа нэгхэн ганц хоёр нийтлэл хэвлэгдмэгц худлаа байна, бичихээ боль, чи чадахгүй байна гэсэн хандлага байнга үүсгэдэг ба мэдээд байгаа тэр их мэдлэг нь хэзээ ч ил гардаггүй, гарсан байлаа гэхэд танилын хүрээнээс нь хальж үзээгүй байдаг байж магадгүй. Лав одоогоор сүрхий бүтээл гарчихаж гэж дуулдаагүй л байна. Оллоо.мн, Ардчилал зэрэг сонингуудаар гардаг нийтлэлүүдийн коммент дээр дандаа л биш байна, болоогүй байна л гэсэн юм байхаас биш надаар эхлээд хянуулаарай, би арай илүү мэдэж магадгүй, ийм ийм юмыг нь тэг ингэ гэх талаас нь хандаж сурсан хүн цөөхөн харагдаж байна шүү. Тийм хүмүүсээс залуус бид чинь тийм л үлгэр дуурайл авч байна шүү дээ.

          - Австрали дотроо байгаа Монголчуудад зориулсан нэг ч нэгдмэл сүлжээ, мэдээллийн самбар, зарын булан, вэб хуудас одоог хүртэл үүсээгүй байсан. Нэг хүн имейл групп үүсгэж байсан боловч олны дэмжлэг авч чадаагүй, тэнэг мулгуу, ашигч, шог энэ тэрээрээ дуудуулсаар нутаг буцсан. Ашиглуулчихаар олон монгол ч тэр үед байгаа ч үгүй л байх, худлаа л ашиглах гэлээ л гэж ганц нэг гарч ирсэн хүмүүсээ хардаад, хараар будаад, хаашаа ч очсон хараалаар булаад л байсан санагдана. Ер нь эв нэгдэлийн талаар ойлголт багатай хэдэн тархай бутархай Монголчууд маань танилынхаа хүрээний 20 гаруй хүнтэйгээ утсаар аргалаад ярьчихаад байдаг болохоор ямар ч юмыг тэрүүхэндээ булагнаад мэдэгдэхгүй өнгөрчихдөгөөс нийт олныг хамрахад ямагт хэцүү байсаар ирсэн шиг байгаа юм. Одоо ер нь тоо толгойгоо гар, хөлийнх нь хуруунаас илүүгүй хэдхэн хүнээрээ төсөөлөөд явдгаа болих хэрэгтэй, тэдний төсөөлөхгүй яваа олон Монголчууд нэмэгдчихсэн, тэднээс олуулаа болчихоод байна. Зөв ашиглаж чадвал зөв л үр дүн гарах байх.

          - Гадаад руу цувах Монголчуудын их нүүдэл улс оронд маань нүүрлэснээс хойш өдийг хүртэл Австралид байгаа Монголчуудын тоо толгой хэтэрхий бага байсаар ирсэн ба ихэсгэх тал дээр ядаж санал солилцох бодолтой хүн тун цөөн, ядаж нэг нэгнийхээ асуудлыг ганц ганцаараа биш нийлж байгаад ээлжлээд шийдээд өгчихвөл амар л байдаг баймаар. Цусны юм байдаг юм байгаа бизээ. Эвлэлдэе нэгдье хамтрая гэж хамаагүй зарлавал нөгөө өмнөх нөхдүүдийн араас орж магадгүй л байх. Бусдынхаа тус дэмжлэггүйгээр бүхнийг даван туулж чадах Монгол хүн гараад ирдэг юм бол ч тэр хүнийг үнэхээр шүтэн бишрэхээс яахав. Бусад улсын коммунитийг харахаар нэг нэгэндээ нэмэр тустай, байгаа газраа хүртэл бахархмаар сайхан амьдарч чадаж байгаа л харагддаг даа, бид нар хэзээ нэгэн цагт тийм болно доо.

          - Монголд байгаа хэд маань байтугай Австралийн Монголчуудад хүртэл энэ улсын талаарх мэдээлэл, эдийн засаг, ажлын байр, ирээдүйн прогнозын талаарх мэдлэг хэтэрхий дутмаг байгаа, байсаар ч байх шинжтэй, байлгахгүй байх талаар ямар нэг ажил өрнүүлбэл маниус шиг хүмүүст, мөн хэл ус муутай хүмүүст хэрэгтэй л байна, бидний хэрэгцээг сонирхож үзсэн хэл устай, мэдээлэл сайтай хүмүүс хэзээ гарч ирэх юм болдоо.

          - Австраличуудад Монголын талаарх мэдлэг мэдээлэл бараг байхгүй, Монголчуудтай уулзах, хэл соёлын солилцоо үүсгэх, дотно нөхөрлөж, найзлах боломж бага, гадаад хүнтэй суусанууд нь тэрүүхэндээ бас дор дороо амьдралаа залгуулцгаагаад тэр бүр бусадтайгаа гэр бүлийнхэнээ танилцуулахгүй, эсвэл авчирч уулзлаа гэхэд гэр бүлийн хүнийгээ ганцаардуулаад л өөрөө баахан монголоор буу халах хэрэгцээгээ хангаж аваад бушуухан алга болно

          (- За бүр хувь хүмүүсийн чадамжаас халилаа гэхэд 2 улс өдийг хүртэл хоорондоо харилцаа багатай, элчин байхгүй, визний асуудлыг улс дамжуулж, хүндрэлтэйгээр шийддэг байсан, хэдэн уурхай, тэрбум гаруйгаар үнэлэгдэх ордууд илэрсэнээс болоод жаал нааштай өөрчлөлтүүд гарч эхэлж байгаа байх)

          - Монголчуудын Холбоо гэж юм оршин тогтноход бэрхшээлтэй байсан, байгаа, байсаар ч байж магадгүй өнөөгийн бидний бүрдүүлж буй Коммунити-гийн байр байдал

          гэх мэт олон зүйлс биднийг үнэхээр хийх юм ихтэй байгааг бэлхнээ гэрчилнэ. Чадал нь хүрээгүйгээс хийгээгүй байсан, эсвэл таалагддаг хүмүүсийнх нь чадал нь хүрээгүй юмыг хийчихсэн байна гэх мэтийн асуудал байнга үүсгэдэг бөгөөд чадчихсан хүмүүсээс нь чамлачихаар юм хайгаад л, өөрсдөө түшиж дэмнээд, өргөжүүлээд явж чадахгүй, худлаа бурахад цагаа үрдэг хачин Монголчууд л Австралид одоогоор нэлээн хэд байна. Тэд нь он удаан жилээр олонх байж ирсэнээрээ байнга түрий барих дуртай бөгөөд тэдний итгэл үнэмшил, байр байдал цаг хугацааны эрхээр өөрчлөгдөөд, нийгэмтэйгээ, шинэчлэгдэж буй коммунитигийнхаа хэрэгцээтэй уялдаад явбал уул нь зүгээр л санагдаж байна. Тэд нарыг үеээ өнгөрөөгөөд, хэрэгцээ нь муудаж, хийж гийгүүлсэн юмгүй явсаар байгааг нь коммунитигийн түүх гэрчилж, бүгд л дэмий тэдэндээ харамсаад л, хараад л сууцгааж байна даа. Ер нь хэн нэг нь юм хийчихвэл бушуухан дарж авч санаа нь амардаг нь гэм биш, зан болоод хувирчихсан шиг байнаа, товойж тодрохгүй шиг, далдганахгүй даруухан явбал хэл ам бага шиг татлаад, “даравгар”-ын үүсгэдэг асуудлаас цөөлөөд санааг нь амраах юм байх. Тэгэхгүй бол яаж ийгээд л хөнтрөх, хөмрөх юмаа заавал олоод авдаг гарууд бас байдаг шиг байнаа. Тэрүүндээ баясаад явж л байхаас, маньд хамаатай биш. Тэдэнтэй тэдэнгүй хийх хүмүүс нь хийхээ хийгээд, хэлүүлэх улсууд нь хэлүүлэхээ хэлүүлээд явж л таараа.

          Шинээр ирэгсдэд

          Юутай ч өнөөгийн байдлаар танил талгүй, мөнгө муутай шинээр ирэгсэдийн хувь заяа тун ээдрээтэй бөгөөд хөлөө олтолоо нэлээн мянгуутах шинж тэмдэг илт үзэгдэхүйц байна. Олон жил болсон цөөвтөр сайхан айлууд харин гайгүй хүмүүсийг нь өлгийдөж авах аз ховорхон боловч олдож магадгүй байдаг шиг байна. Бусдаар бол Австралид аргаа олоод аятайхан явах боломж хүн бүрт тохиолддоггүй юм байна гэхээр байгаа.

          Одоогоор Австрали дахь Монголчуудын хувьд ширхэг ч холбоо, клуб, групп, албан ёсны коммунити гэж юм байхгүй бөгөөд байлгах тал дээр хэн нэгэн Чингисийг хүлээгээд байгаа учраас Чингис нь Австралид гүйгээд ирчихгүй нэн бэрх хүлээлтийн байдал үүсээд байгаа юм байна. Ирээд ч нэмэргүй, ирэнгүүтээ хүлээн зөвшөөрөгдөнө гэж байхгүй юм гэнэ. Булт олноороо бусдыгаа хараад хэн нь ч түрүүлж алхам хийхгүй, хийсэн нэгнээ гоочлоод суух санаатай, үүнийгээ жигтэйхэн ухаантай хүмүүсийн үйлдэл гээд баясаад явдаг цөөвтөр удсан хүмүүс бас байдаг бололтой юм. Дуурайгаад л чимээгүй шиг л явж байх хэрэгтэй байдаг юм байхаа.

          Дотроосоо Чингис тодруулах гэхээр довоо сахисан бэртэгчингүүд нь долигонож гүйгээгүй гэсэн асуудал үүсгээд дорвитой юм хийлгэчихгүй, хийчихгүй санаатай суудаг тал байдаг гэнэ шүү. Хүнд нэмэр болох чадваргүйнүүдэд нь бусаддаа гай болох чадвараа хөгжүүлээд суух цаг зав их олддог бололтой юм. Тохироо бүрдэнэ гээчийг нь хүлээ гэх хүн л их байна даа. Өмнө нь цөөхүүлээ байсан юмаа л гэж хаацайлах юм, цөөдлөө цөөдлөө гэхэд Со-д байгаа Их Сургуулийн 20 гаруй оюутнуудын байгуулсан Шинэхэн оюутнууддаа тусалдаг, Монгол хэлний өдөрлөг зохион байгуулаад амжсан Оюутны Холбооны гишүүд нь бид цөөхүүлээ байна, больцгооё гээгүй л бололтой байна шүү. Ер нь яавал болгох талаас нь биш яавал болгохгүй байх вэ талаас нь ханддаг хүмүүс нь энд их удаан байсаар байсан нь нийт олны сэтгэхүйд их нөлөөлдөг бололтой. Тэд бодлоо өөрчлөх эсэхийг нь бол мэдэхгүй, гэхдээ тэдэнгүйгээр байгуулсан холбоо гэж байх ёсгүй гэх гээд байдаг нь харин жаахан инээд хүрмээр л санагддаг юм. Жаахан үнэд орох гэхэд нь үнийг нь төлөхгүй, багадуулаад байгаа бололтой юм. Тэд нь юм бүтээж бий болгохгүй л байна биз, бий болгох гэж байгаа хүмүүсийг нь боль боль гээд байдаг нь харин тусгүй л санагддаг даа.

          Одоогоор энд байгаа хэдэн Тэмүүжингүүд цаг нь болоогүй гэсэн үндэслэлээр буурь сууж, бусаддаа зөвшөөрөгдөн, бяр бяд ортолоо нэгдэх хүсэлгүй нийтэч бус Монголчуудыгаа хааш нь хийх вэ гэсэн бяцхан асуудалтай, дэмжиж буй овог аймгуудаа хааяа хааяа цуглуулан бага Хуралдай хуралдуулж, Их Хуралдайгаа төлөвлөн гүйцгээх ажгуу. Юутай ч өмнө нь хэд хэдэн хүмүүс янз бүрийн юм хийх гэж оролдсон боловч дэмжлэг муу авч, халаа сэлгээ үлдээх боломжуудаар огт хангагдаж чаддаггүй байж дээ л гэж дүгнэхэд хүрч байна. Бүгдээрээ л өөрсдийнхөө юу хийж чадахыг эрэлхийлэхийн оронд бусдын юу хийхийг хараад, хүлээгээд, хийчихээр нь бахаа ханатал буруутган, мохоох, мөхөөх талын юмандаа л цагаа их үрдэг гэх юм. Өдийг хүртэл хоорондоо холбоо харилцаа их багатай, эсвэл маш их хагаралтай явж ирж дээ гэхээр байнаа. Бас жаахан санаачлагагүйнүүд нь арай урьтаад ирчихэж. Ирээдүйн элчин энэ талаар ямар нэгэн арга хэмжээ авч чадах юм уу үгүй юу бүү мэдээ. Бас л төсвийн мөнгө хумслаад, юу ч хийхгүй санаатай суугаад байх вий гэж хий хардсан улсууд л энүүгээр зөндөө байна. Гайгүй л хүн ирж, их юм амжуулах гэж үзэх байлгүй дээ гээд л зөрүүлээд үзэлцээд байгаашдээ, хэхэ. Ядаж юу хийлгэхдээ туслуулах талаараа бодож үзсэн Монгол лав нэг ч алга. Монголчуудтайгаа хэр ойр байж чадах юм байгаа юм мэдэхгүй ээ.

          eConference Result

          Он удаан жилээр Австралид хэвтэх гэсэн том ялыг эдэлж байж, коммунитигийн чөдөр тушаануудыг давж гарах магадлал үүснэ гэх боловч эргүүлээд тэдний нэг болчихоод, хэнд ч хэрэггүй гэсэн нэрээ зүүгээд, залуу халаагаа үргээн хэвтэж байх эмгэнэлт хувь заяа хүлээж буйг үгүйсгэх аргагүй юм. Танилдаа бол ч харин өөр шүү, хэхэ. Нийгмийн идэвх, зүтгэл нь буурсан дунд насныханыг хүч түрэн орж ирэх залуу үе үүсч эхэлсэн нь сүүлийн хэдэн жилд эрс нэмэгдэж буй Монгол оюутнуудын тоо толгой гэрчлэх бөгөөд Австралид түр байж байгаад буцах тэдний хувьд тэр бүр Коммунити удирдаад олон жилээр хэвтээд, бусаддаа нэмэр болоод байх боломж муу байдаг бололтой.

          Австрали улс нь Өртөг өндөртэй бөгөөд Монголчуудын тэр бүр мэдэж, танилцаад, үр хүүхдээ явуулаад байдаггүй Үл танигдах улс учраас ажлын эрх бүхий цөөвтөр оюутнууд маань өөрсдийгөө л болгоод явахаа л бодно уу болохоос, Монгол оюутны холбоо, Монгол хэлний өдөрлөг, Монголоо сурталчлах уулзалт, Шинээр ирэгсэдээ угтах, Төгсөгчидийнхөө үдэлтийн Парри манатай, ана мана ажил төрөлдөө гүйцгээгээд унадаг бололтой. Мөнгө илүүдэх биш ямар. Юутай ч тэд төлбөрөө хийгээд, өөрсдийгөө тэжээгээд явах бүрэн боломжтойг батлаад явж байгаа нь л сайхан юм даа. Тэрийг нь тэдний танилын хүрээнийхэнээс бусад нь мэдэх шанс одоогоор бага л байгаа даа.

          Австрали дахь Монголчуудын компьютерийн хэрэглээ

          Хэдэн оюутнуудаас өөр Интернетийн хэрэглээ гадарлаж, доторлодог Монголчууд ер нь байдаг ч юм уу даа. Хов жив, хэрүүл шуугиан л жаахан бичвэл орж ирж хараад, ганц тэр хэсгийг нь онгичиж уудалж, нэмж баахан бухсан, бухимдсан сэтгэгдлүүдээр нэмэр тус болж аваад л гарцгаадаг шиг байгаа юм. Хэ хэ. Бусдаар бол хүнд хэрэгтэй юм тавьбал олж чаднаа гэж нэг байхгүй дээ, хөөрхийс. Хэн нэгнийг л муулсан, уурласан, хэрүүлтэй юмнуудыг жаахан сонирхож уншдаг шиг байна лээ. Туршилтаар лав тэгж л илэрсэн юм даг. Баасан авгай шиг баталгаатай, баримттай ярина шөө. Хүмүүсийг ямар нэг blog, post, имейл сүлжээ руу анхаарлыг нь татъя гэвэл нарийн тактик, сурталчилгаа ямар ч хэрэггүй, зүгээр л жаахан уурласан, мэдрэлтсэн юм л оруулчихад яг болно. Байгаа байхгүй нь мэдэгддэггүй бөөн бөөн Монголчууд гэнэт газрын хаанаас гараад ирэв гэмээр ороод ирнэ шүү дээ. Гарцгүй баригданаа гэж сайхан юм байгаа юм даа, хэн хэн нь хэний фракцад багтдаг, хэдэн хүн ямар мэдээлэлд илүү эмзэг байна энэ тэр нь дороо л мэдэгдчихнэ.

          Мэр сэрхэн судалгаа явуулахаар Австрали дахь Монголчуудын хамгийн их хүн сонирхдог бичлэгүүд нь одоогоор яахын аргагүй л хов жив, хэрүүл тэмцэл, сэтгэлзүйн хүчирхийлэл, хогон болон шар мэдээнүүд, гүтгэлэг, доромжлол, хор маажсан зэвүүн үгс … яана даа яана, хэхэ. Тэдний өмнөөс хааяа санаа зовж өгөх зав гараад байх юмаа, лайтай юм.

          Бид нар чинь ийм л дэмий юманд толгойгоо мэдүүлэхгүй байх хэрэгтэй шиг байгаа юм. Энд байгаа хэд нь массаараа тийм л юманд ач холбогдол өгдөг байснаас болоод илүү сайхан амьдралд хүрэх хүсэл мөрөөдөлгүй, зүгээр л байгаадаа гацсан, гарцгүй, ямар ч мэдээлэлгүй, мэдлэгээ тэлэх хүсэлгүй, боломжуудаа үгүй хийдэг болчихсон л байдаг шиг байна. Монголчууд маань яагаад сүүлийн хэдэн жилд их бухимдалтай байна гэвэл дандаа бухимдуулахаар юмыг нь сэтгүүлчид түүж бичээд, улам их бухимдуулах нөхцөл байдал үүсгээд байгаа ч байж мэдэх л юм. Тэрнээс сайтай муутай хорвоод сайн сайхан зүйлс, сайн хүмүүс, шударга улс төрч, хөдөлмөрч иргэд, амжилттай бизнесменүүд бас зөндөө л байгаа байх. Бид өөрсдөө муу юм түүж унших гээд байдгаа гөвдөг зангаасаа салахгүй байгаа юм шиг байна лээ. Гоё юм байна, сэтгэл сэргэлээ гэхээр мэдээнүүд массаараа давамгайлаад ирэхээр л ард түмний амгалан тайван байдал сэргэж, улс төржиж дөвчигнөлгүй, урд урдахаа амар жимэр хийж, улс орондоо хэрэгтэй юм сэтгэж эхлэнэ байх даа.

          Авилгалыг бүгд авч байна гээд л өөрийгөө хүртэл хамруулаад л бичих юм, зүгээр явж байсан хүмүүс хүртэл за за бүгд л аваад байгаа юм байна, би ч бас авахаас даа гэж бодтол нь бичнэ гээч. Би өөрийгөө болон ажлынханаа авилгал авдаггүй, авахгүйг хичээдэг, алдаж явсан байлаа гэхэд засаад авах боломжтой хүн гэж бодож байна гэх хүн байгаа байх, байлгахыг хичээе л дээ. Хүүхнүүд задгайрч байна гэж ирээд л эхнэр, ээж, эмээ, эгч, эмэгтэй дүү, найз охин, төрсөн охидоо хүртэл хамруулж ирээд л бухимдацгаагаад л, ха ха. Өөрсдөө л өөр юмнуудаа сайн ажиллуулаад, ойр тойрныхоноо аятайхан аваад явчихад л болоо ш дээ. Өрөөлийн асуудалд хэтэрхий их ач холбогдол өгчихөөд өөрсдөө үмх талх хүртэл хүнд өгчих чадалгүй, өөрөөсөө харамлаад л явж байгаа байлгүй. Өлсгөлөн ядууралд нэрвэгдсэн хүмүүст нэмэр тустай явах хэмжээнд хүрчихээд дараа нь тэднийг засаж авах ийм ийм ажлууд хийгээд барсангүй, үр дүнд хүрсэнгүй гээд буруутгаж суувал зүгээр юм уу, хэхэ. Уул нь юм хийж байгаа хүн бага ч болов үр дүнд хүрдэгсэн дээ.

          Миний ойр орчинд лав тийм ухамсаргүй хүн байхгүй, бидэн шиг хүмүүс бас энэ нийгэмд байдаг юм шүү гэх хүмүүс үлдсэн л байгаасай билээ, хэхэ. Цөөн хүнээс болж, нийт олонхын сэтгэхүйг өөрчилж, буруу зүйлд турхирч байхаар, зөв хүмүүжилтэй, зөв амьдралтай, сайн сайхан яваа хүмүүсийн ааш ааль, амьдрал, зүтгэл, амжилт хөдөлмөр, амьдрах ухаан, арга туршлагаас бас толилуулж баймаар л санагддаг даа. Тэгэхгүй бол залуу үеийнхэндээ үлгэр дуурайл үзүүлчихээр, зөв тийш нь залчихаар сургамжтай, сайхан мэдээлэл маш ховор олдож байгаа учраас Монгол улсыг маань үүрч авч явах дийлэнх жирийн залууст маань бага багаар эвдэрч эхлэхээс өөр зам үлдэхгүй шинжтэй шүү.

          Эвдэрсэнээ засаад, хиртсэнээ угаагаад, хазайснаа түшээд, ханилсанаа дэмжээд, дутууг нь нөхөөд, дургүйг нь хүргэхгүй шиг явбал бидний цөөхөн монголчууд бас ч гайгүй шүү дээ. Нэгнийгээ жигтэйхэн супер болгох гээд нүүдэлчин үзлээсээ салахгүй зууралдаж байхаар нэмэр тустай явахаа бодоод, дэм дэмэндээ байвал дээс эрчлэх мэт чинь ч юу ч биш гэжийшүү. Нийтийн хүчээр нэлээн юмны ард гарч болдог тухай бодит жишээнүүд байдаг гэнэ. Нээнтэглэх дуртайнууд маань дор дороо нэгийг санаж, нөгөөг ухаараад, инээгээд л хүрээд ирвэл малийгаад л угтана шүү. Нэг хүнээс хэт их юм горьдох чинь нийгэмшиж сураагүйн л шинж байдаг юм гэнээ. Би ямар ч байсан алдаа дутагдалаа засах тал дээр айхтар их ажил төлөвлөөд л яваа, амжилттай сайн яваа хүмүүсээр арга заалгахаас өгсүүлээд л ажил их байна шүү дээ.

          Ялангуяа Австрали гэх мэт гадаадын улсад амжилтанд хүрсэн Монгол хүний амьд жишээнүүд бодвол зөндөө л байгаа л байх, тэднийг хайж олж, нээж илрүүлэх нүсэр ажлын явц амжилт муутай байгаа ч эрлээ үргэлжүүлсээр байх хэрэгтэй байна.

          Яг одоогийн байдлаар бол Австралийн Монголчуудын амьдрал сүртэй дээшилж, учраа олж сайхан амьдраад, мэдээлэл сайн аваад, дийлэнх олонх нь цагаан захтны /оффисын/ ажлын зах зухад хүрч амжаагүй байгаа болохоор Интернет, имейлийн хэрэглээний талаар ойлголт их муутай байгаа. И-мейл явуулахдаа хүртэл эхлээд зөвшөөрөл авч байгаад дараа нь явуулаа гэсэн хүмүүс л байна. хэхэ. Эхлээд болох уу гэсэн и-мейл явуулах юм байх. Тэрийгээ бас явуулж болох үгүйг нь мэдэхгүй ш дээ. Inbox-оо шалгахгүй их удчихдаг болохоор ганц ороход нь ганц газраас ганцаас илүү и-мейл ирж уурыг нь хүргэдэг л юм байх.

          Австраличуудын ард түмнээрээ хэрэглэдэг, нэг нэгнийгээ хайж олдог Цагаан хуудасны талаар ор тас мэдээлэлгүй болохоороо хаашдаа нийтэд илэрхий байгаа хаяг, утас энэ тэрийгээ жигтэйхэн хуулиар хамгаалуулах гэсэн хувийн нууцдаа оруулдаг юм байхаа, хэхэ. Хүн амьтаныг өөрийг нь олчих вий гэсэн айдас тээж амьдардаг хүмүүс их байдаг шиг байна, аргагүй байх, австралийн визийг нь албан ёсоор авах тал дээрээ амиа бодоцгоодог, арав хорьхон хүнээр танилын хүрээ нь дуусдаг хүмүүст проблем их шүү дээ.

          Ер нь мэдээ мэдээлэл авах, сонин унших энэ тэрийгээ утсаар ярилт, хов живээр орлуулсан байдаг шиг байна. Дараа нь буух эзэнгүй, буцах хаяггүй, баримт болж үлддэггүй болохоор юу ч гэж ярьсан болдог шиг байгаа юм. Яасан ч сайхан завтай байдаг юм. Хэл ам ихтэй болохоор хэдэн залуучуудаа ч юм бичүүлэхгүй юм. Энд тэнд нэг юм тэмдэглээд үлдээчихсэн байвал дор нь доромжилсон, бүдүүлэг үгсээр утаад л унана шүү дээ. Яагаад ч тэгээд юм бүрийг бараан шилээр харж, бараан өнгөөр будах дуртай болчихдог юм бүү мэдээ, дуурайгаад барайхад хүргэх хүмүүс бас Австралид түрүүлээд гүйгээд ирсэн юм шиг байна шүү. Тэгээд бас нийтэд зориулсан материалуудын хэрүүлтэй хэсгүүдийг нь битгий устгачихаарай, ахиухан хүнээр харуулаад авъя гэнэ үү. Өөрсдөд нь тэр хэрүүлтэй юмыг нь контролдох эрхийг нь өгчий л гэсэн, өөдтэйхэн байгаад, хөтлөөд явах чадал нь хүрэхгүй л байгаа юм даа. Чаддаг чаддагаараа л байя гэмээр л санагддаг юм. Чадлаа хүргээд давсан юм хийх хүн гараад ирээсэй л гээд сууж байна шүү. Мэргэжлийн бус маниусыг хүртэл санаа тавихад хүргэж байгаагаасаа мэргэжлийнхэн нь ичээсэй дээ. Өөр хийчих хүмүүс байгаад байвал юу гэж мануус илүү юманд сэтгэл тавиад явж байдаг юм.

          http://www.olloo.mn/modules.php?name=News&file=article&sid=90880&catid=209

          Блог гэж юу вэ-г лав мэддэггүй

          За лав миний мэдэхийн Блогийн талаарх ойлголтоо сайжруулбал зохих нэлээн хэдэн Монголчууд Австралид байнаа. Их л олон жилээ гадаадад гахай шувууны мах идэж өнгөрөөсөн, гадаад хэл мэлэндээ ч овоо л болсон юм байх. Даанч тэрнийхээ хэргийг гаргах тал дээрээ маш санаачлагагүй, дэлхий нийтийн мэдээллээс байнга хоцордог, ялангуяа Интернет, компьютер, вэб, блог, блоггерийн талаар ёстой улаан нооль, ногоон нооль, нойлын нойлын ногоон тэгнүүд бас байх юмаа, байхаа болихгүй санаатай юмаа, байхаас ч аргагүй байдаг байх дөө. Хэ хэ. Би ч бас мэдлэг мэдээллээр маруухан ч гэсэн арай ч тийм зарим хүмүүс шиг extreme бишээ. Тraditional journalist-д хамаатай юм болгоныг нь блоггерүүдэд наачих санаатай их үздэг нөхдүүд гарч ирсэн гээд л бод. Зарим нь ч бүүр уураа дийлэхээ байгаад Шүүх цагдаагаар явж, Интернетийг зөвхөн өөрийнх нь өмч болохыг нь батлах санаатай л юм байх. Би мэднэ чадна, чи боль гэчихээд мэдээд, чадаад байгаануудаасаа харуулахгүй юм, мэдэхгүй, чадахгүй байгаа юмнуудаа л илрүүлээд их ичмээр байдалд орох юмаа, хэхэ. Мэдлэгийг нь хэрэглэе, хэргийг нь гаргаж сурчихаач, хийгээд өгөөч гэж зөндөө л хэлсэн дэг.

          Их мэдэгчдийн мэдэмхийрээд байгаа зүйлс нь их инээдтэй. Блоггер бол хэвлэн нийтлэгч, зохиолч, за бүр цаашлаад утга зохиолын мэргэжилтэн, бүүр тэрнээсээ халиад засгийн газар, албан ёсны байгууллагуудын вэб сайт шиг утга агуулгатай, контенттэй блог бий болгохгүй юм бол эзэнтэй нь байлдаж байгаад эзнээр нь блогийг нь хаалгах талын юм мөрөөддөгөө ичиж зовохгүй тунхагладаг гэнээ. Засгийн газар нь харласан тэдэн монгол байна гэнээ гээд вэб дээрээ бичээд сууна гэж байхгүй шдээ, хэхэ. Хуулийн дагуу ийм байна л гэсэн юм олохдоо л тийшээгээ орчихно биз, бодит амьдрал дээрээ юу нь ямар байна гэдэг нь хүмүүст илүү сонирхолтой байдгаас болоод блогчидын арми асар их хүчээ авчихаад л байна даг. Тэгээд ч тийм засгийн газрын хэмжээний юм хийх чадвартай хүмүүсийг юм хийхийг (үнэгүй, хэхэ) нь хүлээсээр хичнээн их цаг алдсаныг харахгүй л байгаа юм. Мэдэж аваасай даа. Мэдлэгээ тэлчихээд мэдрэлтдэг бол бас болж л байшдээ. Австрали дахь Монголчууд нь татвар төлөөд тэрийг нь зарим хэд нь зөв зарцуулаад, чаддаг мэддэг хүнийг нь цалинжуулаад, тал талаасаа чанартай юм босгох нь хаашаа юм гэхээс сэтгэлээрээ үнэ хөлс нэхэхгүй янз бүрийн юм туршаад яваа хүмүүсийгээ чаддаггүй, сонирхдоггүй бүхнийг нь хийлгэх гээд байж бас таарахгүй шүү. Бүхнийг чадагчид нь эхлээд эхээс төрцгөөчихсөн байвал ч болчихоод л байна. Нэг нь жигтэйхэн бүх талбарт төгс төгөлдөржөөд бусад нь зүв зүгээр юу ч чадахгүй, хийхгүй, хараад л хэвтэж байх талаар мөрөөдсөн, багаар ажиллах чадваргүй, байгаа тогооноосоо холдож үзээгүй хүмүүстэй бага шиг л орооцолдохгүй бол үнэн ядаргаа зүдэргээ юмаа, ядахад хүний хэрэгт хүрз бариад дайрцгаах завтайг нь яанаа, арай л дээр юманд ашиглачихмаар л байх юм даа, хэхэ. Төгс систем гэж хэзээ ч байдаггүй, барууны хөгжилд хүргэсэн системүүд хүртэл алдаа дутагдал ихтэй л байдаг даг.

          /Улсуудын уурыг хүргэж, мэдрэлийн утсаар нь мэталл рок тоглох шилмэл 100 арга (ширээний ганц ном)/

          Харин ч алдаа дутагдалаар бусдын анхаарлыг татах маркетингийн арга хүртэл байдаг шүү дээ. STOP sign дээр нь зогсдоггүй хүмүүст зориудаар SPOT гэсэн замын тэмдэг тавьж өгдөг арга хүртэл байдаг. Бурууд нүд хурц гэгчээр, завгүйгээ гайхуулдаг баагийнууд хүртэл Book гэхийг Bood болгоод явуулчихангуут гэнэт сонирхож эхэлж байна лээ дэг. Мэдээжийн юмыг мэдэхгүй дүр үзүүлж зальдах чинь бас олныг цочроодог, чухал арга байна лээ шүү. Надаас давсан заль гаргах хүн тэгж байгаад гарч ирэх юм байгаа бизээ, хэхэ. Одоогийн Австралийн Монголчууд юмнаас өө сэв хайх маш дуртайгаа байнга илэрхийлдэг, өөрсдийнхөө мундагийг байнга гайхуулдаг бөгөөд мундагаа үзүүлчих юм өөрсдөд нь одоогоор байдаггүй болохоор бусдыг гоочилж /шүүмжлэх биш шүү/ байж мундаг нь илэрдэг. Тйим ч болхоор мундгачуудад нь зориуласан бөн бөөн өө сэбтэй юм хүргүүлэж бөн бөөн баримд цуглуулхад маши амрахан. Эгдүү хүрмээр инээдтэй хүмүүсийн сэтгэлзүйгээр нь тоглох хааяа сонирхолтой л байдаг юм. Гэхдээ их зовоочихно гээд хааяа өрөвдчихдөг юм, хэхэ. Өөдгүйтээд байвал өө сэвтэй л юм сайн үйлдвэрлэх хэрэгтэй, харин буцааж сөнөөх устгах тал дээр биш засаж сэлбэх тал дээр санал нийлдэггүй хүмүүстэй юу ч ярих хэрэггүй.

          Тэнгэрээс хальсаных нь дараагаар тэгж блог хаалгах талын юмыг гэгээн дурсгалд нь зориулж, бодолцож өгч болох юм. Хэ хэ, хальт гэгээнтэнээр тодорноо яадаг юм. Гэхдээ тэр амьдралд нийцэхгүй юм яриад байгаа гарууд ч бас яах вэ, бүүр хөгтэй, хөгжилтэй хүмүүс ч бас байна.

          Зарим нь ч бүр тэр байтугай бидний хүсэлд захируулан, бидний санаанд таарах юмыг л эзэмшлийнхээ блогт тавьж бай гээд энд тэндхийн блогийн ЭЗЭД рүү нь дайрч давшилсан хэрэг гарч л байна. Өөрсдөө чадахгүй байгаа тэдэнд бусдын хэрэг хамаагүй л байх. Өөрсдөд нь туслаад өөрсдийнх нь вэбийг хийгээд өгчихье гэхээр Өөр биччихээр юм олддоггүй болохоор Өрөвдмөөр байдалд орцгоодог л юм байна лээ дэг. Их л харанхуй бүдүүлэг, гүтгэх дуртай, бусдын үзэл бодлыг үл хүндэтгэгчид нь бидний хэдэн нөхдийн дотор тууж л явах юм даа, ядаж байхад. Заримдаа ч so nasty comment үлдээх нөхөр ч гарч л байдаг, хэнийг нь мэдсээр байхад, хэхэ. Зүгээр байхад зүгээр байгаарай гэчихмээр хүнд хүнд гарууд хүртэл өөрийг нь мэдэхгүй байна гэж бодоод л баясаад явдаг шиг байгаа юм. Гэхдээ ч тэд нар хөгжилтэй, инээдтэй л дээ, завтай үед зугаа гаргаад хөөрхөн л байдаг юм.

          Гэхдээ чамаас илүүг нь хийе гэх нь байтугай чадахгүйг чинь нөхөөд, сайжруулаад өгье гэхгүй л дээ. Угаасаа ч цөөхүүлээ юм чинь яахав дээ, байгалийн шалгаралаараа ганц нэг нь дөнгөж муухан, мяахан юм үлгэн салган эхлүүлж л байгаа биз. Мань мэт шигүүд нь аминдаа л окей, ойлголоо, бодлыг чинь хүндэтгэж үзнээ гээд хэд хэдэн блогийн эздээс гуйж түр хаалгаж нэг үзлээ, нэлээн их устгал явуулж ч үзлээ, сэтгэл нь ханаж цадашгүй амьтдын асуудлыг бол яах ч арга алгаа. Чадлаараа хичээсэн шүү л гэе дээ. Устга гээд л уурлана, устгачихаар устгаад байдаг гээд л уурлана, яалгах гээд байгаа нь ч мэдэгдэхгүй, ялгаагүй л харилцааны асуудалтай хүмүүсийн дэргэд яах ч үгүй байгаагаараа л байж байсан нь амар ч юм шиг. Австралийн Монголчуудын нэлээн хэсэг нь л сөнөөх дуртай юм, бүтээх хүмүүс нь хаанаас гарч ирэхийг нь харуулдаад л байж байна.

          Өөрсдийг нь л өө сэвгүй юм хийж сурахыг нь хүлээхээс. Тэр болтол өө сэвтэй гэж бодоод байгаа юмыг нь өө сэвийг нь дараад явж л байхаас даа. Мажийчихгүй бол манийгаа үхэхээс өмнө л сураад аваарай даа л гэж захимаар байдаг юм. Ядахад зарим нь маниасаа эрт зөнөчихсөн юм, хөөрхийс, залуу халуун явахад нь хомбуутаа /компьютер/ гэж юм нь байсан биш ямар, арга ч үгүй байдаг байх дөө. Хөгшин хүмүүс залуустаа үнэт үгээ хайрлахдаа цаг хугацааны өөрчлөлт, орчин нөхцөл байдлыг нь бодолцож байж цэцэн сургаалиа айлдвал биелүүлэхэд амар л байгаа юм. Залуус бол ч нөгөө муу үг авахаа өнгөрсөн төгцөгнүүдэд юугаа ч хэлэхэв, хэлүүлээд л, хичээсэн дүр үзүүлээд л байж байхгүй бол бас болохгүй ш дээ. хэ хэ. Өвгөчүүл, эмгэчүүл харин өөрсдөө дурандаа өөр хүмүүсийн территороор бэлччихээд олон долоон юм яриад бусдын газар нутгийг дэлбэлж, дэвслэх талын юм мөрөөдөөд явахаар өөрсдийнхөө байхгүй байгаа бэлчээртээ тааваараа байж байвал өлзийтэй л баймаар. Байлгах тал дээрээ туслалцаа авч болно шүү гэж зөндөө л хэллээ дэг. Хэ хэ. Хэт хэлбэрддэг, хэлэмгий доломгой, хэнд ч хэрэггүй амьтадын дэргэд Хэнэггүй, тоохгүй байж сурвал нэлээн юмны ард гарч амжина шүү. Хөгшчүүл бол мэдэхгүй юм ихтэйгээсээ ичээд, нэрэлхээд байдаг шиг байгаа юм, нэрэлхлээ гээд нэр чинь хаашдаа л идэгдэж байна шүү, туслуулмаар байвал ноу проблем ш дээ. Туслаад бас сайжруулаад өгвөл бүүр ч дажгүй л байна. Гэхдээ ч бас муу хэлэлтгүй ээ. Нэлээд үр дүнд хүрч амжсан олон тохиолдлууд бас байгаа нь сайхан даа.

          VIC Mongol Community

          Ер нь ч урьдынхыгаа бодвол сүүлийн үед зарим нэгэн нааштай өөрчлөлтүүд нэлээн гарч эхэлж буй бөгөөд бүх мужын Монголчууд хоорондоо холбогдож чадсан, зарим мужынханы Бага хуралдай амжилттай явагдсан, тухайн мужынхантай нь биеэр уулзсан, Австрали даяар хэрэн хэссэн Монгол хүмүүс байдаг болсон, мужууд өөрсдийн суурин төлөөлөгч хийх Монгол хүнтэй болж, мэдээллийн самбар, блог ажиллуулдаг болсон, имейл сүлжээтэй болж, байгаа хотынхоо монголчуудын бүртгэл хөтлөх болсон гэх мэт сонирхолтой зүйлс мэр сэр дуулдаад байдаг болжээ. Шинээр ирэгсдээсээ хувийн зүгээс хүсэхэд Австралийн Монголчуудыг эв нэгдэлтэй, хүчирхэг коммунити болгож, Монгол гэсэн нэрийг Австралид таниулахад үнэтэй хувь нэмэр болоод, бусад Монголчууддаа хэрэг болох боломжуудыг эрж хайгаад яваарай. Таны мэдлэг, чадвар бидний дутууг нөхөж, дундуурыг гүйцээж явах болтугай. Харин бид нар өөрсдөө жигтэйхэн ганц нэгээрээ цоорч гарч төгс төгөлдөр болж амжаагүй яваа бол бусдаасаа хэт их юм нэхэмжлээд, өрөнд оруулаад байж бас болохгүй шүү. Нэгнийхээ чадахгүйг, нөгөө нь нөхөхөө л бодож байгууштай. Хүн амьтныг ашиглаж чадвал ашиглаад, ашиггүй юмыг нь өөрсдөө нөхөлцөөд л явж байвал барав шүү. Юм хийж байгаануудыгаа л чичлээд суухаар, хийхгүй байгаануудаа л хатгаад сууж байсан нь арай дээр байдаг юм гэнэ лээ. Хийж байгаанууддаа гай тарилгүй шиг, дэмжлэг үзүүлээд сурчихвал за тэгээд бүүр ч болоод явчихаж байгаа нь тэр.

          Доорх мэдээлэл нь одоогоор Австралийн хотуудаар тархсан цөөн Монголчуудын тухай бага сага тэмдэглэж үлдээсэн цорын ганц (миний мэдлэгийн хүрээн дэх) зүйл болно. Маш олон янзын мэдээллийн эх үүсвэрт үндэслэн өөрийн хувийн дүгнэлтэнд тулгуурлан бичигдсэн тул та бүгд өөр өөрийнхөө хувь нэмрийг оруулж, бусадтайгаа бас юу мэдэж авсанаа хуваалцвал баярлах болно. Миний нүдний өнцөг хааяа буруу зүг рүү харчих гээд байдаг тал бий. Зөв өнцөгнийх нь линзийг нүдэндээ тааруулах санаатай л эрэлхийлээд явж байна. Өөдтэй чиглүүлээд өгөхөөр юм олдохгүй байгаа нь олж чадахгүй яваа нөхрийн л буруу болж таарч байх шиг байна даа.

          Мэдээлэл илүүдлээ одоо боль гээд байгаа мэдлэг ихтэй нөхдүүдийн хав дараад байгаа мэдээлэл чанарын шаардлага хангах эсэх нь одоогоор мэдэхийн ч аргагүй байгаа ба мэдээлэл үнэхээр байгаа эсэх нь ч тодорхойгүй байгаа. Юу гэвэл тэдний мэдээлэл хүлээж авах сенсор нь ажиллагаагүй, эсвэл дутуу ажиллагаатай нь байнга мэдрэгдэж байдаг тул мэдээллийн боловсруулалтыг хэрхэн хийдэг нь ойлгомжтой байдаг.

          Мэдээллийн илүүдэлд оруулчихаар мэдээлэл өгөх Монголчууд бүү хэл, Монголчуудын илүүдэл үүсчихээр тооны Монголчууд Австралид байтугай Монголд лав алга шиг байнаа. Зарим хүний хувьд хэрэггүй мэдээлэл, бусад хүнд уух ус, амьсгалах агаар мэт хэрэгтэй зүйл байж болдогийг миний туршлага хэлээд л байх юм. Туршлагатай Монголчууд нь надаас өөр юм туршаад яваад байсан бололтой. За бүр үг олдоод, үхэр холдоод талийлаа, Австралийг сонирхож байгаа бол, Австралийн аль нэг хотод байгаа бол аль муж нь Монголчуудад хамгийн ээлтэйг, танд тохирохыг мэдчихмээр санагдаж л байгаа биз дээ.

          ****************************************

          Capital city: Canberra
          Map of Australia
          map

          All states Mongolians

          Австралийн хамгийн их хүн амын төвлөрөл нь буюу 21 сая хүн амын 75 хувь нь Сидней, Мелбурн, Брисбен болон бусад мужын нийслэлүүдээрээ байх бөгөөд хотын төвдөө өндөр байшин барилгатай, нийтийн орон сууцтай, хотоосоо гадагшлах тусам лагерь шиг орчинтой, зуслангийнх шиг модон байшинд ард түмнээрээ амьдардаг. Хамгийн хүйтэн муж болох Тасманидаа хүртэл халаалтын систем тас байхгүй. Харин хаашаа ч орсон хүйтнээр үлээдэг, хөргөгч шиг газрууд л дүүрэн байна. Эндхийн цаг агаарыг Монголтой харьцуулбал Мөнхийн зун байдаг газар байна. Цастай ёолкоо л маш их санахаар юм байна. Өвлийн хүйтэн шөнө нь хүртэл Монголын зуны зэврүүхэн өдөр шиг л байх юм.

          Territory 1. ACT, Canberra - 0,32 сая. Австрали улсын нийслэл. (Population source – AU Bureau of Statistics 2007)

          2007 оны байдлаар Канберрад 30 орчим Монголчууд байна. Эднээс 11 нь эдийн засаг, олон улсын харилцаа, бизнес, санхүүгийн чиглэлээр мастер болон бакалаврын зэрэг горилон АҮИС-д суралцаж байна. Хувиараа төлбөрөө төлөөд суралцаж буй 2, тэтгэлгээр суралцаж буй 9 хүн байна. Тэтгэлгийн хувьд 6 хүн – AusAID, 2 хүн-IMF(International Monetary Fund), 1 хүн – ADB(Asian Development Fund). Оюутнуудаас бусад нь эдгээр оюутны гэр бүл, үр хүүхдүүд. http://actmongols.wordpress.com

          Энд байдаг оюутнууд голдуу 30-аад монголчууд маань цэвэрлэгээ, гал тогооны ажлууд их хийдэг гэж дуулддаг даа.

          State 1. NSW, Sydney – 6,55 сая оршин суугчдаараа Австралийн хамгийн их хүн амын төвлөрөлтэй мужаар 1-д шалгараад байна. 4,12 сая нь Сиднейд амьдардаг. Монголчуудын тогтсон тоо бүртгэл байхгүй. 500 гаруй Монголчууд байдаг гэсэн дам яриа л байна (тал нь хар л юм байх, тархай бутархай байдлаар дүүрэг хоорондоо нүүдэллэн амьдарч, уулзалддаг хүрээнийхэнээсээ бусадтай нь баяр ёслолоор л бараагаа харалцаж амьдарцгааж байна). 2007 оны наадмаар хэлсэн консулын үгнээс ойлгохдоо бүртгэлтэй 200-300 монгол, бүртгэлгүй бас тэр тооны монголчууд яваад байна л гээд байгаа. Гэхдээ миний хувийн тооцоогоор бол үүнээс хамаагүй олон байгаа. Манайхан ямар консулд бүртгүүлэх биш, надаас өөр монголтой ямар ч контактгүй зөндөө л монголчууд байдаг л юм байна.

          Энэ хотын Монгол коммунитигийн түүх 10 гаруй жилийн өмнөөс эхлэх ба АУСАИД-р болон бусад хурал, тэмцээн,олон улсын арга хэмжээ, олимпоор далимдуулж ирсэн арваадхан Монголчуудтайгаар түүхээ эхэлжээ. Эдгээр 10-аадхан Монгол маань тоогоо нэмж чадалгүй нэлээн олон жил явсан ба зарим нь буцаж, цөөн хэдээрээ нэмэгдсээр сая л сүүлийн 3-4 жилд огцом үржсэн байна. Анхдагчуудад маань амьдрал тун хэцүү байсан ба визний талаарх мэдээлэл муу, ажил олгогчид болон танил тал, найз нөхдийн сүлжээ огт байдаггүй байснаас болж сүүлд ирээд учраа олоод, визний төрөл бүрийн тусламж авч чадсан бусад Монголчуудтайгаа ямар нэг холбоо харилцаа багатай, тусдаа оршин тогтносоор иржээ. Сиднейгийн оюутан монголчуудын тоо толгойг гаргах боломжгүй ч сүүлийн үед нэлээн давалгаалж буй тул тэд нь бас нэг групп үүсгэхүйц болж томрох хандлагатай байгаа. Гэхдээ учиргүй бүгдээрээ нийлж бариад байдаггүй, их л завгүй гүйлддэг хүмүүс юм байх.

          Одоогоор Сидней хотын уулзалддаг хүрээний Монголчуудын тоо толгой 180 дотор багтах ба ёоз ёозын, есөн жорын монголчууд байгаагаас болоод хэсэг бусгаараа 20-80 хүнтэй фракцуудад хамрагдан socialize хийж байна. Сидней хотоос бусад газруудын Монголчуудын хувьд Консулын талаарх ойлголт тун маруухан, ер нь бол байдаг эсэхийг нь ч ихэнх нь мэддэггүй, ямар үүрэгтэй, юу хийдэг, Монголчуудад юугаар тус болдог талаар нь ямар ч мэдээлэлгүй байдаг ч, энэ Монголын өргөмжит консул гээч нэгэн нас дээр гарсан Австрали өвөө Сиднейд байрладаг давуу талтайн хувьд Сиднейгийн Монголчуудад чиглэсэн уулзалт, баяр ёслолын арга хэмжээнүүд зохион байгуулах гэх мэт нэлээн юм хийгээд байдаг бололтой юм. Бусад үйл ажиллагааныхаа тухай public-д танилцуулах нь бага, консулын вэб нь мэдээ мэдээлэл хүргэхэд чиглэгдээгүй, зөвхөн тэднийг хайж олоход зориулсан хаяг, утасны мэдээлэлтэй статик вэб л байдаг тул юу хийгээд, хаагуур яваад, Монголтой холбоотой юу болоод өнгөрчихөв тал дээрээ Австралийн Монголчууд үнэхээр мэдээллээс маш хол, Монголд юу болоод өнгөрөв тал дээр л нэг жаахан бараан бүрхэг мэдээлэл бүхий хэдэн монголын шар сонингуудаа уншиж байна. Австралид юу болоод өнгөрөв, Австралийн Монголчуудтай холбоотой ямар юм болоодохов тал дээрээ ихэнх монголчууд консулаас мэдээлэл горьдох ч эрхгүй сууцгааж байх шиг байна.

          www.mongolianconsulate.com.au Консул өвөө маань харин нэлээн сүүлд бусад мужуудаар зочилж, тэндэхийн монголчууд маань барааг нь хараагүй ч баахан л яригддаг байсан хүнээ харах боломж гарч байгаа бололтой дуулдаж байна.

          Сидней хотод өнөөгийн байдлаар монголчуудаас Ажилчин ангийнхан нь л голдуу байдаг, Австралийн хамгийн өртөг өндөртэй, ажлын олдоц, үнэлгээ сайтай хот боловч нийтийн тээвэр, байрны үнэ болон амьдрах зардлаараа бусад мужаасаа үнэтэй. Гэхдээ хятадын хороололд Монголын бараан зах шиг хямд эд зүйлс зардаг.

          Хүүхэдтэй оюутнуудын асуудал жаахан хүндхэн, сургуульд хүүхдээ сургахад төлбөртэй. Одоогоор тэр нь хамгийн хямддаа жилийн 4500 доллар байна. Монголчууд олон учраас мэдээлэл солилцох, монгол руу карго ачуулах, ажил төрөл олох, визний асуудал янзлах тал дээр бусад бүх хотоосоо илүүд тооцогдоно.

          Монголчуудын хавтгай архидалт, зодоон нүдээн, хулгай, хүүхэн шуухан оролдох энэ тэрийн асуудал бас мэр сэр дуулдаад байдаг гэнэ шүү. Гэхдээ арай ч Европод байдаг шиг массаараа тэгж дарвихгүй л дээ. Гайгүй, аятайхан хүмүүстэй нь дотно шадарлаад яваад байх боломжтой л юм шиг дуулдаж байна. Монголд байгаа архинд нэвчсэн, ар гэрээ тонож суудаг азгүй тахиануудын дэргэд ч арай дээр, Австрали гээч улсад нь ямар ч байсан ажил шүү юм үлгэн салган хийгээд архины мөнгө төгрөгөө таслахгүй олоод л байхаар аягүй дажгүй газар байна гээд ам сайтай л байдаг гэнэ шүү. Ажилтай хүмүүс юу гэж л тэгээд арав хорин өдрөөр тасралтгүй гарридав гэж, ажлаа алдаг оног хийх гээд архидалтаа аятайхан зохицуулдаг л бололтой юм. Залуучууд бол харин хамаагүй тэгж архичидтай урт удаан хугацаагаар уулзаж учирч, цуг үлдэж доргих гэж байгаа бол их л сэгсрүүлдэг дуулдаж байна. Хүн л юм чинь мод төмөр чулуу биш, тасархай мэргэжлийн гаруудтай хүч үзвэл ТАС компанийн захирлын орон тоог бөглөөд, цаашаа ер нь Гималайд авирч, Гарричдын эгнээнд элсэж, Бурхдын олимпод оролцох эрх ч нээлттэй байна гэжийшүү. Боломжтой бол гялс үзэгдээд л арилах, эсвэл нарны эрт, насны залууд замаа бодох нь ядуусын хувьд зөв шийдэл байдаг юм байхаа. Парри марриныхаа зардлыг бусад мужынхан шиг анхаасаа зөв тооцохгүй, цуглаж үлдсэн хэд нь хамаг юмаа хамж шимж ууж дуусгачихаад ахин дахин ойр хавьд нь байгаа үнэтэй архины дэлгүүрүүдэд орлого оруулна гээд гүйцгээгээд байдаг сурагтай. Монголчуудын парридах /гарридах/ гэж байгаа газрын ойрхон явуулын архины мухлаг энэ тэр ажиллуулбал саятан болох чинь санаснаас ч ойрхон байж магадгүй л юм гэнэ. Хэ хэ. Залуучууд нь тусдаа тэгж задгай авах талын юм зохион байгуулах гэхээр балчирдаад байдаг бололтой юм. Тэгж байгаад сурцгаах юм байгаа биз. хо хо.

          Эхнэр хүүхдээсээ хол яваа эрчүүд гэх мэт эр хүйстэй Монголчууд давамгайлсан болохоор Сидней дэх Монгол охид, хүүхнүүд нь барагтай бол бусадтайгаа орооцолдоод байхгүй, цугтаа гарч орохгүй холуур явдаг шиг санагдсан. NoA-Not Available хүүхнүүд л socialize хийгээд явах юм. MBA-Married But Available-н тухай онигоо чинь энд Сиднейд яригдвал хүйс нь солигдож таарах байх. Гэхдээ арай ч бас алмасан царайтай айлын авгай нарыг айлгаж ичээхээр их дутагдалд орж амжаагүй, арваадхан л жилийн настай коммун юм байх. Америкийн зарим хотуудаар байдаг шиг плакат наагаад ч хамаагүй үзнэ гээд дайраад байдаг шиг биш байгааг бодоход бас дотроо бодолтой, дороо суурьтайнууд нь одоогоор массаараа олон байгаа бололтой. Австралид нөхрөө явуулсан авгайчууд сэтгэлээ чилээх шаардлагагүй юм шиг байна. Хүүхэн эргүүлье гэсэн ч энд одоогоор олдоц муутай л байх. Гадаад хүүхнүүд дэгээднэ гэдэг ядуу давхрагын Монголчуудад мөрөөдөөд байх зүйл биш шиг байна шүү. Ганц нэг хүмүүст олдох гээд ч байгаа ч юм шиг дуулдаад л байгаа. Гэхдээ мэдэхгүй. Бусад газраас наашаа сонирхоод байгаа залуучуудад хэлэхэд Сиднейд Монгол охид, хүүхнүүд олдоно гэсэн горьдлого чинь шанс муутай шүү л гэе дээ. Хятад, японуудыг л чихдэх нь хаашаа юм гэхээс.

          Халхын хавтгайгаас хальсан хацар гоо охид маань, алс холын Австрали улсад ирж айлын авгай, аймшгийн яашка хийх гээд явж байна ч гэж юу байхав, явж байгаанууд нь WA, QLD гэх мэтийн жижиг газруудын хөдөө сум, тосгодоор л бэлчээд, том хотуудаар байгаанууд нь сурч боловсроод, хөдөлмөрлөөд, бүр болохгүйнүүд нь бодвол ганц нэгээрээ, мэр сэрхэн өөр юмаараа амиа борлуулаад л байж байдаг бололтой юм. Томчуудад зориулсан зарууд нийтийн хэвлэл мэдээллийн хэрэгслээр нь дэндүү чөлөөтэй, “Hot Mongolian Babe” энэ тэр гэсэн зарууд явж л байдаг юм гэсэн. Муусайн өвөрүүд, хятадууд л хаа газар Монголын маань нэрийг худалдаж идээд явах юмдаа гээд л уур хүрээд л байж байдаг даг. хэ хэ. Чингис хаан, Mongolian BBQ гэсэн нэрээр резинэн махтай, дан хятад хоол зараад явдаг ресторанууд хэд хэдээрээ л байдаг даг.

          Ер нь Сидней хотын төвийг Азийн аль нэгэн хоттой андуурахаар байна гэж анх ирэгсэд бүгд л дуу алддаг даа.

          Энд Дундад азиуд, туркууд, арабууд болон хятадууд ихтэй санагдаж байна. Австраличууд нь хотоосоо их зайдуу амьдардаг бололтой. Байшин савгүй Австрали хүн ч гэж бараг алга. Ажлынхан бүгд л зээлээр ч хамаагүй газар, хаус авчихдаг болохоор би ч бас байр байхгүй гэж гайхшийг нь барж байхаар гээд байгаа л гээд бардамнаад явж байдаг даа. Энд авсанаас Монголд аваад тавьчихсан нь бидний хувьд зөв шийдэл байсан юм. Сидней гэж ёрын үнэтэй, үл хөдлөх хөрөнгийн үнээрээ дэлхийн тэргүүлэх 10 үнэтэй хотын нэгэнд байгаа болохоор, бас залуу улс болохоор яаж ч том хөдлөх гээд ашиг харагдахгүй үе таарах юм, Аделейд, Перт зэрэг арай жижиг газрууд руу явж том том хаус авчихдаг ч юм билүү гэж хааяа бодогдох л юм. Гэхдээ л австралид 10 нугарсан үнээр хуучин юм авч байхаар, Монголдоо шинэ юм шовойлгож байгаа хүмүүст нь туслая гээд зоригтой хөдөлсөн нь зөвдөж, зарим хүмүүс маань бүр Монголын нөхцөлд тэрбумтангийн босго алхахдаа тулаад байгаа явдал ч гарч байна шүү. За тэр Монголын асуудал яахав, Австралид бэлэн мөнгө босгож чадаад байгаа хэдийгээ Монгол руугаа хөрөнгө оруулбал!? гэсэн мессеж нисгэлээ шүү.

          Эндэхийн үйлчилгээний газрууд нь дандаа гадаад гаралтай ажиллагсадтай байгаа харагдаж байна. Үнэн хөгийн, хаана ч тоогддоггүйнүүд нь л хачин хачин ажил хийгээд, хааяа монголчуудтай маань мөр зэрэгцээд яваад байдаг бололтой юм. Дандаа гологдол, залхуу, мулгуу оззи-нууд нь л хар ажлууд хийгээд явдаг юм уу яадаг юм, хар бор ажил хийдэг Монголчуудтайгаа юм ярихаар Монголчууд шиг супер, Австраличууд шиг дурак ажилчид алга л гээд байдаг. Манай ажлынхан бол их хөдөлмөрч, ухаалаг, боловсрол өндөртэй хүмүүс байдаг болохоор би ч бас амыг нь дагуулаад л өө бараг ганц Монгол нь би юм болохоор гадаадуудаас нь илүү ажиллаад байх шиг байна гээд л явж байдаг даа. хэхэ. Уул нь ч маниусын лаг гэж юу байхав дээ. Чадлаараа л хичээгээд л явж байвал барав ш дээ. Ажилчин ангийнхан маань Архи ууж, ажил тасалсан ч Монгол юм болохоор нь тавьж туухгүй, гуйж түүгээд байдаг л сураг дуулдаад байдаг, манийг тэгж таахалзвал дор нь байя байя гэх байлгүй.

          Том хотод Англи хэлний чадварыг заавал 1 номерт тавьж, чухалчлаад байхгүй, газар газрын хүмүүсээр дүүрсэн, англи хэлгүй хүмүүс хүртэл дажгүй амьдраад байж болохоор газар шиг байна. Сайн их сургуулиуд нэлээд хэд бий, гэхдээ тэд нар нь жаахан үнэтэйдүү санагдаж байна. Дунд зэргийн эсвэл бүр муухан сургуулиуд ч байдаг л байх, хувиараа төлбөрөө хийдэг мөртлөө л жигтэйхэн үнэтэй, сайн сургуулиудад нь Монголчууд сураад байх шиг харагддаг.

          Цаг уур нь сэрүүвтэр, гэхдээ унаа тэрэгтэй хүмүүст хавар намрын хувцас ч хэрэг болохооргүй л газар байна. Нийтийн тээвэр олон цагаар хүлээх хүмүүс бол нимгэвтэр куртка, ноосон цамц хааяа өмсөж таарах байх. Өдөртөө +18 градусаас доош буугаад учиргүй хүйтрээд байхгүй дээ. Надад бол Сиднейгийн цаг агаар их таалагдаж байнаа.

          Энэ хотын монголчууд барилгын ажил, хүргэж өгдөг ажил, захиа ялгадаг ажил, үйлдвэрийн ажил, зочид буудал, дэлгүүрийн ажилтан, хоолны газрын бэлтгэгч, аяга угаагч, цэвэрлэгч гэх мэт ажлууд хийдэг. Орчуулга, мэдээллийн технологи, цахилгаан, уурхай, логистик чиглэлээр мэргэжлийн ажлууд хийдэг хүмүүс бий. Эрүүл мэнд, санхүү, урлагийн чиглэлээрх мэргэшсэн хүмүүс бий. Зарим нь ч мэргэжлийн юмандаа ороод удаагүй л байгаа байх. Орж чадаагүй яваа хэд нь мэргэжлийн ажил хайдаг эсэхийг бол ёстой мэдэхгүй. Мэр сэр халтуур л хийдэг байх. Мэдээлэл солилцоод, сүлжээ үүсгээд гайгүй явах боломж тэдэнд байгаа гэж боддог.

          State 2. VIC, Melbourne – 2догч том хот. Мужын 4,93 сая хүн амын 3,59 сая нь Мелбурнд байна. Oюутнууд голдуу 50-60 монголтой гэж яригддаг, 80 гараад талийжээ гэх хүн ч гарч л байна. илүү дэлгэрэнгүйг эндээс: http://www.vicmong.110mb.com

          Сиднейг бодвол арай сэрүүвтэр л юм байх, гэхдээ одоо янз янзын монголчууд нэмэгдээд эхэлчихсэн болохоор бас л нийлдэг, нийлдэгээрээ хуваагддаг болж эхэлж байгаа л дуулдсан шүү. Сиднейд АУСАИД-нхэн ирэх нь цөөрсөнөөс хойш, Мельбурн руу л оюутнууд цуваад байгаа юм байхаа. Гэхдээ хэдэн харласан хүмүүс, мэргэжлээрээ гайгүй яваа монголчууд ч бас нэлээн байдаг юм байна билээ. Мелбурнд очсон АУСАИД-нхэнд бас л юм юм нь үнэтэй л тусч байгаа байх. Гэр бүлтэй бол ч том хотууд руу бүр зүглэлтгүй дээ. Харин ажил төрөл нэлээн хийнэ, тансаглаж тарвалзахгүй гэж бодож байгаа бол том хотууд зүгээр. Байрны түрээсээс л хэмнэж чадвал монголд байр авах мөнгө бол дор нь олно.

          Энэ мужын монголчууд зочид буудал, цэвэрлэгээ, кафе ресторануудаар л ажиллаад байдаг гэж дуулдсан. Жуулчлалаар очиход жаахан онцгүй газруудаар нь явчихсан уу яасан, бусад хотоосоо арай л их шороотой, бохирдуу санагдсан. Хятадын хороолол хавиар нэлээн тэнэсэн юм, аргагүй биз. Тэнд нь удсан Монголчууд илүү гоё мэдээллүүд өгсөн байна билээ. Тамир болон Мандахбат нарын Мельбурны талаарх нэмэлт мэдээллийг эндээс: http://gegeen.wordpress.com/2007/08/15/mongolians-about-australia/

          State 3. QLD, Brisbane /Gold Coast /Harvey Bay – Хурдацтай өсөж буй 3,9 сая оршин суугчидынх нь дотор хүүхэд, хөгшид болон энэ мужын бусад хотонцорын монголчуудыг нийлүүлээд нийт 30 гаран монгол л байна. 1,76 сая хүмүүс Брисбенд байдгаас байнгын оршин суух эрхтэй монгол гэр бүл 2, гадаад хүнтэй суусан 5, үлдсэн нь оюутнууд болон гэрээгээр ажиллагсад (цөөн харлагсад) http://www.mon2aus.com

          Ой мод ихтэй, Сидней, Мелбурнаас жаахан халуун, үзэх харах юм ихтэй муждаа орно шүү. Брисбен хотын хувьд 3-дагч том хотын тоонд орох боловч бас ч гэж цэвэрхэндүү, гэмт хэргийн гаралт асар багатай, гэхдээ одоогоор Монголчууд цөөтэй байгаагаас анх ирэгсдэд ажлын олдоц муутай, танилын сүлжээ, мэдээллийн солилцоо тал дээр маш дутмаг учраас энд шинээр ирэгсдэд эсвэл сурах, эсвэл харлах гэсэн сонголт л голдуу үлддэг. Сиднейгийнхэн шиг визний асуудлыг хялбархан янзлаад явах боломж муу, эндэхийн шүүх, элчингийнхэн ч янз янзын хүн ирээд байдаггүй болохоор тэр бүр итгээд, хэл муутай улсын визний асуудлыг боломжын шийдээд өгч чаддаггүй мэт санагддаг.

          Гоулд Коаст – Алтан эрэг хотын хувьд маш их жуулчидтай, байр бас нэлээн үнэтэй, амьжиргааны өртөг нь Сиднейд бараг дөхөж очно, мэргэжлийн бус ажлуудын олдоц гайгүй байж болох боловч ажил олж орох энэ тэр бол зөвхөн хувь хүнээс л шалтгаална. Энэ хотод хэмнэлтийн горимд амьдрах боломж муу, хүмүүс энд зөвхөн мөнгөө үрэх гэж очдог Австралийн хамгийн их жуулчид хөлхдөг, дотоодын жуулчлалаараа тэргүүлдэг газар нь юм. Бусад мужид сургууль төгсөгчид бүгд энд ирж, хонхны баяраа хийдэг.

          Кюинсланд мужид мэргэжлийн ажилд ороход хэлний төвшин сайн байх хэрэг гарна. Австраличууд ихтэй мужид тооцогдсон хэвээрээ байгаа учраас гадаадаас ирсэн гэдгээрээ давуу тал үүсгэх боломжгүй, англиас бусад хэлний мэдлэгийг тэр бүр авч хэлэлцэхгүй байдаг байсан санагдаж байна.

          Маш халуун санагддаг байсан. Хүйтнээр үлээдэг машингүй л бол тэгээд нэг том алчуур мөрөн дээрээ тохож аваад л гарна шүү дээ. Хөлсөндөө шалба норох бүрт нь мушгих маягаар л амьдрахад хүрч байлаа. Тэнд амьдардаг байхдаа ядуу ч байсан байх, эхэндээ юун унаа тэрэг манатай, алхана гэдэг бол амьдаараа борцлогдоно л гэсэн үг шиг санагддаг байлаа. Сүүлдээ халуу шатах үеэр нь оффист ажилтай сууж таараад, байшингаас гарангуут машинд суучихаад байсан болохоор мэдрэхээ байсан.

          Энэ мужын монголчууд үйлдвэрийн сав баглаа боодол хариуцсан ажил, цэвэрлэгээ, машин угаалга, пиццаны ажлууд хийдэг. Мэдээллийн технологи, урлаг, агаарын тээврийн чиглэлээр бас хүмүүс ажилладаг.

          State 4. WA, Perth, Kalgoorlie – Мужын 1,96 сая хүн амын 1,45 сая нь Пертэд байдаг. 50 гаруй монголтой. http://wamongols.wordpress.com дээрээс бусад мэдээллийг авах. Миний мэдэхийн орчуулагч, уурхайн инженерүүд, баахан монгол консултантууд энд Австраличуудтай нь эн зэрэгцэж амьдардаг. Гэхдээ шууд монголоос тэрнийгээ зохицуулж байж ирэхгүй бол ирсэн хойноо тэндээс шанс хайна гэвэл хэцүү л байх болов уу. Пертээс амьдрал хайгч Монголчуудын нүүдэл Сидней рүү зүглэсээр олон жил өнгөрч байгаа л юм байх. Хөдөөнөөс хот руу ордог шиг л юм даа. Тэнд хэдэн докторант оюутнууд, цөөвтөр бакалавр, магистрын сургалтанд хамрагдагсад болон тэндэхийн хүмүүстэй суусан хүмүүс гээд эрэгтэй, эмэгтэй, янз бүрийн насны, за бас л хаа газар байж л байдаг хийх ажилгүй шахуу хэл амаа билүүдсэн хүнд гарууд ч бий, ер нь л янз бүрийн л монголчууд байгаа дуулдаад байдаг, заримд нь таалагдахгүй, заримд нь таалагдаад л явж байдаг юм гэсэн. Бүгдэд таалагдах сонирхол угаасаа байхгүй болохоор яахав яахав, дажгүй бас юм хийчихээр дэмжээд туслаад байдаг хүмүүс энэ мужид нэлээн байдаг.

          State 5. SA, Adelaide – 1,51 сая хүн амын 1,11 сая нь Аделейдэд байна. Маш цөөхөн (2007 оны байдлаар 20-иод монгол хүн) тэтгэлэгтэй монгол оюутнууд болон ганц нэгхэн байнгын оршин суух эрхтэй монгол айл л амьдардаг гэгддэг. Нэлээд хөдөөрхүү, алслагдсан муждаа орно. Амьдрах өртөг маш хямд, түрээс нь Сиднейгийн байрны үнээс даруй 2-3 дахин хямд. Одоогоор дандаа ижил төвшний, ойролцоо сонирхолтой, тэтгэлэгтэй оюутнууд голдуу байгаа учраас Австрали дахь хамгийн амь нэгтэй, халуун бүлсэг хамт олон энд л байгаа дуулдаад байна даа. Ганц нэгхэн пи-артай монгол айл ч бас байгаа дуулдаж байна. Монголчууд цөөн байх тусмаа л хов жив, хэрүүл тэмцэл, өрсөлдөөн, тамын тогооны тэмцлийн асуудал бага байдаг шиг байнаа. Олон монголтой газруудад янз янзын монголчууд нь ч бас оччихоод байдаг болохоор янз янзын л юм гардаг байх. Аделейдэд ажилд орох энэ тэр бол бас л амаргүй л дуулдаж байна, нэг нэгнээсээ л ажлаа өвлөж авдаг, голдуу л зочид буудал, кафе, цэвэрлэгээний ажлууд л хийдэг гэгддэг. Өөрөө л сэргэлэн байхгүй бол бас л бусад монголчуудын дэмжлэг бага, эхэндээ хэцүү л байдаг дуулдаж байна шүү. Монгол явахын түүс болсон хүмүүс л их байдаг юм байхаа. Суралцах гэж буй хүмүүсийн хувьд Аделейдын хямд өртөг нь их сонирхол татдаг гэнэ шүү.

          State 6. TAS, Tasmania – Мужын 0,48 сая хүн амын 0,2 сая нь Хобарт-д байна. Одоогоор 2-хон оюутан монголтой, Австрали хүнтэй суусан нэг монгол бас нэмэгдсэн. Бусад мужаасаа сэрүүхэн, маш нам тайван, залуу хүмүүст жаахан уйтгартай газар гэсэн мэдээлэлтэй л байна. Монте Кристо гүн зохиолынх шиг алслагдсан арал дээрх эртний шоронгуудын үлдэгдэл ихтэй, жуулчдын очихоороо үздэг гол зүйл нь гэгддэг. Монголчуудынх нь байгаа Лончестон хотод Австраличууд голдуу амьдардаг 70000 гаруй хүн амтай бяцхан арал байдаг гэсэн мэдээлэл л байна. Ажил бараг олддоггүй л юм байх. Интернетээр аутсоурсинг хийдэг гэж байна шүү. Цагаанууд ихтэй болохоор арьс өнгөний үзэл үнэртээд л байдаг сурагтай. Хобартад бас нэгэн оюутан Монгол байгаа. Энэ мужид монголчууд маань мөнгө төгрөг хийгээд, супер амьдрах боломж одоогоор тийм ч өргөн биш байгаа байх, гэхдээ л алсдаа дажгүй болж л таараа. Энэ бол зөвхөн эхлэл шүү дээ. http://gawaas.blogspot.com

          Territory2. NT, Darwin – Мужын 0,19 саяын 0,11 сая нь Дарвин гэдэг нийслэлдээ байдаг. Энд Монгол хүн одоогоор байгаа эсэх нь мэдэгдэхгүй байгаа ба маш чийглэг, хамгийн халуун муж. Татварын хэмжээ нь арай хямд учраас байгууллагууд энэ мужид салбараа байгуулах сонирхол ихтэй байдаг шиг санагдсан.

          Mongolians in Australia

          Мэдээж тэнэг төрөөгүй л бол Австралид бусдын төлөө хөлөө хугалчих гээд монголд байдаг шиг гүйх хүн гарахгүй шүү. Хүүхдийг чинь хүртэл үнэ хөлсгүй хараад өгөх Монгол олдоно гэж байх ч үгүй. Хүүхэдтэйнүүд нь бүгдээрээ л хүүхдийн асуудалтай тууж явдаг юм. Манайх монголчуудад төлж, хоёрын хооронд англи хэл ч сурсан юмгүй, ядуурал үзээд байж байхаар жаахан хэл үзэг гээд эхлээд сарын 1200 долларын цэцэрлэгт өгөөд, сүүлдээ манай их сургуультай гэрээтэй Австрали айлуудад цагийн 3,5 доллараар харуулдаг байсан. Ажлын бус цагаар харин Монголчуудад мөнгө өгч орхихоос аргагүй байдаг байсан. Яахав адилхан Монгол юмдаа гэсэн сэтгэлээр, Монголчуудын халаас руу мөнгө нь орог гээд сүүлдээ хаашдаа төлөгдөх хүүхдийн мөнгөнүүдийг аятайхан Монгол айлууд руу нь чиглүүлдэг болсон.

          Монголчуудыгаа аав ээж, ах дүү нар шиг нь байх болов уу энэ тэр гэсэн дэмий горьдлоготой Монголоос ирдэг, тэгж бодоогүй ч ирсэн хойноо бусдыг шантаажилдаг хүмүүс одоо болтол байсаар л байгаа. Бид нар ч яахав хэдий монгол ч гэсэн бас хүний газар нутаг нэгтнүүдээ хүндрүүлэхгүй гэж өөрсдөө ихэнх юмаа болгоод байх санаатай, эхэндээ ч нэлээн л түүртдэг байлаа. Зарим нь туслах ямар ч сонирхолгүй, эсвэл бүр эсрэгээр туслуулсангүй гэж уурлана, тусалчихаараа өр нэхэж бас уурлана, болж өгвөл өрөнд орчихгүй шиг явах гэж их үзнээ.

          Ер нь хаа газар бага насны хүүхэдтэй хүмүүст маш хэцүү. Монгол шиг маань хүүхдийн асуудлыг хялбархан зохицуулаад байж болохооргүй, цэцэрлэг энэ тэр нь маш их үнэтэй, өдрийн 60 доллараар харна гэчихээд ямар ч хангамж нь багтаагүй, бүх хоол хүнс, хэрэглэх юмыг нь аваачиж өгнө. Нэг багшид 5-с илүү хүүхэд оноодоггүй л юм гэсэн. Эндэхийн цалингаар цалинжиж байгаа хүмүүст тийм цөөн хүүхэд оноохоор чинь аргагүй шүү дээ, ямар ч байсан 5 хүүхдийн араас алдалгүй дагаж харуулдаад л байж байдаг байх дөө. Эндэхийн 25 нас хүрээгүй саятнуудын жагсаалтанд дээрээсээ 3-т ноднингийн байдлаар ABC Kindergarden-н сүлжээг бий болгосон, дүүрэг болгонд салбартай цэцэрлэгийн бизнес эрхэлдэг жаахан хүү цохиж явна билээ шүү. Монголд үлдсэн Монголжсон Монголчуудаа л хүний газар ирж үгүйлэх юм даа. Гадаадад байгаа монголчууд маань гайгүй яваа нь тун цөөн юм, гайтай хэд нь гадаадууд шиг нь болчих заяагүй, үйлээ л үзэх юм. Тэрийгээ ч зарим нь мэдэж байгаа ч юм алга шиг байнаа.
          http://zamdaan.com/uzel_bodol.html -> Ямар уужим юм бэ Монгол хүний Сэтгэл

          Гэхдээ л нутаг нэгтнүүдтэйгээ ойр байна гэдэг нөмөр нөөлөгтэй л байлгүй яахав. Олон түмнийхээ буянаар л болж бүтэж амьдрах нь мэдээж. Болж өгвөл харин өөрөө өөдтэйхэн байж, сайн асууж сураглаж, ингэж тэгмээр байна гэдгээ сайн ойлгуулж, хэрэгцээгээ Монголчууд гэлтгүй бусад гадаадын хүмүүст мэдрүүлж явбал бас сайн байх шүү. Хаа газар хэн ч бишээс эхлэхэд хүнээс өөрөөс нь их зүйл хамаардагийг л сайн ойлгож авмаар юм байна билээ. Өөртөө найдаж яваа цагт өөр бусдаар харж үзүүлнэ гэх биш, буруугаа тохох, гомдоллох шаардлага гарахгүй, бусдад сэтгэлийн өр үүсэхгүй, сэвгүй сайхан шүү дээ. Алдсан ч амьдралаас суралцаж байна гээд л баясаад явж байхгүй юу. Алдаануудаа эртхэн залуу дээрээ цуглуулж авахгүй бол биднээс 10, 20-р ахмад хүмүүст яг биднийх шиг алдаа тааралдахад аймшигтай хүнд тусдаг бололтой байна лээ. Алдах юм ихтэй болчихдог юм байгаа биз дээ бодвол.

          Өөртөө л итгээрэй
          Магтаалын үгэнд бардаад яахав
          Үнэн үгэнд хонзогноод яахав
          Худалч хүнд хууртаад яахав
          Хуурамч хүмүүст гомдоод яахав
          Залхуу хүнд найдаад яахав
          Замбараагүй явдалтанд үнэмшээд яахав
          Амалсан бүхэнд итгээд яахав
          Алдсан юманд харамсаад яахав
          Арван хуруу тэгш биш дээ
          Алдаа оноогоо эрэгцүүлж бодно биз
          Шударга үнэнийг олоход бэрх л дээ
          Шулуун хэлэхэд өөртөө л итгээрэй

          Надад тус болсон, ус болсон зөндөө л сайхан монголчууд байсан тул нарийн дэлгэж, заримд нь нармайгаа нээлгэхээ ч болихуу даа. Жижигхэн community болохоор атаа жөтөөндөө амь нь тэмцэж, атирч үхэхээ шахаад, алах шудахдаа хүрч мэдэхээр хүн ч байдаг л байлаа. Үй зайгүй үерхэн нөхөрлөж, үхэж далдартлаа ач санасаар үлдэхээр сайхан хүмүүс ч бас байсөөн байсан. Элдэв хэтрүүлэг, халил энэ тэр тууж яваа бол энгийнээр нь орчуулаад тавих хүн олж өгөмз. Ганц юм уншчихаараа хамаг юм нь сагсайгаад байдаг хүмүүсийг уул нь би муу ангилал руу нь оруулаагүй шүү, дутуу уншаад байна гэж л хэлье дээ. Юмыг муу талаас нь хүлээж авах дуртайг чинь амархан илрүүлж байгаа биз дээ, хэ хэ.

          Small fish in small water

          Ер нь тэр үед Брисбенд байсан 30-с доош насныхан хөөрхий дуугай юм болохоороо ихэнх нь хэл аманд өртсөн дөө. Хөгшчүүлийн тухай ч муухай ярианууд зөндөө л явагддаг л байсан. Ах зах хүмүүсийг амаа хамхи гээд томроод байлтай нь биш, аминдаа ойлгоод байгаа дүр үзүүлэх гэж аймаар хэцүү юм билээ. Бид чинь хүүхэд наснаасаа салах гэж ядаж байсан, хүнд юм хэлчих хэмжээнд хүрээгүй, тэр байтугай биднийг тэнэг бөгөөд юу ч чадахгүй, ямар ч юманд хүрэх болоогүй гарууд гэж бодож байгаа хүмүүстэй харьцахад хүрч байгааг хэлэх үү. Хөгшчүүд харин өөрсдөө хоорондоо сайн ойлголцож, тухай бүр дээр нь тайлбар хийлцээд, зүгээр хэвтэлгүй бас зугаатай цагийг өнгөрүүлээд болоод байдаг байх. Залуучууд бол ч тэрүүнтэй манатай, тэгж тайлбарлаад байхаар ч цаг зав, боломж, уулзалт цуглаан, утсаар ярилт энэ тэр гэж юм тохиолдох биш дээ. Тэгээд ч тэрүүнд цагаа үрээгүйнүүд нь л одоо овойж оцойтлоо томроод, бахь байдгаараа яваа тэднээр даажигнах хэмжээнд хүрцгээсэн харагдаад байна шүү.

          http://saruul-uhaan.blogspot.com/2007/06/v-v.html

          Тэр үед Глобал Удирдагчийн Отгонбат бас энэ хотод ирчихсэн байсан, бусад монголчууд юу яриад байгааг нь ойлгох чадамжгүй байсан болохоор хүмүүс хүлээж авч чадаагүй гэж боддог. Нөхөрт ч дажгүй л дадлага болсон байх. Туршиж байж л сургамж авна шүү дээ. Сидней хавиар нэг амраад ирэх үеэрээ хэдэн хүн дагуулж гүйсэн л байх. Цааш нь залгамжлаад, өргөжүүлээд явах үндэс суурь, орчин нөхцөл тэр үед ч одоо ч бүрдээгүй л байсан дагаа. Ер нь би дүгнэхдээ залуу хүүхдүүд хөгшчүүлийн орчинд орж ирэхдээ насаа нэлээд нэмж хэлээд яваад байх хэрэгтэй юм шиг. Жаахан залуу харагдаа л биз, гэхдээ л энэ олон жилийг туулж ирсэн хүн яав ч ямар нэгэн туршлагатай, мэдлэг чадвар нь арай л хүн итгэхүйц байх гэсэн ойлголт төрүүлдэг байх.

          http://gegeen.wordpress.com/2007/08/29/scholarship-story/

          Оги-гоос гадна бас хэдэн годгор хүүхдүүд байсан хоорондоо учир ургуулсан хэргээр асуудалд орж бас л дүрвэцгээсэн. Биднийг ч бас тойроогүй ээ. Англи хэлээ сайжруулах гээд Австраличуудтай амьдарсан чинь, бас ажил энэ тэр жаахан хийгээд мөнгө төгрөгтэй болчих гэсэн чинь бас л тэр мөнгөтэй баян, олон өрөө байшинд ганц айлаараа байдаг, өөрөөсөө өөр проблемгүй, Австралидаа үлдэх сонирхолтой, Монгол руу мөнгө явуулж үзээгүй, тийм хэрэгцээ огт байхгүй хүмүүсийн орчинд амьдарч байж хамаагүй тэгж болдоггүй л юм гэнэ. Тэр үед маш нам жим, чимээгүйхэн амьдраад, Монголчуудаас нь нэлээн хол байж чадсан хүмүүс нь харин их, бага яригдаад л тэгсхийгээд намжсан.

          http://gegeen.wordpress.com/2007/10/09/must-know-by-mn/

          Өөр жижиг, том мужын Монголчуудад тийм юм тохиолдохгүй, хамгийн том зардал болох түрээсээсээ хэмнэцгээгээд, хоорондоо коллектив сайтай, ажил төрөл ахиу хийж, мөнгөө цуглуулцгаагаад зүгээр л байна гэсэн. Брисбен харин тэр талаараа надад жаахан онцгүй санагдсан. Saving хийдэг хүмүүсийн гол сонголт бол яав ч биш, сураад, үрээд, сурталдаад л хэвтэж байхад яг болохоор газар шиг байгаа юм. Бусдын хувьд ямар санагдахыг нь мэдэхгүй, надаас бусдад нь таалагдах л байх. Брисбений Монголчууд уул нь гайгүй бүгд муу хүмүүс биш, ихэнх нь мөрөөрөө гайгүй сайхан хүмүүс, зарим нь л жаахан хүний мууд дуртай ч юм уу даа гэж санагддаг байсан юм. Бусдын зовлонгоор инээдэм хийх нь чөтгөр болж байгаагийн шинж гэж Гэгээн Августин ах айхтар философидсон байдаг шүү. Чөтгөрүүдийн ойр орчинд байх нь биднийг хаашаа хөтлөхийг мэдэж байгаа биз дээ.

          Над шиг өөрсдөөс нь долоон дор, мянган мяа хүнийг хурдан дээшлээд, өгсөөд байхаар зарим нэг надаас дээгүүрт өөрийгөө тооцдог мөртөлөө АЗыг хайгаад явдаггүй, залхуураад хүлээгээд сууж байдаг хүмүүст нь их л хэцүү байдаг шиг байна лээ. Ам хэлээрээ ч болтугай доош нь жаахан дараад өгөхгүй бол болдоггүй, энэ надаас тэрүүгээрээ илүү байгаа юм бол өөр нэг муу юмыг нь заавал олоод бусдад боломжоороо зарлаж, өөрийгөө бас ч муугүй юм шүү гэж ядаж өөрсөддөө итгүүлэх юмсан энэ тэр гэсэн гаж хэрэгцээ шаардлагууд гарч ирээд, сэтгэл нь тайтгардаггүй юм шиг байгаа юм. Би өөрийгөө асар олон дутагдалтайг мэддэг болохоор намайг төгс төгөлдөрийн оронд залах гээд байдаг хүмүүсийг хааяа төвөгшөөдөг, шууд л тэдэн шиг мундаг болох авъяас чадвар байхгүйгээ эртхэн хүлээчихдэг юм, их амар. Хийх юм их байхад чинь хэн тэгж хүний хэлснээр хайран цагаа хий дэмий үрээд сууж байдаг юм. Хэлүүлээд л, хэрчүүлээд л, хэлэмгий доломгойг нь бишрээд л сууж байхаас яахав. Гэхдээ иймэрхүү бусдын бөгс ухах асуудал цөөн монголтой газаруудад харьцангуй зөөлөн талдаа, олон монголтой газруудад бол ч байдал бүр хурцдана шүү. Хов живчидийн бүлэглэл үүсдэгээ үүсээд, хүчирхэгжээд, байгаа хэдхэн монголчуудынхаа бас ч нэлээд томхон хэсгийг нь хамардаг болчихсон байдаг юм билээ. Татагдан орох эсэх нь таны л шийдвэрийн үр дүн байх болно. Цаг завтай, бас дуртай бол өөрсдөө мэдэцгээнэ бизээ.

          Жижиг хотуудад харлах асуудал бий юу.

          Зарим хүний мууд дуртай хүмүүс нь сүүдэрт байдаг ядарсан хууль бус Монголчуудаа мэддэггүй, мэдчихвэл цус харвана, аягүй бол бүр дор нь бариад өгч ч мэдэхээр хачин араншинтай. Тэд хэдий хангалттай олон жил насалсан ч ядуу буурай амьдрал гэж юу байдгийг мэдэхгүй, заавал үзэж туулах албагүй олон зүйлүүдийг мэдэхгүй өнгөрөөсөн, сайн сайхан амьдралтай, бурханаас заяахдаа бусдаас нь илүү төрүүлчихсэн, ойр тойрныхоныг нь тэднээс горьдож гонсойхооргүй болгосон байгаа нь тэр хүмүүсийг цэцэрхэж, Монголоо алдаж, бусдыг ойлгохыг хүсдэггүй, бусдад хүрч амьдрах, өөрсдөөсөө илүү гарах чадваргүй, хүсэл тэмүүлэлгүй, шаардлагагүй болгодог байх. Хүн ямар эх орон, эцэг эхээ сонгож төрөх биш, тэдний оронд байсан бол би ч гэсэн тэгчихсэн явж л байх байлгүй. хэхэ. Нэгэнт тэднээс өөр юм чинь өөр бодолтой явахаас яахав дээ.

          Хүн хүнс хоолоор тасраад, хүн байх эрх нь зөрчигдөөд, зөвхөн амьд явах тэмцэл өрнөж байгаа үед араатны шинж давамгайлсан нь л амьд үлддэг, элэнцэгийнх нь хүн чанар л байдаг. Ядуурал гаарвал гэмт хэрэг ч бас газар авдаг нь үнэн шүү дээ. Хүүхдүүд нь өлсөөд, тураалд ороод үхэхэд тулаад байвал хүмүүс амьдрахын эрхэнд Европод очиж хулгай хүртэл хийж л байдаг дуулдаад байна. Бүр хэн нь илүү сайн хулгайлах чадвартайгаараа бахархагдаж, үнэлэгдэж, тодорч томорч байдаг ч гэх шиг.

          /Юу ч хийж чадалгүй хүүхдээ ядуурлаас болж үхүүлчихсэн монголчууд ч бас байдаг л юм шиг байна билээ. Хүн чанар нь хүүхдийн амиар үнэлэгддэг бол ч сонголт хийхэд хэцүү л санагдсан шүү. Ийм амьдрал байдаг талаар огтхон ч мэдэхгүй, мэдэх ч шаардлага гарч байгаагүй хүмүүс энд буруу ангилалын мэдээнүүд дунд явж байна гэдгээ ойлгоорой./

          ( Cambodia-n 10 huuhedtei single mother buh huuhdee olsgoj uhuulj baihiin orond 8 nastai neg ohinoo sex tour-nhand zaraad uldsen 9 huuhdee tejeeh shiidver gargasan baina. Ene hunii buruu zoviig bid nar shuuh erhgui, yagaad gevel bid ter hunii bair suurin deer hezee ch ochihgui, hezee ch tiim baidald orohgui uchraas bid baahan tsetserhej ter ehiig zuhej, haraaj, teneg mulguug ni gaihna gedgiig l sain medej baina. uul shugamandaa bol tiim humuust tuslamjiin garaa sungaj, ur huuhduudiig ni nasand hurtel ni sar bur bagahan hemjeenii tetgemj olgovol 8 nastai ohinii huvi zayag haashaa erguulj bolohiig bid medne. ene bol boditooroo bolson yavdal, zurag horogteigee baina. iim humuust tusalsan australiachuudad bi dotoroo mash ih talarhaj baigaa, humuus chini bayajihaaraa ingej l amidardag yum baina. busdiin buruu zoviig shuuhdee gol ni bish, oilgoj tuslahiig hicheej bas bolno shuu dee. bi ch bas dundaj ger bulees garaltai, bargiin yaduuchuudiin problem-g sain oilgodoggui. gehdee bur tasraad alga bolson, super gej oorsdiigoo toodog humuusiig bodvol baga sagahan gadarlanaa, teruundee bol haramsdaggui. gants negheneeree gaigui yavaad yah yum be. niiteeree bas neg negendee nemer tustai yavmaar baishd.

          onoodor mongoliin maani niigem jaahan yaduu baina, eniig dagaad gemt hereg ch ih garch baina. humuus huuhdee olsoj uhehiig haraad suuj tevchihgui europe ruu yavj hulgai hiij surch baina. ene yug heleed baina ve? Saihan tsetserhel, goyo ugeer ter humuus huuhdiinhee amiig avarch uldeh amargui baina. tedend oyunii hoolnoos gadna amid yavah bolomj, hodoodond ni oroh hool bas heregtei baina. medeej titem ugs yum unshdag humuust zoriulagdsan baigaa, yum unshih zavtai, bolomjtoi humuus medeej busdiinhaa problem-g bas sain oilgodoggui, DAJGUI l humuus baij taaraa, hehe. hun basic heregtseegee hangaj chadahgui, hun baih erh ni zorchigdoj baigaa asuudal mongold ch bas baina. bid chadah yadahaaraa yadaj uunii talaar awareness uusgej, bolomj bololtsootoi baigaa humuusiig ni baga ch bolov busdiigaa demjeech, burhanaas zayahdaa bolomj, bololtsoog ni dutuu hairlachihsan zarimiigaa baga ch bolov harj uzeech gej urialah ni zov sh dee.)

          Гэхдээ иймэрхүү би үхэхээр чи үх гэдэг шиг гадаадын шударга, хөдөлмөрч иргэдээс хулгай хийж, тонож барих тохиолдолд цаана нь бас зулгаалгаад байх суурь, нөөц байсан л юм байгаа биз. Ядуу Монголчуудын хувьд дотооддоо ингэж хамаагүй баялаг бүтээдэггүй, шал буруу чадвар чансаагаараа өрсөлдөж, идэж ууж, лоббидож, луйвардаад унавал босгож ирэхэд улам л хүндэрч, ард түмний амьдрал доройтох нь мэдээж шүү дээ. Монголыгоо ийм болгохгүйн тулд, болчихсон байвал ийм байдлаас нь гаргахын тулд бид дор дороо өөр өөрсдийгөө ядаж өөд нь татаад, өөдтэйхэн амьдрах гэж чармайх л ёстой байх. Гэхдээ Брисбенийхэн сэхээтнүүд голдуу болохоор зарим балай улсуудыг эс тооцвол ярих сэдэв сайтай, өөрсдийгөө болгоод явдаг, ухаалаг хүмүүс дийлэнх нь байсан. Над шиг ядуу бөгөөд, бүх юмныхаа эхлэл дээр яваа хүн тэр үед тэдний орчинтой нэг л зохилдохгүй байсан юм. Яаж ч хэлсэн тэд бол тэр үед өөр гаригийнхан байсан.

          Тэдний үзэл бодол минийхтэй зарим нь таарахгүй байсан ч би тэднийг тийм хэвээрээ байхыг нь ОКей л гэж үзсэн, тэр чигээрээ байж л байхаас, харин тэдний ойр орчинд нь байж, мундаг бүлгийнх нь нэрийг нь унагааж, хэцүүдүүлэхгүйн тулд салж холдон тун их тус хүргэхээр шийдсэн л дээ. Тийм хүмүүсийн бүлэг гэж байхаас аргагүй байдаг байх өө. Харин хэт олширчихвол муу монгол маань л мөд хөгжихгүй болох байх. Миний үзэж туулсан зүйлс ч бас би одоо хэн болчихоод байгаа вэ-д нөлөөлсөн л байгаа. Тэгэхээр би өөрөө бусдаас өөр, бусад хүн ч бас надаас өөр байх эрхтэй гэдгийг хүлээн зөвшөөрдөг. Одоогоор яахав би өөрөө нас залуу, цус шингэн, үг даахдаа муу, үгээр давахдаа ч бас муу л байгаа байх. Гэхдээ л уруул амаараа уралцаад, улаан хэлтэд давагдашгүй болчих цаг ирэх л байлгүй. Үг даахад суралцаж байгаа, шүүмжлэлүүдэд ч бас зөв хандаж сурч байгаа, хичээнгүйлэн зүтгэх ёстойгоо маш сайн ухамсарлаж байгаа. Үг сонсож сурна гэдэг, үнэт капитал мөнөөс мөн, за миний хувийн, хувьсгалын асуудал ч яахав бас ч гэж гайгүй.

          Надаас доор архичин эцэг эхтэй, олон ах дүүтэй хүмүүсийг харин бөөн бөөн өр шир, виз пасспортны асуудалтай, байгаа хэдэн доллараа өөртөө нааж чадахгүй, монгол явуулаад, ажил төрөлд чадлаараа зүтгээд байж байхыг нь би үгүйсгэдэггүй. Амьдрах гээд л явж байгаа биз хөөрхий. Учиргүй их амьдрал үзчихээгүй ч, үзэж байгаа хүмүүсийг харж л байна. Боломжоороо визнийх нь асуудлыг янзалж хууль ёсоор нь явуулах боломж, гарцыг нь мэддэг бол заагаад өгөхсөн, мэдээгүйгээсээ болж битгий элдэв асуудал орчихоосой, хүссэндээ хүрээд хурдхан хариад, монголдоо сайхан амьдраасай даа гэж их хүсдэг л юм. Гэхдээ мэдлэг, мэдлээс маань хэтэрсэн юмыг мэдээж яаж ч хүслээ гээд хясдаг хорвоо хойно. Чадлаараа л оролдоод дараа нь харамсахааргүй болтолоо хичээсэн шүү л гээд бодоод явж байх сайхан дөө.

          http://ganaas.blogspot.com/2007/03/blog-post_15.html

          Жижиг хотын Монголчуудын дотор Австралидаа илүү хайртай дуртай болохоор Монгол ахуй, Монголчуудын зовлон, Монгол дахь залуусын бэрхшээлийг бас сайн мэддэггүй хүмүүс мэр сэр байдаг. Тэдний зарим нь бусдад туслах чадваргүй, бусдын төлөө хуруугаа ч хөдөлгөх хүсэл эрмэлзэлгүй, бусдын төлөө явдаг хүмүүсийг ухаан муутаар шалгаруулж, өөрсдийнхөө ухаантайг бишрээд л явж байдаг. Зарим нь гэдгийг бүгд болгож уншдаг хүмүүс цааш нь бүү уншаарай, тань шиг хүмүүсийн тухай огт яригдаагүй шүү.

          Мөнгөгүй бол Австралид ирэх эрх байхгүй мэтээр сүрдүүлэг их явагддаг л дуулддаг. Мэдэж авлаа, Мэддэггүй хүнд нь хэлмээр юм байна гэсэн сэтгэлээр ханддаг хүмүүст хэлэхэд мөнгөгүй боловч юм сурах чадвартайгаа баталчихсан, хэл усаа бага сага хараад яваад байдаг хүмүүст зээл, тэтгэлэг гээд өөр боломжуудыг нь зөвлөөд өгч болдог юм шиг байна лээ шүү. Би өөрөө Монголынхоо тогоонд чанагдаж, буурай хүмүүсийнхээ бор шаргал амьдралын зах зухаас багахан гадарладаг болохоор гадаадад визний зөрчилтэй явдаг хүмүүсийн цаана шалтгаан байгааг нь бас мэдэрдэг, боломжоороо мэддэгээсээ ядарсан Монголчууддаа хэлээд өгөхсөн, харь оронд зовж явахад нь тулж түшихсэн гэж хичээдэг.

          Миний мэдэхийн хууль ёсоор байгаа Монголчуудтайгаа огт орооцолддоггүй, бусдын мэдэхгүй хэд хэдэн харласан монгол Брисбен хотод одоогоор байгаа. Тэд голдуу визний мэдлэггүйгээсээ, танилын сүлжээгүйгээсээ, бусдын тус дэмжлэггүйгээс болсон байдаг. Миний мэдэхгүй бас зөндөө л байгаа л байх. Энэ мужын бусад хотод нь ч бас мэр сэр байдагийг сүүлд мэдсэн. Зарим нэг залуухан хүүхдүүд хүртэл огт Монголчуудыгаа мэдэхгүй сурч байгаад буцдаг.

          Олонх бусдыгаа мэддэг үү

          Брисбенд сурч байсан гээд Улаанбаатарт тааралдсан 20 гарантай хүүхдүүд бусад Монголчуудтайгаа танилцахыг огт хүсдэггүй байсан, таних ч үгүй гэчихсэн л явж байсан нь зүрх зүсмээр санагдсан, гэхдээ бусад хотод ч байдал бас тийм л байна. Брисбенд адилхан Монгол байж өөрсдийгөө бусдаас тасалж, цоорсон мэт харьцуулшгүй өндөрт гаргаад байдаг Австралижсан Монгол хүмүүс нь голдуу л хөгшин оюутнууд болон тэдгээрийн гэр бүлүүд байсан. Одоо жаахан доошоогоо бууж ирэх цаг нь болсон байх, цөөрөөд л байгаа дуулдсан. Олонх гэгдээд байгаа гарын 5 хуруунд багтахаар цөөхөн хөгшин гэр бүлүүд болох тэдний талаар бусад цөөнхүүд ямар бодолтой явдагийг мэддэггүй, одоо харин олонх байж чадахаа өнгөрсөн тул залуу халаа нэмэгдэх орчин бүрдэж байгаа байх. Тэднээсээ тийм л үлгэр дуурайл авч байсандаа харамсах үе гардаг даа.

          Хөгшчүүл маань өөрсдөөс нь өөр хүмүүс ойр орчинд нь байх ёсгүй юм шиг л боддог. Залуусыг тэдэнтэйгээ хааяа уулзаж ойр байгаач гэдэг ч тэдэнд маань хогон мэдээлэл, хов живэнд зарцуулах зав зай, боломж нь гарахгүй байх нь олонтаа. Цөөнх болох харласан хүмүүс бол бүр ч тэдэнтэй холбогдох талаар найраа байхгүй дээ. Мөрөөрөө сайхан байнгын оршин суух эрхээ аваад боломжын амьдардаг ганц нэгхэн л айл тэр үед байсан. Сүүлд бас ганц хоёроор нэмэгдсэн л байх. Бас Австрали хүнтэй сууж иргэншил авсан Монголоос хүн татчих сэтгэлтэй бас ганц хоёрхон монгол хүмүүс энэ Мужын хотуудаар байх нь байдаг.

          Минийхээр бол Брисбений Монголчуудтай үе тэнгийн 30 нэлээн гарсан, мөнгө төгрөгтэй, албан ёсоор сурч, ажиллах хүмүүсийн хувьд бол Брисбен их дажгүй сайхан хот байгаа юм. Мөнгөгүй бол бас албан ёсоор байх эрх энээ тэрээгээ хөөцөлдөх аргаа сайн олоогүй хүмүүс бол хөгшин байгаад ч нэмэргүй, тэдний бүлэгт багтахгүй. Харин тэр хүний мууд дуртай, хямсгар хүмүүс маань бусад насныхан, шинээр ирэгсэд, цөөнхүүд болон өөр төрлийн Монголчуудаа үргээж, бусдын бөгсийг ухах гэж байж яддагийг нь болиулах гэж оролдсон хүн одоогоор байхгүй л байхад өөрсдөө давчдаад л мундаг биш гэж хэн ч хэлээгүй байхад л мундагаараа өрсөлдөнө энэ тэр гээд байнгын асуудал үүсгээд байдгийг нь их төвөгшөөдөг байж билээ.

          Ер нь бол тэр хэдхэн муухай Монголоосоо салчихвал Брисбений Монголчуудын баг дэлхийд тэргүүлнэ дээ. Муу хүмүүс хаа ч очсон байж л байх юм болохоор боломжоороо харин өөр төрчихсөн тийм хүмүүсээс зайгаа бариад сурчихад илүүдэхгүй. Хөгшин хүмүүс дахин хүмүүжинэ гэж байх биш, хэрээс хэтэрсэн юмаар ноцолдоно гэдэг бидэн шиг залууст ахдах зүйл байх даг шүү. Тэднийг тийм чигээр нь л орхихоос яахав. Нохойтой уралцвал хормойгүй, Ноёнтой ноцолдвол толгойгүй, мэнд бүтэн мэлийж явсан нь л миний үеийн балчир хүүхдүүдийн хувьд одоогоор хамгийн зөв шийдэл болоод байна. Би ямар цогтой тэмцэгч, галтай байлдагч биш. Үгэн пулемётоор галлуулж, үхэж сэхэж, үлгэн салган тэнүүлчилж яваа маань багадаагүй байна. хэхэ

          To be a perfectionist, be perfect

          Зарим аймшигтай хүмүүс зүгээр байгаагаараа байгаа хүмүүсээс заавал өө сэв хайгаад байдаг юм билээ шүү. Үнэнийг хэлэхэд би тэднийг ч, бусдыг ч, өөрийгөө ч төгс төгөлдөр байх албатай гэж үздэггүй, тийм хэвээрээ байх эрхийг нь би хааж боодоггүй, чадахыгаа засаад, чадахгүйтэй нь зохицоод, эвлэрч л амьдардаг хүн. Бусдыг төгс байх ёстой гэж үздэг хүмүүс уул нь өөрсдөө эхлээд тийм болчихвол үлгэр дуурайл үзүүлээд, өөрсдөд нь гэлтгүй хэрэгтэй л санагддаг юм. Амьдрал үзээгүй хүмүүс л төгс төгөлдөрт итгэдэг байх. Гадаадад байдаг Монголчууд ихэнх нь л жирийн нэгэн болохоор завгүй үедээ загасчины морь усгүй гэдэг шиг явж л байгаа харагддаг. Яг хийдэг бүтээдэг хүмүүс нь заримдаа ганц биеээ олон хувилахсан гэж мөрөөддөг, санасан хүссэн бүхэндээ бүгдэд нь завчилж амждаггүй ердийн л хүмүүс байдаг. Хүн бүрийн юуг чухал гэж үздэг, юунд цагаа зарцуулах нь өөр өөр байхаас ч яахав. Зарим Монголчууд маань үнэлэх юмаа үнэлж сураад, байгаадаа баярлаад, болж өгвөл заавал муу муухайгаар өвчилж, сэтгэлийн дарамтыг эрж хайж, бусдын асуудлыг ухаж төнхөхгүй байж сурах нь сэтгэл санааны байдалд нь дэмтэй байх даг шүү.

          Миний хувьд чухалд тооцсон зүйлүүд маань үр дүнд хүрч хүмүүсийн атаархалыг төрүүлдэгийг бодохоор зөв л замаар явж байгаа юм байна л гэж дүгнэдэг дээ. Бусдаар оролдох дуртай улс эхлээд харьцуулах юмныхаа байрыг солиод туршаад үзэхгүймаа гэхэд өөрсдийгөө тольдоод сурчихвал зүгээр л санагдаад байгаа юм. Миний зарим онцгой ач холбогдол өгдөггүй зүйлсээр тодорч гарч ирсэн монгол бүү хэл гадаад хүн ч дэлхий дээр гарч ирээгүй л байгаа. Тэгэхээр миний юманд үнэлгээ өгөх чадвар, ач холбогдолынх нь байр байршлыг нь зөв олох мэдлэг туршлага зарим хөгшнөөрөө гайхуулдаг Монголчуудаас хүртэл хол даваад, амьдралд хэрэгжээд батлагдаад байдаг болохоор би одоогийн байгаадаа сэтгэл хангалуун л яваа. Тиймдээ ч амьтан хүний атаа жөтөөг эцэс туйлд нь хүргэдэг байх. Тэдний яах нь маньд хамаатай биш дээ. Би ямар ч байсан Personal achievement тал дээрээ HAPPY enough л байдаг даа. Одоо харин хүмүүсийн өөнтөглөөд байдаг зарим юмандаа жаахан зав гаргаж бусдын сэтгэл санаанд нь буян үйлддэг ч юм уу гэж бодоод л байж байна даа хэхэ. Дэргэдэх нэг юм нь жигтэйхэн тэнгэрт цойлж, газарт буухааргүй гайхамшигтай төгс хүн болчих байх гээд л хэдэн газрын бэтэгнүүд маань горьдоод явдаг шиг байна лээ. Урмыг нь хугалахгүйг ядаж хичээхээс болохгүй дэгээ.

          http://chandmani.blogspot.com/2007/07/13.html

          Enjoy gossip? You could create powerful enemies around U, mate! THINK

          Би ч бас анх ирэхдээ 20 гаранхантай хүүхдээрээ шахуу байсан болохоор ярих ярихгүй юмаа ч мэдэхгүй, их хөөрөлхөж, байгаа бүхнээ тоочсоор байгаад олон хүний уурыг нь хүргэдэг байсан биз. Энэ муу даравгараас болж их юм дуулна шүү. Одоо бол тиймэрхүү ам хэлэнд өртөх энэ тэр асуудлыг азтай яваа хүнд байх ёстой зүйл юм байна гэж хүлээж авдаг болоод байгаа. Хүн сайн сайхан явж байгаа эсэхийг нь хүмүүст сонирхогдож, тоогдож яригдаж байгаа эсэхээр нь мэдэж болох ч юм шиг. Цагтаа шар сонингуудаас Модел Болормаа Монголын эрлийз амрагтай гэнэ, Багабанди бандашгүй унтдаг гэнэ гэж хүртэл уншаад явж байсан хүн одоо өөрөө энэ мэтэд эмзэглээд, элдвийн дэмий юм бодож цагаа үрээд явна ч гэж юу байхав. Хэрэв би хэнд ч хэрэггүй амьтан байсан бол хэн миний тухай тоож ярих вэ дээ.

          UBS-р гарсан Америк явуулдаг нэвтрүүлгүүдийг үзсээн. 3L (Language, Leadership, Lecturing)-н залуус зарим хүнд сонсохоос ч халширмаар шүүмжлүүлж л байсан. Давж гараад инээгээд явааг нь бодохоор үнэхээр суралцмаар санагдсан шүү. Мань мэт шиг гэр бүл, үр хүүхэдтэй, нэрээ хайрладаг ойр дотныхонтой хүмүүс ч байхгүй ээ, хамаагүй хагас галзуу юм яриад, ТВ энэ тэрээр нь гарч тээглэж үхэхээр, хэдэн мөндөлүүддээ л мэнд мэлтийж, амьд арзайгаад, хальт харагдаад явж байвал барав. Дараа нь зүгээр удам угсаагаар нь тэрний тэдний тэд дэх үеийн энэнийх нь тийм юм нь тэгж явсан гээд чих дэлсээд байвал сэтгэлийн хат муутай хэдэн хамаатан садангууд барьж иднэ зүгээр. Би өөрөө ч дүүрч, бусдыгаа чирээд, амьдын тамд унагаад юүхэв дээ.

          ———————————————————————

          Цагийг хайрла, харамла, бусдаас өрс, бусдад таныг унтраах боломж бүү олго

          Та монголд түмний нэг байсан бол гадаад дахь цөөхөн монголчуудын дотор энэ давуу талыг эдлэх боломж багасна.

          Ер нь та Австралийн том жижиг аль ч мужид очсон бусад Монголчуудын тухай болон өөрсдийнхөө талаар сайн, муу янз бүрийн хов живийг эр эм гэлтгүй, цаг завтай, юм хийж бүтээх бололцоо, чадвар муутай улсуудаас олон янзын хувилбараар, залхаж, зайлталаа сонсоно гэдгийг урьдаас мэдэж, цочирдохгүй байж сураад, сэтгэл санааны асар их бэлтгэлтэй болж байж ирэх хэрэгтэй. Магадгүй танд бусад мужын олон Монголчуудтай холбоотой байх хэрэгцээ гарахгүй ч байж мэднэ. Залуу улс бол урдахаа л харж амьдардаг, хийх юм ихтэй болохоор гайгүй. Гол хэрэг тарьдаг бүлгийнхэн болох 30-40 насныхантай эвлэгхэн харьцаж сурах хэрэгтэй. Тэд нэгэнт нас нь хэцүүдсэн, хийж чадаагүй, хүссэндээ хүрээгүй юм олон байдаг болохоор байгаадаа сэтгэл дундуур үедээ тэрийгээ мартагнах гэж өөрсдийгөө бүр хэцүүдүүлдэг хүмүүс байгаа юм. Гэхдээ зарим чавганц зантай, хэрүүлч, хийх юмаа олж ядсан залуучууд ч бас хааяа тохиолдоно шүү.

          Ер нь бусадтай нэг их ойртож дотносохгүй, зайгаа барих нь давуу сул талуудтай тул өөртөө тохирох шийдвэрээ гаргаад өөрийнхөөрөө л яваарай. Миний хувьд олон хүнтэй харьцах шаардлага гардаг, олны дунд янз бүрийн л хүн байдагтай нь эвлэрчихсэн болохоор заавал бүгдэд таалагдах гэж өөрийгөө зовоохгүй яваад болоод л байдаг юм. Муу гэж үзсэн хүмүүсээсээ зайгаа барих гээд сайн хүмүүсээс нь бас холдоод байлтай нь биш дээ. Би өөрөө ч заримд нь муу хүн, заримд нь сайн хүн болж харагдаад л явж байдаг даг. Бүгдэд нь сайн хүн болох чинь бурхан багшийн ч мэдлийн асуудал биш дэгээ. Надад таалагдахгүй байгаа хүмүүс ч бас цаанаа өөр бүлгийн хүмүүстээ сайн хүн болчихсон л явж байдаг байлгүй, хэхэ. Хэнд саймшрах чинь өөрийн гэсэн бөндгөртэй хүмүүсийн л шийдэх асуудал болохоос хөндлөнгийн баагийнууд бол илүү ш дээ.

          “Хамгийн инээдтэй хүсэл бол хүн бүрт таалагдах хүсэл. Гёте” – бүх хүнд бусдаас авч буй мэдээлэл нь хэрэгтэй, үнэ цэнэтэй байх албагүй, бүх талаас нь харж бичих нь бүр ч боломжгүй тул зөвхөн өөр шигээ хүмүүст зориулагдсан тусгай мэдээллийг зөвхөн өөрийнхөө эзэмшлийн газартаа тавьсан нь зөв байлаа. Хүнээ танина гэдэг бол маш хэцүү зүйл, гэхдээ суралцвал зохих чухал зүйл. Муу хүнээс урьдчилан сэргийлэх вакцин гэж нэгэнт байхгүй болохоор зөн совиндоо бага ч болов итгэж байх хэрэгтэй юм шиг байна. Заримдаа сайн хүмүүс ч алдаж л байдаг, бидэнд муу юм хийж л байдаг, гэхдээ тэр нь заавал тэр хүнийг муу гэдгийг нь батлахгүй, намайг голд минь ортол гомдоож байсан ч дараа нь зүү орох зайгүй болтолоо үерхсэн сайхан танилууд цөөнгүй бий. Харин буруу гэж бодож байгаа зүйлийг маань олон давтан үйлддэг, огтоос засрахгүй хүнийг аяндаа зангий нь аваад зайлж холдох нь өлзийтэй мэт санагддаг даа.

          Юутай ч та Австралид буусан мөчөөсөө эхлэн хов жив хөөцөлдөгчдийн асуудлыг тэднээр дуусгавар болгож сураарай. Бусдын хэлсэнээр биш, таны хийж бүтээсэн зүйлсийн үр дүнгээр та үнэлэгдэх учраас сэтгэлээ чилээн, чихээ сортойлгож, элдвийн дэмий зүйлд идэвхтэй оролцох гэж шамдах хэрэггүй. Та зөвхөн инээмсэглээд л, байгаа заваасаа жаахан зарцуулаад, сонссон дүр үзүүлээд л байж байхад та тэр хүнд асар их буян болно. Цагаа үрэхгүйг хичээсэн ч болно шүү, үсрээд л хүйтэн хүн байна лээ л гэнэ биз, тэгсэний зоргоор хөрөхгүй, хөлдөхгүйгээс хойш. Авч байгаа мэдээлэл олон хувилбараар ирнэ, гарч байгаа мэдээллээ ядаж зөв гэж тооцсон шүүлтүүрээрээ гаргаж байхгүй бол болохгүй байхаа. Зөв буруугаа ч мэдэхгүй яваа нэгнээ зөв тийш нь залаад өгөх хүн тэгж байгаад гарч ирэх юм байгаа биз. хэхэ.

          Junk info vs Intellectual info

          Таныг яаж ч харьцсан таны тухай их бага хэмжээгээр яригдах нь тодорхой байдаг. Харин та бусдад дүгнэлт өгөх гэж яарах, юу дуулсанаа тараах гэж хичээх хэрэггүй. Таны үнэт цаг хайран шүү дээ. Бусад хүн муу байна уу, сайн байна уу хамаагүй, танд л гай болоогүй бол их шөргөөцөлдөөд, өөрийгөө элдэв зүйлд хутгалдуулах гээд хэрэггүй. Харин зам дээр чинь хөндөлсдөг хүмүүст хэн болохоо үзүүлээд өгөх чадамжтай болохын тулд яаравчлах хэрэгтэй. Чадахгүй байж сэтгэлээр унаж, бусдын юу ярьж байгаад санаа зовох нь таныг өчүүхэн бөгөөд хийх ажилгүй, ирээдүйдээ чиглэсэн зүйлд санаа тавьдаггүй болгож улам л их муулуулах, уруудаж доройтоход ч хүргэж мэднэ шүү. Ийм асуудалтай олон хөгшин Монголчуудыг мэдэх тул хэнэггүй, мангардуу байх нь заримдаа их ашигтай юм байна лээ шүү л гэе дээ. Худлаа ярьдаг, юу ч хийдэггүй, юм ч чаддаггүй мөртлөө бусдын хөдөлмөрийг өөртөө нааж гайхуулах дуртай хүмүүсээс зугатааж сурах хэрэгтэй болно байх.

          Та зөвхөн харласан, визний зөрчилтэй улсуудын дотор л янз янзын араншинтай хүмүүс байдаг гэж бодож магадгүй. Гэтэл тэд байгаатайгаа эвлэрсэн хорхойд хоргүй улсууд л голдуу байдаг. Хамгийн их шуугиан тарьж, сенсаац дэгдээдэг улсууд нь дандаа бусадтай харьцуулах ямар нэгэн юмтай, аль нэг гайгүй сургуульд суралцдаг, white trash-уудтай холбогдож иргэншил авсан, эсвэл бусдаар авахуулсан олон эд зүйлстэй, өөрийнхөө чадлаар амьдрах талаар ойлголт байхгүй, эсвэл хүнд хэлмээргүй хөгийн аргаар дундаж Австраличууд шиг амьдрах боломж олж авсан, Австрали сэтгэхүйтэй, Монголчуудыгаа хүн гэж үздэггүй гэх мэт янз бүрийн л асуудалтай тэрийгээ дөвийлгөж, бусдад батлах, бусдыг доош нь хийх сонирхол бүхий өөртөө итгэл муутай, insecurity ихтэй хүмүүс байдаг.

          Та хогон мэдээлэл, оюунлаг мэдээллийн алинд нь илүү ач холбогдол өгөхөө өөрийн оюун ухаанаараа шийдэж, зөв зохицуулж сураарай. Олонтойгоо байхын давуу талууд заавал дагалдсан зүйлүүдтэйгээ ирдэгийг мэдэж байхад илүүдэхгүй. За одоо ч баахан л монголчуудыгаа монголчуудыг муулаад байна гээд монгол царайлж муулчих шиг боллоо. Монгол гэдгээ хаана ч харуулах гээд гүйх юм даа. Өлсгөлөнгийн эсрэг өлсгөлөн зарладаг шиг юм л болоод байна уу үгүй юу. хэхэ.

          За ямар ч байсан юманд эмзэглэдэггүй, гүжирмэг, хийхээ хийдэг хүмүүс хол явна шүү.

          ———————————————————————

          Big fish of big water

          Бид дараа өөр хотод очиход байдал өөр байсан. Би нэгэнт учраа олчихсон, яаж ч дарсан сайн явах нь тов тодорхой, ив илэрхий болчихсон байсан. Бусдын нүдэнд угаасаа л мундаг юм шиг харагдаад байсан болохоор элдвээр хавчих, харьцуулах, атаархах, муу аргаар өрсөлдөх, муухай үгээр идүүлэх зэрэг асуудлуудтай тулгарахаа больсон. Гэхдээ л анх ирэгсэдийг ер нь танил тал муутай бол өөдтэй угтаж авна гэж найдалтгүй дээ.

          Мань мэтэд л аз таарч гайгүй сайхан хүмүүс түшиж чадаад байсан болохоос бусад шинээр ирэгсдэд хөлөө амархан олоход нь тус нэмэр болчихоор юм одоогоор юу ч байхгүй л байгаа. Монголчуудад зориулсан байгууллага байгуулагдаад шинээр ирэгсэд, мэдээлэл муутай яваа бусд Монголчуудаа тулж түшээд, мэдээлэл түгээгээд эхэлбэл зүгээрсэн. Мэдээж консулаар тэр болгоныг хийлгэнэ гэвэл үүрэгт ажлууд нь өөр байдаг байх л даа. Бид Австралид амьрагсад, ирэгсдэд зориулсан үйлчилгээнүүдээ дотроосоо санаачлаад эхэлцгээвэл яасан юм бэ гэж бодогдох л юм. Ганц нэг гарч ирсэнийгээ дэмждэг сайхан хүмүүс байдаг, доош нь дарах гэсэн цөөхөн хүмүүс харин чадахгүйгээ мэдсэн нь сайн хэрэг. Харин тэр холбоо гэсэн үгийг өмчлөөд, өөрсдөө ч хэргийг нь гаргачихаж чадахгүй тэнэгтээд байдаг, удсанаараа гайхуулдаг, учраа одоо ч олоогүй, өөрөөсөө өөр хүнд туслах боломжгүй хэвээрээ байгаа хүмүүс санаагаа их зовоогоод хэрэггүй л байх. Нүд аньтал нь тэр “Монголчуудын холбоо” энээ тэрээ гэсэн ҮГ-ийг нь авах гээд чаргууцалдах хүн гаргуулахгүй байх талаар туслалцаа үзүүлэмз. Мелбурны Монголчуудын Нийгэмлэг гэх мэт юм тэдэнгүйгээр байгуулагдчихвал бас тэнэгтээд, бусдыг үгээр идэх гэж байдаг авъяасаа бараад явж л байх вий, хэхэ. Авъяас нь хааяа дутаж, дундарч байвал бусдад илүү хэрэгтэй л байна даа.

          Том хот

          Том хотод анх ирэгсэд Монголчуудтайгаа танилцаж сүйд болох гэж байна гээд баахан л нэг нэгэндээ төвөг удацгааж, хоол хош, их цэвэрлэгээ, big shopping-н асуудлууд босоод ганц ганц айл авчраад дараагийнхыг нь дараа ирээрэй гэх гэж бүр балай л юм болдог билээ. Угаасаа ч шинэ ирэгсдэд асуудлууд их, хийх юм их, амралтын өдрүүдэд амрах завшаан байдаггүйг хэлэх үү, дээр нь бас бөөн ажил босоод байхаар залуу хүмүүст бол хэцүү л юм билээ. Гэхдээ яах вэ, бидний хувьд хүн гуйж царай алдахааргүй болчихсон байсан болохоор бараг зарим монголчууд нь тоож харьцлаа гээд баярлаад ч байх шиг.

          Ер нь том хотуудад Монголчууд олон болохоор визний асуудалтайнууд нь хүртэл томхон бүлэг үүсгэхээр болчихсон байдаг шиг байгаа юм. Том хот руу ирвэл визний талаарх бүх төрлийн мэдээлэл авах, виз янзлах, ажиллах эрхтэйгээр овоо удаан хэвтэх боломж үүсдэг шиг байна билээ шүү. Визний асуудалтай Монголчуудаар дагнасан цагаач оросууд хүртэл нэлээн байдаг дуулдаад байна. За тэгээд гайгүй хүмүүс түшиж чадвал ч ажилд орох, байрны мөнгө хэмнэх тал дээр бол ч ногоон гэрлээр л давхилдана шүү дээ.

          Харин шинээр ирэгсэдээс том хотуудад бизнес хийгээд ч юм уу, Австралид нь мэргэжлийн ажил хийгээд, мөнгө төгрөг сайн олоод явдагууд нь олон болж амжаагүй байгаад байх шиг байгаа болохоор тэд нь сүлжээ үүсгэж, томрох болоогүй байх. Зарим нь тэднийгээ бүр харьцуулшгүй, шилмэл үүлдэрийн, элитийн давхрагын, байгалиас заяасан тусгай хүмүүс шиг бодчихсон л тууж явдаг юм. Тиймдээ ч тиймэрхүү хүмүүс нь учиргүй бусадтайгаа наануу цаануутай байгаад байж бас чаддаггүй, дор дороо л ажин түжин, амар жимэр амьдарцгаадаг бололтой. Амьд байгаа нь л хааяа дуулдвал их юм шүү дээ.

          Танд ч бас боломж байна

          Миний хувьд ч яахав эртхэн шиг л юм юм үзсэнээ дуулгаад л авдаг юм. Адилхан л амьдрал хайж, австралид байхын зовлонг үзсэн, тээр доороос өндийж босох гэж үйлээ үзэх ямар байдагийг ялгаагүй л туулаад ирсэн болохоор бусдаас өөрийгөө учиргүй тасалж, хамраа сөхөөд байх сонирхолгүй л дээ. Би өөрийгөө бусдаас ялгах юмгүй жирийн нэгэн боловч хүн бүрт тохиохгүй гайгүй амьдралын зах зухаас зуусандаа баяртай явдаг ердийн л нэгэн гэж боддог.

          Жирийн хүн ийм байдалд хүрч чадсан нь зарим хүний атаархалыг жаахан төрүүлдэг л байх. Өрөвдүүлж явахаар атаархуулж яв гэдэг нэг сайхаан үг байдаг даа. Миний насан дээр над шиг ердийн хүн, өөрөөсөө өөр хүний гадаадын боловсролыг санхүүжүүлээд үр дүнгээ үзчихсэн, өшөө ч олон хүнийг ээлж дараалуулан тэтгээд эхэлчихсэн, өөрөө ийм байдалд хүрсэн байгаа нь одоогоор Австралид байгаа Монголчууд дотроо бурхангүй газрын бумба галзуурдагтай л адил зүйл болоод байх шиг байна. Өөрийгөө ч бардаггүй хөгшчүүд зөндөө л байгаа харагддаг. Ялангуяа гадаадад бол монголчууд маань хөөрхий дийлэнх хэсэг нь л гадаадынханых нь дундаж амьдралд хүрэх найдвар тасарчихсан, тийм мөрөөдөлтэй явдаг хэд нь арай дээр, бас нэг сургууль соёл энэ тэр бараадаж үзсэн, нэлэнхүйдээ л нэлээн доод давхаргынханд тооцогддог юм шиг санагдаж байна. Гэхдээ тэд тэмцдэг, өсөж өндийх гэж хичээдэг байвал тэдэнд болон тэдний далбаанд намирагсдад их хэрэгтэй байнаа.

          Миний жишээнээс үзвэл та бүхэнд ч бас хүссэндээ хүрэх асар их боломжууд байдаг нь батлагдаж байгаа юм. Аз болон Боломжууд биднийг хүлээж байдаг, гагцхүү бид түүнийг эрж хайж, олох ёстой юм байна. Хүлээгээд хэвтээд байхаар намайг бас хүлээгээд муусайн золигнууд чинь хүрч ирэхгүй байгаад байсан байна лээ. Туршлагаасаа хэлээд зүгээр элгээ эвхээд суугаад байдаг хүмүүсийг жаахан өөрсдийнх нь төлөө хөдөлгөх гэхээр зарим нь мундаг хүмүүс л санаархана биз, наадах чинь надаа таарахгүй гэх мэтээр сөрөг хандлага үүсгэдэг л юм. Гэтэл би өөрөө тэднээс хэд дахин доороос эхэлж байсныг мэдэх юм бол тиймэрхүү юманд ам гарах учиргүй. Надаас илүү төгс төгөлдөр, надад заяагаагүй олон боломжуудаар хангагдсан ч тэрийгээ хэрэглэхгүй, хэрэгжүүлэхгүй яваад байдаг, олон сайхан боломжуудыг олж хардаггүй, азыг тохиолдсон ч мэдэлгүй өнгөрөөдөг супер хүмүүст над мэтийн мяа гаруудад атаархаад л явж байхаас өөр сонголт даанч үлдээхгүй л шинжтэй хорвоо байна даа. Хорвоо юманд хоёр талтай ханданаа гэж үүнийг л хэлдэг байх даа 5-work-permission

          1-Эхлэл хэсэг
          Үргэлжлэл 2. Үндсэрхэг үзэл
          Үргэлжлэл 3. Англи хэл
          Үргэлжлэл 4. Шинэ эхлэл
          Үргэлжлэл 4a. Австралийн Монголчууд
          Үргэлжлэл 5. Ажлын эрх
          Үргэлжлэл 6. Харилцаанд орох
          Үргэлжлэл 6a. Гадаадад хэн гарвал зүгээр вэ?
          Үргэлжлэл 7. Мэргэжлийн бус ажил
          Үргэлжлэл 8. Суралцахад
          Үргэлжлэл 8a. Professional job
          Үргэлжлэл 9. Санхүүгийн байдал
          Үргэлжлэл 10. Автралид амьдрах

          http://gegeen.wordpress.com/2007/08/15/mongolians-about-australia/

          ]]>           http://nswmongols.wordpress.com/2007/11/30/4a-mn-community-in-au/feed/ 10 TSBT_MN map           2-Who is more Racist http://nswmongols.wordpress.com/2007/09/18/2-who-is-more-racist/ http://nswmongols.wordpress.com/2007/09/18/2-who-is-more-racist/#comments Tue, 18 Sep 2007 01:15:14 +0000 TSBT_MN http://gegeen.wordpress.com/2007/09/18/2-who-is-more-racist/ ]]>

          1-Эхлэл хэсэг

          Австралийн арьс өнгөөр ялгаварлах үзэлийн талаар.

          Би өөрөө халх монгол хүн л дээ. Монгол монголдоо бүр яг харахад л цэвэр монгол нь мэдэгддэг. Монгол л юм чинь нөгөө л намхан нуруу, навтгар хамар, өндөр шанаа, өргөн дух, банзан нүүр, баавгай алхаа, бор шаргал арьс, богинохон маажгий хөл, онигор нүд, олиггүй болгон нь бүгд л байж л таараа байлгүй бодвол. Гадаадынханы нүдэнд л тэр нь их тод харагддаг байх.

          Европ стандартад нийцүүлэх шаардлага гарах биш дээ. Болоод л байдаг юм. Америк кино үзсээр байгаад тархиа угаалгачихсан залуус л монгол царай муухай, европ царай гоё гэж боддог болчихсон байдаг байх. Заяасан материал маань ийм болохоор учиргүй заяандаа гомдоод байх хэрэгцээ гардаггүй л дээ. Монголчуудынхаа нүдэнд нүүрээ угаагаад нөгөө хувцасаа өмсөхөөрөө аятайхан харагдаад, жирийн үедээ жирийн л харагддаг байх, өөрийгөө царай муутын тоонд хааяа оруулдаг жирийн л хүн л дээ.

          http://tseveendorj.blogspot.com/2007/07/blog-post_17.html

          Австралийн жижиг хотынхон харин азиудыг ялгаж таньдаггүй, царай нь ямар төрөлдөө ордогийг нь мэддэггүй юм байна гэж дүгнээд байгаа. Надад ази хүүхнүүдийн зураг үзүүлээд л энэ царайлагтаа орох уу гэж нэгээр тогтохгүй удаа асууж л байлаа.

          Яг л нөгөө төөрсөөр төрөлдөө киноны адилхан шар байж Улаан Цагаан байхдаа яахав дээ гэдэг шиг, эндэхийн хээгүй найзархаг Австраличууд азиудыг шар байна, өөр байна энэ тэр гэж гомдоллодоггүй л юм. Ялангуяа жуулчин ихтэй юм уу, газар газарынхан хөлхдөг том хотууд бол яг л Монголоос маань ялгарах юм байхгүй, бүгд л найзалж нөхөрлөөд, арьс, гарал үүсэл энэ тэрээрээ нэг их ялгараад байхгүй дээ.

          Жижиг хотын Монголчууд нэгнийхээ хаясан гэж ахиж авч хувилсан фото зурагтай оюутны үнэмлэхээр автобусанд тал үнээр үйлчлүүлээд, номын сангаас үнэгүй ном авч, бусад боломжит хөнгөлөлтүүдийг эдлээд л явдаг. Машин авч амжаагүй, ийм юм байдагийг мэдээгүй яваа монголчууд нийтийн тээвэрт төлсөн зардалаа тооцоод үзээрэй. Австралид нийтийн тээвэр, байрны түрээсээс өөр учиргүй үнэтэй гэчихээр юм байдаггүйг Монголоос ирсэн хүмүүс анзаарсанаа хэлж байсан.

          Мөн мэргэжлээрээ Австралид ажилладаг монголчууд дотор өнгөлөг, сайхан Мисс, Жентлеменүүд байна уу гэвэл БАЙХГҮЙ ЭЭ л гэхээс дээ. Миний л танилын хүрээний гайгүй яваа хэд нь гайтай царайтайгаа мэдээд гаднахаа биш доторхоо ашиглахаа эрт мэдэрцгээсэн гэж бодоод байгаа. (If it’s insulting u, sry mate! U know me). Тэгэхээр Австралийн компаниуд царай зүсээр ялгаварласан байдаг юм бол хэдэн Монголчуудаас царай муутуудыг нь л түүгээд байгаа болж таараад байгаа. Тэгэхээр оззинуудын юунд ач холбогдол өгдөг, юуг нь илүү үнэлдэг нь манайхнаас арай өөр юм шиг санагдаад байгаа юм.

          Australian Value

          Монголд чинь биднүүс өдөр бүр эр эмгүй, гадаадын брэнд хувцасны эрэлд хатаж, гадаадын /хоолны газар, курс дамжаа, цэцэрлэг сургууль, тоглоом, ном, хүнс, гоёл/ гэсэн юм болгонд байдаг мөнгөө гөвж, үнэтэй эд юмсаар гадар талаа чимж, өөрсдөө ч тэрнийхээ хэмжээгээр сэтгээд, гадаадаас үнэ зодож олж ирсэн тогосны өднөөс цаашихыг нь олигтой үнэлгээнд оруулдаггүйгээсээ болоод хөгжил буруу тийшээ яваад, хүний /ялангуяа Монгол залуусын/ чадвар, мэдлэг үнэгүйдээд байдаг шиг байнаа. Чадвартай мэдлэгтэй хүн тэрийгээ үнэлүүлээд хүссэн, сонирхсон юмандаа зарцуулж, мэргэжил, туршлагадаа улам ихийг зарцуулах гэхээр нэгдүгээрт тэрийг нь үнэлэх орчин алга, хоёрдугаарт хүсэл сонирхолд нь тэр бүр нийцэхээргүй шал өөр юманд нийгмээ дагаад уусаж автахад хүрээд байгаа юм шиг. Чадваргүй, чадвараа нэмэгдүүлэхгүй, юм хийж бүтээж бий болгохгүй байж л хэдэн давхар байшин сав, гоёмсог Ну-А, үнэтэй хувцас, эдлэлээрээ өрсөлдөхөд хүрээд байвал улс орны хөгжил яригдахад хүнд л байх болов уу. Ард түмний маань юунд үнэлгээ өгч, юуг чухалчилж байгаа нь барууны хөгжсөн улсуудынхаас арай л өөр байдаг шиг байна шүү, бодолцоно бизээ.

          Гайгүй гар утас бариагүйгээсээ болоод эцэг эхийнхээ мөнгөөр түрээ барьж пээдийдэг оюутнууддаа үнэлэгдэхээ больж буй их сургуулийн багш нар байдаг гэж дуулдвал аан тэр чинь Монгол ш дээ л гэхээр болж байна шүү. Жаахан гүзээ сууж, гонж занги царайлж явахгүй бол гэдэн годон гэсэн, энгийн хувцастай бизнесменүүдийг албан байгууллагууд шууд үүдэн дээрээсээ л үнийг нь тогтоогоод оруулахаа байчихдаг ч гэнэ үү, үлгэр домог шиг юм л дуулдаад байх болж. Наанаа байгаа дээрээ сайд болох бэлтгэлээ базааж, харвингаа бэлдээд байж байгаарай гэх хүн хүртэл гарч байна шүү дээ, яанаа. Эрүүл амьдралын горим, хэм хэмнэл тэгж ихээр алдагдчихсан юм болов уу. Ардчилал, Үнэн сонингуудынх нь мэдээлж байгаагаар Ард түмний амьдрал ядуураад л гэхийн, Африкийн тураалд орчихсон хүмүүс шиг л таргалахтай манатай болсон баймаар даа уул нь. Амьдралтай юм уншчихмаар, мэдчихмээр л санагдахын. хэхэ. Монгол хүн Монголд үнэгүйдээд, үнэлэмж нь буураад, гадаадынхан тахин шүтэгдээд, тааваараа жаргачих гээд байгаа дуулдаад байна. Гэтэл хөгжсөн оронд ирээд харахаар юм бүхэн нь эсрэгээрээ байх юмаа.

          Австраличууд лав Австрали хүн гэдгээрээ бахархдаг, халтар царайтай, ислам, муслим цагаачид нь хүртэл “Оззи Оззи Ой Ой Ой, Proud to be an Australian” гээд л юм бүр дээр далжиганаад л байдаг, ард иргэд нь аймшгийн үнэтэй Made in Australa гэсэн бараануудаа их авна, тэрүүгээрээ бас гайхуулна, Австралийн брэнд Биллабонгийг нь өмсчихсөн хүмүүс далай эргээр нэг бэлчинэ. Ийм байхад чинь Австрали хүний үнэлгээ өгсөж, өндөрлөгт хүрээд, өндөр цалингаар цалинжихаас яах юм. Бусдыг шохоорхтол нь Австрали юмандаа үнэнч байж, австралитай холбоотой юмнуудын үнэ цэнийг тэнгэрт хадааж байна шүү дээ. Өөрсдийгөө үнэлж, өөрсдөөрөө бахархаж, өөрсдийнхөө хийсэн юмыг үнэ цэнэтэй байлгаж байж баяждаг юм байна, ардууд минь ээ, бидэнд бас боломж байна. Үнэт зүйлс гэдэгтээ юуг оруулах талаараа хэдүүлээ бодолтой байяаа. Биднүүс шиг цөөхүүлээ улс Хүн гэсэн үнэ баялгаа хамгийн нэгдүгээрт тавих байх, тэгээд л цаашаа эрүүл саруул, боловсролтой, чинээлэг, хувийн хариуцлагаа ухамсарладаг залуу үе гээд л цаашаа явна шүү дээ. хэхэ. Хөгшчүүл маань хүүхдийн үгийг үг гэж тоох биш ямар, нохой хуцав уу яав л гэх байлгүй. Их ангалзвал бага шиг давар гээд бүүр буруу тийшээгээ бух шиг зөрөөд явчихна. Арай жаахан хөгшин хүн гарч ирж тэдэнд үгээ хэлж, үлгэр дуурайл үзүүлэхээс болохгүй ээ. Мэр сэрхэн гайгүй хүмүүс, гайгүй үнэлэгдэхээр төвшинд хүрчихээд, хэрэгжүүлчих боломжтой санаануудаас маань туугаасай билээ. Нийгэмд ядаж нөлөө үзүүлэхүйц төвшнийхөн уул нь санаа аваад санаачлагатай байж чадвал бидний цөөхөн Монгол ч дороо л ханарна даа.

          Монголчуудын арьс өнгөний үзлийн талаар

          Анх Австралид буухдаа би болон манай гэр бүлийн хүн хятад, вьетнамуудыг хүн гэж үзэхгүй ээ. Аминдаа өөрсөддөө үндсэрхэг энэ тэр гээд цол хайрлачихсан баясаад л явна. Намхан ази л харагдвал муусайн төлөгнүүд, хужаанууд гээд л, өөрсөд шиг нь Чингисийн Монголчуудын өмнө сөгдөх ёстой юм шиг л боддог байсан шиг байгаа юм. Өмнө нь өөр газаруудад зөндөө л очиж байсан ч ингэж жил сараар сунжирч, дотор гаднахгүй судлах хэрэгцээ гардаг байсан биш. Харуудыг бол бүр яг л сармагчины төрөлтэй хамгийн ойрхон нь, бас бүдүүлэг, гэмт хэрэгтэний төрхтэй гээд итгэчихсэн л явдаг байлаа. Ямар ч харыг негр л гэнэ, хажуугаар явахад нь нига нига гээд л, хөөрхий амьтад гайгүй соёлтойнууд нь таардаг байсан уу яасан, ямар ч байсан ирээд цохиод авдаггүй л байж.

          Харин Австралид удсанаар бидний энэ бодлууд их өөрчлөгдөж, сэтгэлзүйн хувьд нэлээн глобалчлагдсан. Чадалтай, боловсролтой, соёлтой хар арьстанууд бас байдаг. ТВ-р нь мундаг авъяастай, царайлаг, за ер нь л хүний байж болох бүх л төлөвт хувирсан хар шарууд дүүрэн гарах тул тархиа ч сайн угаалгасан даа. Угаасаа ч Австрали улс цагаачдынхаа тоогоор дэлхийд тэргүүлдэг, гэхдээ Америк шиг буруу, зохион байгуулалтгүйгээр ард иргэдийн тоог өсгөх гээд байдаггүй, анхаас нь системтэй бодлого баримталж, их хэмжээгээр эрүүл, чадварлаг гадаадынханыг импортлоод байх шиг байна. Тэднийгээ ч их дэмжиж, Австралид нь аль болох аятай, тухтай байлгах бүх төрлийн мэдээллээр хангаж, боломжыг нь их олгодог шиг байна шүү.

          Би өөрөө ч гадаадад цөөнх болж амьдрахад хавчиж гадуурхахгүй байх нь тэдэнд дээр байдаг юм байна даа л гэж дүгнэсэн. Хүнийг чаддаг юмтай бол заавал хийж бүтээхэд нь хориг саад тавьж, гадуурхаад байдаггүй нь Австралийн давуу тал гэж би хэлнэ. Миний анх мэргэжлээрээ ажилласан газар маань дан Австраличууд ажилладаг боловч ганц том хэлтэсийн дарга нь хагас дутуу яриатай хятад хүн л байсан юм даг. Хятад босстой байсан гэчихэнгүүт Австрали дахь бусад Монголчууд чи ч бас хятад гэж туйлширдаг нь үнэн инээдтэй. Цагаа тулбал бүгд л хятадуудын аяга угааж, жорлон цэвэрлэсэн л байдаг. Монгол хүн гадаадад бусад азиудаар аягаа угаалгаж чадахгүй байгаа нь бидний дотороо хэмлэлддэг, хардаж сэрдэх дуртай, эвлэлдэн нэгдэх чадваргүй, нийтэч бус занг харуулдаг.

          Австралийн иргэншил авсан ч өөрсдийгөө 2-р зэргийн иргэний тоонд оруулах хүсэлтэй гутранги үзэлтэй монголчууд байх нь байдаг. Хэн тэднийг 2nd class citizen-д өөрсдийгөө харъяалуул гэсэн юм. Өөрсдөөс нь л болж байгаа юм. Гадаадынх мөртөлөө бид хүртэл магтуулаад, мандуулаад болоод байхад чинь өөрсдийнхөө өөдгүйгээс л доод давхрага руу шидэгдэж байгаа юм.

          Миний хувьд Монгол хүн гэдгээ нуулгүй, ичиж зовохгүй хүн болгонд монголын тухай, монгол гаралтайгаа, монголын давуу дутагдалтай талуудын талаар яриад л явж байдаг, эндхийнхэн ч их сонирхдог. Харин монголоо сурталчлах гадаад хэл дээрх материалууд ахиухан авчирвал зүгээр юм гэж бодоод байгаа.

          Бас нэг юм тэмдэглэхэд Австрали нь Ази-Пасифик буюу Азийн орны тоонд ордог тул Азийн миссийн тэмцээн гээд Интернетээс хайгаад үзвэл олон сайхан Австрали хүүхнүүдийн зураг олж болно шүү.

          Аль хот азиудад ээлтэй вэ

          За ямар ч байсан TВ-р нь гадаадынхантай холбоотой нэг шоу гарсан юмдаг. Энэ нэвтрүүлэгт NSW, Sydney хот олон үндэстнүүдэд хамгийн нааштай ханддагаар шалгарсан шүү. Нэг хэлгүй хужаагаар Bondi beach хаана байдаг вэ гэж баахан эвгүй хэлүүлж асуулгаад л, нэг муслим шашинтай араб ч юм шиг алчууртай хүүхнээр зоос цуглуул гэж гудамжинд зогсоогоод байсан. Сиднейгийнхэн их зоос өгч, их сайн зааж өгөөд байсан юм шиг байгаа юм.

          Надад ч бас амьдарч байсан хотуудаа харьцуулахаар Сидней илүү олон үндэстэнтэй нь мэдрэгддэг. Бас Gold Coast бол жуулчлал их хөгжсөн, тэр чигээрээ л баян япон, солонгосууд дүүрэн болохоор гайгүй машинаа унаад, гайгүй хувцасаа өмсөөд, гайгүй газаруудаар нь явахаар гайны муусайн үйлчилгээний ажилтанууд нь газар шүргэтэл мөргөж сөхрөөд л мөнгөө л өгчихвөл мөрөөдсөн болгоныг чинь биелүүлээд өгье гээд л мөөрч өгнө шүү дээ.

          ТВ-р нь бас Австралийн Хамгийн ухаантай Хүүхэд гэж тэмцээн жил болгон явагддаг. Топ 5-д нь заавал 2-с дээш ази хүүхдүүд тууж явдагийг нь эхэндээ гайхдаг л байлаа. Миний муу бяцхан бүлтүүш сэргэлэн юм чинь ингээд Австралид мандаад байж болох юм биш байгаа гээд л.

          Жил бүр болдог нөгөө монголын Одод болохын хүслэнтэй адил Australian Idol (copy of American Idol) гээд тэмцээний анхны ялагч нь Малайз гаралтай, ази царайтай Австрали залуу байсан, ноднингийнхад бас Ирланд л байхдаа бодвол Irish залуу түрүүлсэн. Тэгэхээр авъяастай, чадвартай бол Австралид арьс өнгөнөөсөө болж асуудал үүсэхгүй байх шиг байна гэж бодоод байгаа.

          Австралийн том албан тушаалынхан нь голдуу л гаднаас ирж суурьшсан гадаад царайтай хүмүүсээс гаралтай л байдаг. юм Австраличууд ард иргэдийнхээ тал шахуу нь л гадаад гаралтай гээд л гайхуулаад байдаг. Монголд гадаадууд тэгж дээгүүр яваад, албан тушаал ахиад байдаггүйг бид мэдэж л байгаа шүү дээ.

          Тэгэхээр жижиг хот арьсаар ялгаварладаггүй, зүгээр л олон үндэстэний төвлөрөл арай үүсээгүй учраас л зарим монголчуудад хэцүү санагддаг байх гэж боддог. Эсвэл хар ажилчин, оюутан, эмзэг бүлгийнхэн гээд харьцдаггүй байж болох л талтай.

          Sydney, Gold Coast хотод маш олон газараас хүмүүс ирдэг, их төвлөрсөн хотууд, үйлчилгээний ажилчид нь бүгд л Англи хэл муутай хүмүүстэй харьцаад үзчихсэн, сурчихсан удаан, тогтуун, ойлгомжтой ярих гэж хичээдэг бол жижиг хотууд дахь хүмүүс хааяа Aussie аялга буюу баахан үг бөөнтүүлж нийлүүлээд, тахир дутуу нь хамаагүй базаад нэг үг болгоод чулуудчихдаг ойлгоход хэцүү Англи хэлээр ярих нь бий. Ялангуяа утсаар ярьдаг ажил хийх үед илт мэдрэгддэг юм. Үргэлжлэл 3. Англи хэл

          1-Эхлэл хэсэг
          Үргэлжлэл 2. Үндсэрхэг үзэл
          Үргэлжлэл 3. Англи хэл
          Үргэлжлэл 4. Шинэ эхлэл
          Үргэлжлэл 4a. Австралийн Монголчууд
          Үргэлжлэл 5. Ажлын эрх
          Үргэлжлэл 6. Харилцаанд орох
          Үргэлжлэл 6a. Гадаадад хэн гарвал зүгээр вэ?
          Үргэлжлэл 7. Мэргэжлийн бус ажил
          Үргэлжлэл 8. Суралцахад
          Үргэлжлэл 8a. Professional job
          Үргэлжлэл 9. Санхүүгийн байдал
          Үргэлжлэл 10. Автралид амьдрах

          http://gegeen.wordpress.com/2007/08/15/mongolians-about-australia/

          ]]>           http://nswmongols.wordpress.com/2007/09/18/2-who-is-more-racist/feed/ 0 TSBT_MN           9-Finance http://nswmongols.wordpress.com/2007/08/21/9-finance/ http://nswmongols.wordpress.com/2007/08/21/9-finance/#comments Tue, 21 Aug 2007 08:42:39 +0000 TSBT_MN http://gegeen.wordpress.com/2007/08/21/9-finance/ ]]>

          Зээл.
          Өмнөх 8а. Зээл хайгаад үзлээ. Энд зээл авсан нь ханшийн зөрүү энэ тэрээсээ болоод монголоос мөнгөө авчрахаас хямд тусдаг юм. Монгол дахь банкуудын хамгийн бага хадгаламжийн хүүнээс ч бага хүүтэй зээлүүд байдгийг хэлэх үү.

          Туршаад байсан чинь гадаадын иргэд Австралийн зээл авч болдог юм байна шүү. Мэдээж Австралиас нь орлого олдог байх, хэдэн жилдээ бултчихгүй байх гэх мэтийн шаардлагууд ч байгаа л даа. Би ч энэ чиглэлээр expert биш ч өөрийн гэсэн ойлголтуудтай болж авсан даа. Зээлүүд бүтэж нэг хэсэг янз бүрийн л зээлээр занималдаж баахан л монгол дахь жижиг бизнесүүд рүү хөрөнгө оруулав.

          Тэд ч асуудалгүй ашигаа өгцгөөж, би гэдэг хүн зарим хүний ачтан буянтанаар нэг хэсэг тодров доо. Нөгөө зээл өгч байгаа нь тэнэг, зээлээ буцааж төлж байгаа нь бүүр ч тэнэг гэдгийг хэр үнэний хувьтайг энэ жишээнүүд надад харуулсан гэхэд болно.

          http://gegeen.wordpress.com/2007/09/04/why-private-lenders/

          Австрали дахь зарим сонирхсон монголчуудад нь зээлийн талаарх мэдээлэл чадах ядахаараа өгдөг бөгөөд сайн зээл, муу зээл болон зээлийн зөв хэрэглээний талаар зохих ойлголттой болсон зарим нэг монгол хүмүүс бий. Тэдний амьдралдаа хэрэгжүүлсэн хөрөнгө оруулалтын дүрмүүд санхүүгийнх нь байдалд багахан ч атугай тус хүргээд явж байгаа бөгөөд бодит амьдрал дээр хэрэгжээд эхэлчихсэн амжилттай жишээнүүд олныг дурьдаж болох юм.

          cheap-loan-high-saving
          having-credit-history
          get-credit-history

          Жижиг бизнес эрхлэх

          Хувиараа суралцагсадын гол асуудал нь ажиллах цагийн хязгаарлалт болон сургалтын төлбөр байдагийг үзсэн хүмүүс нь хэлэх байх. Энд ABN буюу Австралийн Бизнес # аваад ажиллах юм бол цалин нь бусад ажиллагсад шиг гар дээр ирэхээсээ өмнө татварт суутгуулдаггүй. Бас ажиллах цагийн хязгаарлалт энээ тэрээг зохицуулах боломжтой байдаг гэсэн. Австрали улс нь бизнес эрхлэх боломжоор дээд зэргээр хангагдсан, тэрүүгээрээ дэлхийд тэргүүлэгч улс юм байх. Нэмэлт мэдээлэл хэрэгтэй хүмүүст илүү тайлбар өгч болох юм. Энэ нь монголын хувиараа эрхлэх аж ахуй шиг, томроод ирвэл ХХК компаний зарчмаар ажиллана. Австралийн компани хэмээгчтэй болсоноосоо хойш чаддаг юм бүрээрээ л мөнгө олж эхэлсэн дээ.

          Sample small business idea -> Жижиг Бизнесийн жишээ 1
          Chance of doing Business in Australia
          http://www.hamagmongol.net/readarticle.php?article_id=58

          Австрали улс нь Шинэ Компани байгуулахад хамгийн сайн улсаар энэ онд шалгарчээ.

          Доорх хайх түлхүүрийг өгсөн вэб хуудаснаас нь хайгаад хараарай.

          Australia is the best place for registering a new company: the-best-places-for-living-list-nno551

          Best places to register a new company: Австрали 2007_article

          Үргэлжлэл 10. Австралид амьдрах

          Best places to register a new company

          Despite its (deserved) reputation as a bureaucratic mire, France is one of the 10 quickest countries in the world for setting up a new business:

          1.Australia

          2

          2.Canada

          3

          3.Denmark

          5

          4.Iceland

          5

          5.UnitedStates

          5

          6.Singapore

          6

          7.Afghanistan

          7

          8.PuertoRico

          7

          9.France

          8

          10.Jamaica

          9

          1-Эхлэл хэсэг
          Үргэлжлэл 2. Үндсэрхэг үзэл
          Үргэлжлэл 3. Англи хэл
          Үргэлжлэл 4. Шинэ эхлэл
          Үргэлжлэл 4a. Австралийн Монголчууд
          Үргэлжлэл 5. Ажлын эрх
          Үргэлжлэл 6. Харилцаанд орох
          Үргэлжлэл 6a. Гадаадад хэн гарвал зүгээр вэ?
          Үргэлжлэл 7. Мэргэжлийн бус ажил
          Үргэлжлэл 8. Суралцахад
          Үргэлжлэл 8a. Professional job
          Үргэлжлэл 9. Санхүүгийн байдал
          Үргэлжлэл 10. Автралид амьдрах

          http://gegeen.wordpress.com/2007/08/15/mongolians-about-australia/

          Related:

          Жижиг Бизнесийн Жишээ | Үргэлжлэл 9. Санхүүгийн байдал
          cheap-loan-high-saving | having-credit-history | Why doing business
          get-credit-history | Америкт Бизнес Эрхлэгч Монголчууд

          ]]>           http://nswmongols.wordpress.com/2007/08/21/9-finance/feed/ 7 TSBT_MN           7-About General Vacancy http://nswmongols.wordpress.com/2007/08/21/7-about-general-vacancy/ http://nswmongols.wordpress.com/2007/08/21/7-about-general-vacancy/#comments Tue, 21 Aug 2007 08:27:45 +0000 TSBT_MN http://gegeen.wordpress.com/2007/08/21/7-about-general-vacancy/ ]]>

          Мэргэжлийн бус Ажил

          Үргэлжлэл 6a. Гадаадад хэн гарвал зүгээр вэ? За тэгээд ажлын эрх гээч юмаа ч авлаа даа. Одоо ажил хайна гэдэг ажлыг хийх асуудал босов оо.
          Хэлнийхээ курст яваад эхэлчихсэн байсан болохоор ангийнхантайгаа ч овоо нүүр хагарч татаа тунгаадсаар нэг юм ямар ажил хаана хийцгээгээд байгааг нь судалж амжлаа. Зарим нь ч амнаас нь алт унахыг шахаад компаний нэр маягийн юм л чулуудвал чулуудаад тас ширвэнэ. Нөгөөдөхийг нь шар хуудаснаас хайж байгаад л хаяг аддресийг нь олчихонгуутаа хэн нь сайн ширвэж чаддагаа үзүүлэх ажилдаа ордог байв.

          Бас гадаадад хар ажлын туршлагатай байсан энэ тэр гэж худлаа хулхидахгүй бол ажлын туршлагагүй гээд авдаггүй талаар ч зөвлүүлж авлаа. Some General Vacancy

          Мөнгө муутайг хэлэх үү, хотын төв орох автобусанд бараг туулайдан барин байж, хичээлээсээ чөлөө авч очсон газарууд маань application form гэгч алд дэлэм цааснууд бөглүүлээд л баяртай баяртай гээд байлаа. Ахиад бараг хагас сар хугас ажилгүйдлийн байдалтайгаар гуринхалсаны дараа харин нөгөө ажлуудаас чинь утасдаж эхэлдэг байна шүү.

          Монголдоо голоод хийдэггүй ажлуудад морь мал шиг зүтгэсээр сүүлдээ өөрийгөө ч гайхлаа. Бас шахаад байвал монголын залхуучуудаас шүүс гардаг байх нь ээ. Сиднейгийн боловсролгүй, хэлгүй, визний асуудалтай, харласан гэх мэт янз бүрийн л монголчууд жилийн 60 мянган долларын ажил голоод давхар давхар янз бүрийн ажил хийж амьдралаа ажил болгочихсон л явж байдаг юм. Хятад, япончуудын шоргоолж шиг хөдөлмөрлөөд байдагтай адилаар ТӨРСӨН нутагтаа зүтгэхгүй байж харь оронд хөлс хүчээ шавхаад байдаг нь цаанаа шалтгаантай бололтой.

          Үнэлгээ

          Хөдөлсөнийх нь хэрээр хөлсийг нь өгдөг болохоор хөдлөхгүй байхын аргагүй. Монгол шиг хийдэг ганц, хэлдэг мянга гэсэн дүрэм үйлчлэхгүй. Хэн дуртай нь дарга хийхгүй. Монголын олон дарга, ганц цэргийн дүрмээс тэс эсрэг. Арын хаалгаар ажлын чадваргүй хүн авна гэж байхгүй, тэгж чадсан ч явцгүй дээ, чадахгүйнүүдээ дор нь халчихдаг юм, их амар. Энд тэнд очиж гологдоод л явдаг зарим хүмүүсийг харахаар өрөвддөг л юм. Өөрөөс нь болоод байгаа юм чинь одоо яахав дээ. Өөдгүй төрсөн нь өөрийнх нь буруу биш ч юм билүү. Ажилд оруулаад өгөхөөр арчаагүй зарим монгол нь хийж чадахгүй халагдчихаад тэрүүндээ намайг буруутгах зүйлс бишгүй гардаг байсан тул одоо ажилд зуучилж амаа гарздахаа болиод байгаа. Нутаг нэгтнүүдээ уул нь харж үзэх боломжтой, арчаатай явах юмсан гэж боддог л юм.

          Уул нь ч Австралид өндөр цалинжаад, үнэлээд байхаар хэдэн монголчууд хөгшин залуугүй л шүүс байтугайгаа шавхдаг юм шиг байгаа юм. Би мэт нь ч бие дийлэх биш, тэгж их ажиллавал тэрий хадаж ойчоод хэд хоног хэвтэрийн дэглэмд орох байлгүй.

          Миний хувьд Монголдоо олон хүнийг чирээд явдаг, олдошгүй ховор хүн биш ч гэсэн өөрийгөө нэг юм болгоод, хүнд гай болчихгүй шиг амьдрах гээд хичээгээд явдаг юм болохоор Австралид ирээд гадаадын супер компаниуд, тав байтугай одтой зочид буудалууд, тасархай баячуудын хөлхдөг газаруудын үйлчилгээний албанд сүрхий л тоогдоод, мандаад л, дарганцар шүү юм хийгээд л авсан. Боолоос нь боссыг нь хүртэлх бүх дамжлага дамжиж үзсэн дээ. Өөрөө хүртэл энэ чиглэлээрээ бизнесмен хүртэл болоод авсан. Ийм ажлуудаар даяар дуурсагдах далай даян дархан аваргуудын дарга гэх мэтийн цол хайрладаг байсан бол ч бүгдийг нь өдийд түүсээн түүсэн. Яаж үнэлэхээс нь л болоод байна уу даа л гэж бодогддог болоод байгаа. Манайхан бол ч үйлчилгээгээ үнэгүй л хүртчихнэ, үнэлэхэд тулахаар бол ч баярлалаагаа бараг бөөн үнэ оруулж, нэхүүлж шаардуулж, гуйлгаж гувшуулж, зарим нь ч бүр уурлуулж, зандчуулж байж хэлэх нэг нь хэлнэ, хэлэхгүйнүүд нь даанч олон доо.

          http://saruul-uhaan.blogspot.com/2007/09/v-2.html

          Цалин

          За тэгээд анхны маань албан ёсны муухан хар ажил, цалин багатай (цагийн 15-18$) хийсэн мөртөлөө бүх зардалаа даваад цаана нь илүү үлдээд байхаар муухай ажилдаа хайртай болж байна гэж юухэв. Гэр бүлийн маань хүн ч бас давхар ажилласан л даа. Тэр үед төсөрхөн ч амь зуудаг байж. Уул нь ч ажил гэж мэддэггүй, тоодоггүй байснаас биш монголдоо аав ээж, ар гэртээ зарагдсаар байгаад аймаар мундаг л хийгээд сурчихсан байсан юм байна билээ. Ер нь аав ээж нар хатуу хөтүүг үзүүлэх нь алсдаа үр хүүхдэд нь амьдралд тэмцэх чадвар олгодог сайн талтай байдаг шиг байгаа юм. Ирээдүйн эцэг эхчүүд энэ тал дээр бас дотороо бодолтой л явах хэрэгтэй дээ. Японуудын хүүхдээ багад нь хаан мэт тахин шүтэж, том болохоор нь боол мэт яргалж өсгөдөг аргын үр дүнгийн талаар сонирхож яваагүй юм байна шүү нээрээ.

          Энд ээж аавдаа эрхэлж байгаад ирсэн хүүхдүүд их л хэцүүдэцгээж байхыг нь харсан юм байна. Монголоос олоод байгаа орлогоороо аав ээж нар нь Австралийн зарлага гаргаад байгаа хүүхдийнхээ зардалыг явуулахад тулдагийг би л хувьдаа сайн ойлгож өгөхгүй л байгаад байгаа. Анх ирэхэд нь дэмжээд, арван сарын дараа буцааж өгнө шүү чи гэсэн бол ч яахав ойлгогдож болж байна.

          http://chandmani.blogspot.com/2007/08/blog-post_14.html

          Уул нь мунхаг би сэтгэхдээ яаж ч бодсон яг л эсрэгээрээ байх ёстой юм шиг л бодогдоод, үзэгдээд, харагдаад болдоггүй юм. Буруу аргаар баяжсан монголчуудын хүүхдүүдэд л тэр буруу урсгалын систем нь сайн үйлчлээд байх шиг байгаа юм. Юутай ч ажил хийхгүй Австралид амьдардаг хүүхдүүдийн асуудлаас жаахан халиад анхаарлаа арай өөр юманд хандуулъя.

          Want more -> U’ll get more

          Ажлаас олгосон цалингаас маань илүү гарч байгаа жаахан мөнгө хэл ус гэж таг ирсэн гэр бүлийн маань хүнийг хэлний курсэд суулгахад арай л журдаад болдгүй ээ. Австралийн хэлний курсууд үнэтэй гэж жигтэйхэн, долоо хоногийн 300 доллараас л эхлэнэ шүү дээ. Одоо яахав дээ, ахиу мөнгөний боломж хайлаа. Тэгсэн чинь шөнийн ээлжүүд, хагас бүтэн сайн, баяраар ажиллахад цалин овоо өгдөг дуулдав. За ингээд бүх гайгүй shift-үүдийг нь түүгээд цагийн 35 хавьцаа доллар авдаг боллоо. Гэхдээ энэ юу ч биш шүү. Хар ажлаар цагийн 35-45 доллар авдаг Сиднейгийн монголчуудыг мэдэх юм байна. Гэхдээ хүн болгонд өндөр цалинтай ажил олддог гэвэл ХУДАЛ болно. Хүнээс өөрөөс нь бас АЗ гээч юмыг эрэлхийлэх чадвараас нь их юм хамаардаг юм билээ шүү. http://gegeen.wordpress.com/2007/08/31/sydney-income-mongolians/

          Юутай ч хэдхэн сар болоод нөгөө муухан ажлаа сайхан хийсэн нэр зүүж, сайн ажилласанд тооцогдоод, албан тушаал дэвших шүү аяддаг юм байна. Албан тушаалыг дагалдаад ажилд монголчуудыгаа оруулах эрх мэдэл ч бас ирдэг юм байна. Доороо баахан австрали монгол цэргүүдтэй ч болж махан биеэ зулгаах нь багасч ирлээ. Нөгөө шилбэлзүүрүүдийг ч ширвээд л хөдөлгөдөг болох шив.

          Гэх мэтээр дажгүй олоод эхэлсэн тул одоо өөр юм анзаарахтай манатай болдог юм байна.

          Монголд байгаа хэдэд маань мөнгөний хэрэгцээ өндөрийг хэлэх үү. Энэ үеээс л орлогын түүхтэй болж авсаных, Австралийн home loan, personal loan, credit-н талаар туршилт хийж эхэлсэн юм даг. 8-why-studying

          1-Эхлэл хэсэг
          Үргэлжлэл 2. Үндсэрхэг үзэл
          Үргэлжлэл 3. Англи хэл
          Үргэлжлэл 4. Шинэ эхлэл
          Үргэлжлэл 4a. Австралийн Монголчууд
          Үргэлжлэл 5. Ажлын эрх
          Үргэлжлэл 6. Харилцаанд орох
          Үргэлжлэл 6a. Гадаадад хэн гарвал зүгээр вэ?
          Үргэлжлэл 7. Мэргэжлийн бус ажил
          Үргэлжлэл 8. Суралцахад
          Үргэлжлэл 8a. Professional job
          Үргэлжлэл 9. Санхүүгийн байдал
          Үргэлжлэл 10. Автралид амьдрах

          http://gegeen.wordpress.com/2007/08/15/mongolians-about-australia/

          ]]>           http://nswmongols.wordpress.com/2007/08/21/7-about-general-vacancy/feed/ 1 TSBT_MN